| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. д̣̇ууд̇зяяасуд̇д̇аван̣н̣анаа
6. Dūteyyasuttavaṇṇanā
16. чадтз д̣̇ууд̇зяяанд̇и д̣̇ууд̇агаммам̣. г̇анд̇умарахад̇ийд̇и д̇ам̣ д̣̇ууд̇зяяасан̇каад̇ам̣ саасанам̣ д̇хаарзд̇ваа харид̇ум̣ арахад̇и. сод̇аад̇и яо д̇ам̣ асса саасанам̣ д̣̇зд̇и , д̇асса сод̇аа. саавзд̇аад̇и д̇ам̣ уг̇г̇ан̣хид̇ваа ‘‘ид̣̇ам̣ наама д̇умхзхи вуд̇д̇а’’нд̇и бадисаавзд̇аа. уг̇г̇ахзд̇аад̇и суг̇г̇ахид̇ам̣ гад̇ваа уг̇г̇ахзд̇аа. д̇хаарзд̇аад̇и суд̇хаарид̇ам̣ гад̇ваа д̇хаарзд̇аа. вин̃н̃аад̇и ад̇т̇аанад̇т̇асса ад̇т̇ам̣ ж̇аанид̇аа. вин̃н̃аабзд̇аад̇и барам̣ виж̇аанаабзд̇аа. сахид̇аа сахид̇ассаад̇и ид̣̇ам̣ сахид̇ам̣, ид̣̇ам̣ асахид̇анд̇и звам̣ сахид̇аасахид̇асса гусало, убаг̇ад̇аанубаг̇ад̇зсу чзго саасанам̣ аарожзнд̇о сахид̇ам̣ саллагкзд̇ваа аарожзд̇и. на б̣яат̇ад̇ийд̇и взд̇хад̇и на чамбхад̇и. асанд̣̇ид̣̇д̇ханд̇и ниссанд̣̇зхам̣ виг̇ад̇асам̣саяам̣. бужчид̇од̇и бан̃хад̇т̇ааяа бужчид̇о.
16. Chaṭṭhe dūteyyanti dūtakammaṃ. Gantumarahatīti taṃ dūteyyasaṅkhātaṃ sāsanaṃ dhāretvā harituṃ arahati. Sotāti yo taṃ assa sāsanaṃ deti , tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suggahitaṃ katvā uggahetā. Dhāretāti sudhāritaṃ katvā dhāretā. Viññāti atthānatthassa atthaṃ jānitā. Viññāpetāti paraṃ vijānāpetā. Sahitā sahitassāti idaṃ sahitaṃ, idaṃ asahitanti evaṃ sahitāsahitassa kusalo, upagatānupagatesu cheko sāsanaṃ ārocento sahitaṃ sallakkhetvā āroceti. Na byathatīti vedhati na chambhati. Asandiddhanti nissandehaṃ vigatasaṃsayaṃ. Pucchitoti pañhatthāya pucchito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. д̣̇ууд̇зяяасуд̇д̇ам̣ • 6. Dūteyyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-8. маласуд̇д̇аад̣̇иван̣н̣анаа • 5-8. Malasuttādivaṇṇanā
