| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. දුතියඅභිනිවෙසසුත්‌තං
9. Dutiyaabhinivesasuttaṃ
158. සාවත්‌ථිනිදානං . ‘‘කිස්‌මිං නු ඛො, භික්‌ඛවෙ, සති, කිං උපාදාය, කිං අභිනිවිස්‌ස උප්‌පජ්‌ජන්‌ති සංයොජනාභිනිවෙසවිනිබන්‌ධාජ්‌ඣොසානා’’ති? 1 භගවංමූලකා නො, භන්‌තෙ, ධම්‌මා…පෙ.… ‘‘රූපෙ ඛො, භික්‌ඛවෙ, සති, රූපං උපාදාය, රූපං අභිනිවිස්‌ස උප්‌පජ්‌ජන්‌ති සංයොජනාභිනිවෙසවිනිබන්‌ධාජ්‌ඣොසානා. වෙදනාය සති … සඤ්‌ඤාය සති… සඞ්‌ඛාරෙසු සති… විඤ්‌ඤාණෙ සති, විඤ්‌ඤාණං උපාදාය, විඤ්‌ඤාණං අභිනිවිස්‌ස උප්‌පජ්‌ජන්‌ති සංයොජනාභිනිවෙසවිනිබන්‌ධාජ්‌ඣොසානා. තං කිං මඤ්‌ඤථ, භික්‌ඛවෙ, රූපං නිච්‌චං වා අනිච්‌චං වා’’ති ? ‘‘අනිච්‌චං, භන්‌තෙ’’. ‘‘යං පනානිච්‌චං…පෙ.… අපි නු තං අනුපාදාය උප්‌පජ්‌ජෙය්‍යුං සංයොජනාභිනිවෙසවිනිබන්‌ධාජ්‌ඣොසානා’’ති? ‘‘නො හෙතං, භන්‌තෙ’’…පෙ.… ‘‘එවං පස්‌සං…පෙ.… නාපරං ඉත්‌ථත්‌තායාති පජානාතී’’ති. නවමං.
158. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa uppajjanti saṃyojanābhinivesavinibandhājjhosānā’’ti? 2 Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa uppajjanti saṃyojanābhinivesavinibandhājjhosānā. Vedanāya sati … saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa uppajjanti saṃyojanābhinivesavinibandhājjhosānā. Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti ? ‘‘Aniccaṃ, bhante’’. ‘‘Yaṃ panāniccaṃ…pe… api nu taṃ anupādāya uppajjeyyuṃ saṃyojanābhinivesavinibandhājjhosānā’’ti? ‘‘No hetaṃ, bhante’’…pe… ‘‘evaṃ passaṃ…pe… nāparaṃ itthattāyāti pajānātī’’ti. Navamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-9. අජ්‌ඣත්‌තසුත්‌තාදිවණ්‌ණනා • 1-9. Ajjhattasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-9. අජ්‌ඣත්‌තසුත්‌තාදිවණ්‌ණනා • 1-9. Ajjhattasuttādivaṇṇanā
