| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. து³தியஅகா³ரவஸுத்தவண்ணனா
10. Dutiyaagāravasuttavaṇṇanā
10. த³ஸமே வுத்³தி⁴ந்திஆதீ³ஸு ஸீலேன வுத்³தி⁴ங், மக்³கே³ன விருள்ஹிங், நிப்³பா³னேன வேபுல்லங். ஸீலஸமாதீ⁴ஹி வா வுத்³தி⁴ங், விபஸ்ஸனாமக்³கே³ஹி விருள்ஹிங், ப²லனிப்³பா³னேஹி வேபுல்லங். எத்த² ச யஸ்ஸ சதுப்³பி³த⁴ங் ஸீலங் அக²ண்டா³தி³பா⁴வப்பவத்தியா ஸுபரிஸுத்³த⁴ங் விஸேஸபா⁴கி³யத்தா அப்பகஸிரேனேவ மக்³க³ப²லாவஹங் ஸங்க⁴ரக்கி²தத்தே²ரஸ்ஸ விய, ஸோ தாதி³ஸேன ஸீலேன இமஸ்மிங் த⁴ம்மவினயே வுத்³தி⁴ங் ஆபஜ்ஜிஸ்ஸதி. தேன வுத்தங் – ‘‘ஸீலேன வுத்³தி⁴’’ந்தி. யஸ்ஸ பன அரியமக்³கோ³ உப்பன்னோ, ஸோ விரூள்ஹமூலோ விய பாத³போ ஸுப்பதிட்டி²தத்தா ஸாஸனே விரூள்ஹிங் ஆபன்னோ நாம ஹோதி. தேன வுத்தங் – ‘‘மக்³கே³ன விரூள்ஹி’’ந்தி. யோ ஸப்³ப³கிலேஸனிப்³பா³னப்பத்தோ, ஸோ அரஹா ஸீலாதி³த⁴ம்மக்க²ந்த⁴பாரிபூரியா ஸதி வேபுல்லப்பத்தோ ஹோதி. தேன வுத்தங் ‘‘நிப்³பா³னேன வேபுல்ல’’ந்தி. து³தியவிகப்பே அத்தோ² வுத்தனயானுஸாரேன வேதி³தப்³போ³.
10. Dasame vuddhintiādīsu sīlena vuddhiṃ, maggena viruḷhiṃ, nibbānena vepullaṃ. Sīlasamādhīhi vā vuddhiṃ, vipassanāmaggehi viruḷhiṃ, phalanibbānehi vepullaṃ. Ettha ca yassa catubbidhaṃ sīlaṃ akhaṇḍādibhāvappavattiyā suparisuddhaṃ visesabhāgiyattā appakasireneva maggaphalāvahaṃ saṅgharakkhitattherassa viya, so tādisena sīlena imasmiṃ dhammavinaye vuddhiṃ āpajjissati. Tena vuttaṃ – ‘‘sīlena vuddhi’’nti. Yassa pana ariyamaggo uppanno, so virūḷhamūlo viya pādapo suppatiṭṭhitattā sāsane virūḷhiṃ āpanno nāma hoti. Tena vuttaṃ – ‘‘maggena virūḷhi’’nti. Yo sabbakilesanibbānappatto, so arahā sīlādidhammakkhandhapāripūriyā sati vepullappatto hoti. Tena vuttaṃ ‘‘nibbānena vepulla’’nti. Dutiyavikappe attho vuttanayānusārena veditabbo.
து³தியஅகா³ரவஸுத்தவண்ணனா நிட்டி²தா.
Dutiyaagāravasuttavaṇṇanā niṭṭhitā.
ஸேக²ப³லவக்³க³வண்ணனா நிட்டி²தா.
Sekhabalavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. து³தியஅகா³ரவஸுத்தங் • 10. Dutiyaagāravasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. து³தியஅகா³ரவஸுத்தவண்ணனா • 10. Dutiyaagāravasuttavaṇṇanā
