| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਦੁਤਿਯਅਗਾਰવਸੁਤ੍ਤਂ
10. Dutiyaagāravasuttaṃ
੧੦. ‘‘ਪਞ੍ਚਹਿ , ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਅਗਾਰવੋ ਅਪ੍ਪਤਿਸ੍ਸੋ ਅਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਕਤਮੇਹਿ ਪਞ੍ਚਹਿ? ਅਸ੍ਸਦ੍ਧੋ, ਭਿਕ੍ਖવੇ, ਭਿਕ੍ਖੁ ਅਗਾਰવੋ ਅਪ੍ਪਤਿਸ੍ਸੋ ਅਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਅਹਿਰਿਕੋ, ਭਿਕ੍ਖવੇ, ਭਿਕ੍ਖੁ ਅਗਾਰવੋ ਅਪ੍ਪਤਿਸ੍ਸੋ ਅਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਅਨੋਤ੍ਤਪ੍ਪੀ, ਭਿਕ੍ਖવੇ, ਭਿਕ੍ਖੁ ਅਗਾਰવੋ ਅਪ੍ਪਤਿਸ੍ਸੋ ਅਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਕੁਸੀਤੋ, ਭਿਕ੍ਖવੇ, ਭਿਕ੍ਖੁ ਅਗਾਰવੋ ਅਪ੍ਪਤਿਸ੍ਸੋ ਅਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਦੁਪ੍ਪਞ੍ਞੋ, ਭਿਕ੍ਖવੇ, ਭਿਕ੍ਖੁ ਅਗਾਰવੋ ਅਪ੍ਪਤਿਸ੍ਸੋ ਅਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਅਗਾਰવੋ ਅਪ੍ਪਤਿਸ੍ਸੋ ਅਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ।
10. ‘‘Pañcahi , bhikkhave, dhammehi samannāgato bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Katamehi pañcahi? Assaddho, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Ahiriko, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Anottappī, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Kusīto, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Duppañño, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Imehi kho, bhikkhave, pañcahi dhammehi samannāgato bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ.
‘‘ਪਞ੍ਚਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਸਗਾਰવੋ ਸਪ੍ਪਤਿਸ੍ਸੋ ਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਕਤਮੇਹਿ ਪਞ੍ਚਹਿ? ਸਦ੍ਧੋ, ਭਿਕ੍ਖવੇ, ਭਿਕ੍ਖੁ ਸਗਾਰવੋ ਸਪ੍ਪਤਿਸ੍ਸੋ ਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਹਿਰੀਮਾ, ਭਿਕ੍ਖવੇ, ਭਿਕ੍ਖੁ…ਪੇ॰… ਓਤ੍ਤਪ੍ਪੀ, ਭਿਕ੍ਖવੇ , ਭਿਕ੍ਖੁ…ਪੇ॰… ਆਰਦ੍ਧવੀਰਿਯੋ, ਭਿਕ੍ਖવੇ, ਭਿਕ੍ਖੁ…ਪੇ॰… ਪਞ੍ਞવਾ, ਭਿਕ੍ਖવੇ, ਭਿਕ੍ਖੁ ਸਗਾਰવੋ ਸਪ੍ਪਤਿਸ੍ਸੋ ਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁਂ। ਇਮੇਹਿ ਖੋ, ਭਿਕ੍ਖવੇ , ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਸਗਾਰવੋ ਸਪ੍ਪਤਿਸ੍ਸੋ ਭਬ੍ਬੋ ਇਮਸ੍ਮਿਂ ਧਮ੍ਮવਿਨਯੇ વੁਦ੍ਧਿਂ વਿਰੂਲ਼੍ਹਿਂ વੇਪੁਲ੍ਲਂ ਆਪਜ੍ਜਿਤੁ’’ਨ੍ਤਿ। ਦਸਮਂ।
‘‘Pañcahi, bhikkhave, dhammehi samannāgato bhikkhu sagāravo sappatisso bhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Katamehi pañcahi? Saddho, bhikkhave, bhikkhu sagāravo sappatisso bhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Hirīmā, bhikkhave, bhikkhu…pe… ottappī, bhikkhave , bhikkhu…pe… āraddhavīriyo, bhikkhave, bhikkhu…pe… paññavā, bhikkhave, bhikkhu sagāravo sappatisso bhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Imehi kho, bhikkhave , pañcahi dhammehi samannāgato bhikkhu sagāravo sappatisso bhabbo imasmiṃ dhammavinaye vuddhiṃ virūḷhiṃ vepullaṃ āpajjitu’’nti. Dasamaṃ.
ਸੇਖਬਲવਗ੍ਗੋ ਪਠਮੋ।
Sekhabalavaggo paṭhamo.
ਤਸ੍ਸੁਦ੍ਦਾਨਂ –
Tassuddānaṃ –
ਸਂਖਿਤ੍ਤਂ વਿਤ੍ਥਤਂ ਦੁਕ੍ਖਾ, ਭਤਂ ਸਿਕ੍ਖਾਯ ਪਞ੍ਚਮਂ।
Saṃkhittaṃ vitthataṃ dukkhā, bhataṃ sikkhāya pañcamaṃ;
ਸਮਾਪਤ੍ਤਿ ਚ ਕਾਮੇਸੁ, ਚવਨਾ ਦ੍વੇ ਅਗਾਰવਾਤਿ॥
Samāpatti ca kāmesu, cavanā dve agāravāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਦੁਤਿਯਅਗਾਰવਸੁਤ੍ਤવਣ੍ਣਨਾ • 10. Dutiyaagāravasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਮਹਾਸੁਪਿਨਸੁਤ੍ਤવਣ੍ਣਨਾ • 6. Mahāsupinasuttavaṇṇanā
