| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೬. ದೂತೇಯ್ಯಸುತ್ತವಣ್ಣನಾ
6. Dūteyyasuttavaṇṇanā
೧೬. ಛಟ್ಠೇ ದೂತೇಯ್ಯನ್ತಿ ದೂತಕಮ್ಮಂ। ಗನ್ತುಮರಹತೀತಿ ತಂ ದೂತೇಯ್ಯಸಙ್ಖಾತಂ ಸಾಸನಂ ಧಾರೇತ್ವಾ ಹರಿತುಂ ಅರಹತಿ। ಸೋತಾತಿ ಯೋ ತಂ ಅಸ್ಸ ಸಾಸನಂ ದೇತಿ , ತಸ್ಸ ಸೋತಾ। ಸಾವೇತಾತಿ ತಂ ಉಗ್ಗಣ್ಹಿತ್ವಾ ‘‘ಇದಂ ನಾಮ ತುಮ್ಹೇಹಿ ವುತ್ತ’’ನ್ತಿ ಪಟಿಸಾವೇತಾ। ಉಗ್ಗಹೇತಾತಿ ಸುಗ್ಗಹಿತಂ ಕತ್ವಾ ಉಗ್ಗಹೇತಾ। ಧಾರೇತಾತಿ ಸುಧಾರಿತಂ ಕತ್ವಾ ಧಾರೇತಾ। ವಿಞ್ಞಾತಿ ಅತ್ಥಾನತ್ಥಸ್ಸ ಅತ್ಥಂ ಜಾನಿತಾ। ವಿಞ್ಞಾಪೇತಾತಿ ಪರಂ ವಿಜಾನಾಪೇತಾ। ಸಹಿತಾ ಸಹಿತಸ್ಸಾತಿ ಇದಂ ಸಹಿತಂ, ಇದಂ ಅಸಹಿತನ್ತಿ ಏವಂ ಸಹಿತಾಸಹಿತಸ್ಸ ಕುಸಲೋ, ಉಪಗತಾನುಪಗತೇಸು ಛೇಕೋ ಸಾಸನಂ ಆರೋಚೇನ್ತೋ ಸಹಿತಂ ಸಲ್ಲಕ್ಖೇತ್ವಾ ಆರೋಚೇತಿ। ನ ಬ್ಯಥತೀತಿ ವೇಧತಿ ನ ಛಮ್ಭತಿ। ಅಸನ್ದಿದ್ಧನ್ತಿ ನಿಸ್ಸನ್ದೇಹಂ ವಿಗತಸಂಸಯಂ। ಪುಚ್ಛಿತೋತಿ ಪಞ್ಹತ್ಥಾಯ ಪುಚ್ಛಿತೋ।
16. Chaṭṭhe dūteyyanti dūtakammaṃ. Gantumarahatīti taṃ dūteyyasaṅkhātaṃ sāsanaṃ dhāretvā harituṃ arahati. Sotāti yo taṃ assa sāsanaṃ deti , tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suggahitaṃ katvā uggahetā. Dhāretāti sudhāritaṃ katvā dhāretā. Viññāti atthānatthassa atthaṃ jānitā. Viññāpetāti paraṃ vijānāpetā. Sahitā sahitassāti idaṃ sahitaṃ, idaṃ asahitanti evaṃ sahitāsahitassa kusalo, upagatānupagatesu cheko sāsanaṃ ārocento sahitaṃ sallakkhetvā āroceti. Na byathatīti vedhati na chambhati. Asandiddhanti nissandehaṃ vigatasaṃsayaṃ. Pucchitoti pañhatthāya pucchito.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೬. ದೂತೇಯ್ಯಸುತ್ತಂ • 6. Dūteyyasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೫-೮. ಮಲಸುತ್ತಾದಿವಣ್ಣನಾ • 5-8. Malasuttādivaṇṇanā
