| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৯. দুতিযঅভব্বট্ঠানসুত্তং
9. Dutiyaabhabbaṭṭhānasuttaṃ
৯৩. ‘‘ছযিমানি, ভিক্খৰে, অভব্বট্ঠানানি। কতমানি ছ? অভব্বো দিট্ঠিসম্পন্নো পুগ্গলো কঞ্চি 1 সঙ্খারং নিচ্চতো উপগন্তুং, অভব্বো দিট্ঠিসম্পন্নো পুগ্গলো কঞ্চি সঙ্খারং সুখতো উপগন্তুং, অভব্বো দিট্ঠিসম্পন্নো পুগ্গলো কঞ্চি ধম্মং অত্ততো উপগন্তুং, অভব্বো দিট্ঠিসম্পন্নো পুগ্গলো আনন্তরিযং কম্মং 2 কাতুং, অভব্বো দিট্ঠিসম্পন্নো পুগ্গলো কোতূহলমঙ্গলেন সুদ্ধিং পচ্চাগন্তুং , অভব্বো দিট্ঠিসম্পন্নো পুগ্গলো ইতো বহিদ্ধা দক্খিণেয্যং গৰেসিতুং। ইমানি খো, ভিক্খৰে, ছ অভব্বট্ঠানানী’’তি। নৰমং।
93. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo kañci 3 saṅkhāraṃ niccato upagantuṃ, abhabbo diṭṭhisampanno puggalo kañci saṅkhāraṃ sukhato upagantuṃ, abhabbo diṭṭhisampanno puggalo kañci dhammaṃ attato upagantuṃ, abhabbo diṭṭhisampanno puggalo ānantariyaṃ kammaṃ 4 kātuṃ, abhabbo diṭṭhisampanno puggalo kotūhalamaṅgalena suddhiṃ paccāgantuṃ , abhabbo diṭṭhisampanno puggalo ito bahiddhā dakkhiṇeyyaṃ gavesituṃ. Imāni kho, bhikkhave, cha abhabbaṭṭhānānī’’ti. Navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮-১১. অভব্বট্ঠানসুত্তচতুক্কৰণ্ণনা • 8-11. Abhabbaṭṭhānasuttacatukkavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ২-১১. আৰরণসুত্তাদিৰণ্ণনা • 2-11. Āvaraṇasuttādivaṇṇanā
