| Tipiṭaka / Tipiṭaka (English) / Aṅguttara Nikāya, English translation |
Show IAST transliterationඅඞ්ගුත්තර නිකාය 5.10
Numbered Discourses 5.10
1. සේඛබලවග්ග
1. Powers of a Trainee
දුතියඅගාරවසුත්ත
Disrespect (2nd)
“පඤ්චහි, භික්ඛවේ, ධම්මේහි සමන්නාගතෝ භික්ඛු අගාරවෝ අප්පතිස්සෝ අභබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. කතමේහි පඤ්චහි? අස්සද්ධෝ, භික්ඛවේ, භික්ඛු අගාරවෝ අප්පතිස්සෝ අභබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. අහිරිකෝ, භික්ඛවේ, භික්ඛු අගාරවෝ අප්පතිස්සෝ අභබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. අනෝත්තප්පී, භික්ඛවේ, භික්ඛු අගාරවෝ අප්පතිස්සෝ අභබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. කුසීතෝ, භික්ඛවේ, භික්ඛු අගාරවෝ අප්පතිස්සෝ අභබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. දුප්පඤ්ඤෝ, භික්ඛවේ, භික්ඛු අගාරවෝ අප්පතිස්සෝ අභබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. ඉමේහි ඛෝ, භික්ඛවේ, පඤ්චහි ධම්මේහි සමන්නාගතෝ භික්ඛු අගාරවෝ අප්පතිස්සෝ අභබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං.
“Bhikkhus, a disrespectful and irreverent bhikkhu with five qualities can’t achieve growth, improvement, or maturity in this teaching and training. What five? A disrespectful and irreverent bhikkhu who is faithless … shameless … imprudent … lazy … witless can’t achieve growth, improvement, or maturity in this teaching and training. A disrespectful and irreverent bhikkhu with these five qualities can’t achieve growth, improvement, or maturity in this teaching and training.
පඤ්චහි, භික්ඛවේ, ධම්මේහි සමන්නාගතෝ භික්ඛු සගාරවෝ සප්පතිස්සෝ භබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. කතමේහි පඤ්චහි? සද්ධෝ, භික්ඛවේ, භික්ඛු සගාරවෝ සප්පතිස්සෝ භබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. හිරීමා, භික්ඛවේ, භික්ඛු …පේ… ඕත්තප්පී, භික්ඛවේ, භික්ඛු …පේ… ආරද්ධවීරියෝ, භික්ඛවේ, භික්ඛු …පේ… පඤ්ඤවා, භික්ඛවේ, භික්ඛු සගාරවෝ සප්පතිස්සෝ භබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුං. ඉමේහි ඛෝ, භික්ඛවේ, පඤ්චහි ධම්මේහි සමන්නාගතෝ භික්ඛු සගාරවෝ සප්පතිස්සෝ භබ්බෝ ඉමස්මිං ධම්මවිනයේ වුද්ධිං විරූළ්හිං වේපුල්ලං ආපජ්ජිතුන්”ති.
A respectful and reverent bhikkhu with five qualities can achieve growth, improvement, and maturity in this teaching and training. What five? A respectful and reverent bhikkhu who is faithful … conscientious … prudent … energetic … wise can achieve growth, improvement, and maturity in this teaching and training. A respectful and reverent bhikkhu with these five qualities can achieve growth, improvement, and maturity in this teaching and training.”
දසමං.
සේඛබලවග්ගෝ පඨමෝ.
තස්සුද්දානං
සඞ්ඛිත්තං විත්ථතං දුක්ඛා, භතං සික්ඛාය පඤ්චමං; සමාපත්ති ච කාමේසු, චවනා ද්වේ අගාරවාති.
The authoritative text of the Aṅguttara Nikāya is the Pāli text. The English translation is provided as an aid to the study of the original Pāli text. [CREDITS »]
