| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. (д̣̇уд̇ияа) д̣̇звасабхад̇т̇зраг̇аат̇ааван̣н̣анаа
10. (Dutiya) devasabhattheragāthāvaṇṇanā
саммаббад̇хаанасамбаннод̇и ааяасмад̇о д̣̇звасабхад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сиким̣ бхаг̇аванд̇ам̣ д̣̇исваа басаннамаанасо б̣анд̇хуж̇ийвагабубпзхи бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ сагяарааж̇агулз ниб̣б̣ад̇д̇и, д̇асса д̣̇звасабход̇и наамам̣ ахоси. со ваяаббад̇д̇о жумб̣адагалахавуубасаманад̇т̇ам̣ сад̇т̇ари ааг̇ад̇з б̣уд̣̇д̇хаанубхаавам̣ д̣̇исваа басаннамаанасо саран̣зсу бад̇идтид̇о буна ниг̇род̇хаараамз сад̇т̇ари вихаранд̇з сад̇т̇аарам̣ убасан̇гамид̇ваа бадилад̣̇д̇хасад̣̇д̇хо баб̣б̣аж̇ид̇ваа гад̇абуб̣б̣агижжо вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.16.1-6) –
Sammappadhānasampannoti āyasmato devasabhattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto sikhissa bhagavato kāle kulagehe nibbattitvā viññutaṃ patto ekadivasaṃ sikhiṃ bhagavantaṃ disvā pasannamānaso bandhujīvakapupphehi pūjaṃ akāsi. So tena puññakammena devamanussesu saṃsaranto imasmiṃ buddhuppāde kapilavatthusmiṃ sakyarājakule nibbatti, tassa devasabhoti nāmaṃ ahosi. So vayappatto cumbaṭakalahavūpasamanatthaṃ satthari āgate buddhānubhāvaṃ disvā pasannamānaso saraṇesu patiṭṭhito puna nigrodhārāme satthari viharante satthāraṃ upasaṅkamitvā paṭiladdhasaddho pabbajitvā katapubbakicco vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 1.16.1-6) –
‘‘жанд̣̇ам̣ва вималам̣ суд̣̇д̇хам̣, виббасаннаманаавилам̣;
‘‘Candaṃva vimalaṃ suddhaṃ, vippasannamanāvilaṃ;
нанд̣̇ийбхавабаригкийн̣ам̣, д̇ин̣н̣ам̣ логз висад̇д̇игам̣.
Nandībhavaparikkhīṇaṃ, tiṇṇaṃ loke visattikaṃ.
‘‘ниб̣б̣аабаяанд̇ам̣ ж̇анад̇ам̣, д̇ин̣н̣ам̣ д̇аараяад̇ам̣ варам̣;
‘‘Nibbāpayantaṃ janataṃ, tiṇṇaṃ tārayataṃ varaṃ;
муним̣ ванамхи жхааяанд̇ам̣, згаг̇г̇ам̣ сусамаахид̇ам̣.
Muniṃ vanamhi jhāyantaṃ, ekaggaṃ susamāhitaṃ.
‘‘б̣анд̇хуж̇ийвагабубпаани, лаг̇зд̇ваа суд̇д̇агзнахам̣;
‘‘Bandhujīvakapupphāni, lagetvā suttakenahaṃ;
б̣уд̣̇д̇хасса абхиробаяим̣, сикино логаб̣анд̇хуно.
Buddhassa abhiropayiṃ, sikhino lokabandhuno.
‘‘згад̇им̣сз ид̇о габбз, яам̣ гаммамагарим̣ д̇ад̣̇аа;
‘‘Ekatiṃse ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘ид̇о сад̇д̇амагз габбз, мануж̇инд̣̇о махааяасо;
‘‘Ito sattamake kappe, manujindo mahāyaso;
саманд̇ажагкунаамааси, жаггавад̇д̇ий махаб̣б̣ало.
Samantacakkhunāmāsi, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇анаа ад̇хиг̇ад̇ам̣ вимуд̇д̇исукам̣ ниссааяа уббаннабийд̇исоманассо уд̣̇аанавасзна –
Arahattaṃ pana patvā attanā adhigataṃ vimuttisukhaṃ nissāya uppannapītisomanasso udānavasena –
100.
100.
‘‘саммаббад̇хаанасамбанно , сад̇ибадтаанаг̇ожаро;
‘‘Sammappadhānasampanno , satipaṭṭhānagocaro;
вимуд̇д̇игусумасан̃чанно, бариниб̣б̣иссад̇яанаасаво’’д̇и. – г̇аат̇ам̣ абхааси;
Vimuttikusumasañchanno, parinibbissatyanāsavo’’ti. – gāthaṃ abhāsi;
д̇ад̇т̇а саммаббад̇хаанасамбаннод̇и самбаннажад̇уб̣б̣ид̇хасаммаббад̇хаано, д̇зхи гад̇д̇аб̣б̣агижжам̣ самбаад̣̇зд̇ваа тид̇од̇и ад̇т̇о. сад̇ибадтаанаг̇ожарод̇и гааяаанубассанаад̣̇аяо сад̇ибадтаанаа г̇ожаро бавад̇д̇идтаанам̣ зд̇ассаад̇и сад̇ибадтаанаг̇ожаро, жад̇уусу сад̇ибадтаанзсу бад̇идтид̇ажид̇д̇од̇и ад̇т̇о. г̇ун̣асобхзна барамасуг̇анд̇хаа вимуд̇д̇иязва гусумаани, д̇зхи саб̣б̣асо саммад̣̇зва сан̃чанно вибхуусид̇о алан̇гад̇од̇и вимуд̇д̇игусумасан̃чанно. бариниб̣б̣иссад̇яанаасавод̇и звам̣ саммаа бадибаж̇ж̇анд̇о бхигку нажирассзва анаасаво худ̇ваа бариниб̣б̣иссад̇и саубаад̣̇исзсааяа анубаад̣̇исзсааяа жа ниб̣б̣аанад̇хаад̇уяаад̇и ад̇т̇о. ид̣̇амзва жа т̇зрасса ан̃н̃ааб̣яаагаран̣ам̣ ахоси.
Tattha sammappadhānasampannoti sampannacatubbidhasammappadhāno, tehi kattabbakiccaṃ sampādetvā ṭhitoti attho. Satipaṭṭhānagocaroti kāyānupassanādayo satipaṭṭhānā gocaro pavattiṭṭhānaṃ etassāti satipaṭṭhānagocaro, catūsu satipaṭṭhānesu patiṭṭhitacittoti attho. Guṇasobhena paramasugandhā vimuttiyeva kusumāni, tehi sabbaso sammadeva sañchanno vibhūsito alaṅkatoti vimuttikusumasañchanno. Parinibbissatyanāsavoti evaṃ sammā paṭipajjanto bhikkhu nacirasseva anāsavo hutvā parinibbissati saupādisesāya anupādisesāya ca nibbānadhātuyāti attho. Idameva ca therassa aññābyākaraṇaṃ ahosi.
(д̣̇уд̇ияа) д̣̇звасабхад̇т̇зраг̇аат̇ааван̣н̣анаа нидтид̇аа.
(Dutiya) devasabhattheragāthāvaṇṇanā niṭṭhitā.
д̣̇асамаваг̇г̇аван̣н̣анаа нидтид̇аа.
Dasamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. (д̣̇уд̇ияа)-д̣̇звасабхад̇т̇зраг̇аат̇аа • 10. (Dutiya)-devasabhattheragāthā
