| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၆. ဒူတေယ္ယသုတ္တဝဏ္ဏနာ
6. Dūteyyasuttavaṇṇanā
၁၆. ဆဋ္ဌေ ဒူတေယ္ယန္တိ ဒူတကမ္မံ။ ဂန္တုမရဟတီတိ တံ ဒူတေယ္ယသင္ခာတံ သာသနံ ဓာရေတ္ဝာ ဟရိတုံ အရဟတိ။ သောတာတိ ယော တံ အသ္သ သာသနံ ဒေတိ , တသ္သ သောတာ။ သာဝေတာတိ တံ ဥဂ္ဂဏ္ဟိတ္ဝာ ‘‘ဣဒံ နာမ တုမ္ဟေဟိ ဝုတ္တ’’န္တိ ပဋိသာဝေတာ။ ဥဂ္ဂဟေတာတိ သုဂ္ဂဟိတံ ကတ္ဝာ ဥဂ္ဂဟေတာ။ ဓာရေတာတိ သုဓာရိတံ ကတ္ဝာ ဓာရေတာ။ ဝိညာတိ အတ္ထာနတ္ထသ္သ အတ္ထံ ဇာနိတာ။ ဝိညာပေတာတိ ပရံ ဝိဇာနာပေတာ။ သဟိတာ သဟိတသ္သာတိ ဣဒံ သဟိတံ, ဣဒံ အသဟိတန္တိ ဧဝံ သဟိတာသဟိတသ္သ ကုသလော, ဥပဂတာနုပဂတေသု ဆေကော သာသနံ အာရောစေန္တော သဟိတံ သလ္လက္ခေတ္ဝာ အာရောစေတိ။ န ဗ္ယထတီတိ ဝေဓတိ န ဆမ္ဘတိ။ အသန္ဒိဒ္ဓန္တိ နိသ္သန္ဒေဟံ ဝိဂတသံသယံ။ ပုစ္ဆိတောတိ ပဉ္ဟတ္ထာယ ပုစ္ဆိတော။
16. Chaṭṭhe dūteyyanti dūtakammaṃ. Gantumarahatīti taṃ dūteyyasaṅkhātaṃ sāsanaṃ dhāretvā harituṃ arahati. Sotāti yo taṃ assa sāsanaṃ deti , tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suggahitaṃ katvā uggahetā. Dhāretāti sudhāritaṃ katvā dhāretā. Viññāti atthānatthassa atthaṃ jānitā. Viññāpetāti paraṃ vijānāpetā. Sahitā sahitassāti idaṃ sahitaṃ, idaṃ asahitanti evaṃ sahitāsahitassa kusalo, upagatānupagatesu cheko sāsanaṃ ārocento sahitaṃ sallakkhetvā āroceti. Na byathatīti vedhati na chambhati. Asandiddhanti nissandehaṃ vigatasaṃsayaṃ. Pucchitoti pañhatthāya pucchito.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၆. ဒူတေယ္ယသုတ္တံ • 6. Dūteyyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅-၈. မလသုတ္တာဒိဝဏ္ဏနာ • 5-8. Malasuttādivaṇṇanā
