| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
১০. দুতিযঅগারৰসুত্তৰণ্ণনা
10. Dutiyaagāravasuttavaṇṇanā
১০. দসমে ৰুদ্ধিন্তিআদীসু সীলেন ৰুদ্ধিং, মগ্গেন ৰিরুল়্হিং, নিব্বানেন ৰেপুল্লং। সীলসমাধীহি ৰা ৰুদ্ধিং, ৰিপস্সনামগ্গেহি ৰিরুল়্হিং, ফলনিব্বানেহি ৰেপুল্লং। এত্থ চ যস্স চতুব্বিধং সীলং অখণ্ডাদিভাৰপ্পৰত্তিযা সুপরিসুদ্ধং ৰিসেসভাগিযত্তা অপ্পকসিরেনেৰ মগ্গফলাৰহং সঙ্ঘরক্খিতত্থেরস্স ৰিয, সো তাদিসেন সীলেন ইমস্মিং ধম্মৰিনযে ৰুদ্ধিং আপজ্জিস্সতি। তেন ৰুত্তং – ‘‘সীলেন ৰুদ্ধি’’ন্তি। যস্স পন অরিযমগ্গো উপ্পন্নো, সো ৰিরূল়্হমূলো ৰিয পাদপো সুপ্পতিট্ঠিতত্তা সাসনে ৰিরূল়্হিং আপন্নো নাম হোতি। তেন ৰুত্তং – ‘‘মগ্গেন ৰিরূল়্হি’’ন্তি। যো সব্বকিলেসনিব্বানপ্পত্তো, সো অরহা সীলাদিধম্মক্খন্ধপারিপূরিযা সতি ৰেপুল্লপ্পত্তো হোতি। তেন ৰুত্তং ‘‘নিব্বানেন ৰেপুল্ল’’ন্তি। দুতিযৰিকপ্পে অত্থো ৰুত্তনযানুসারেন ৰেদিতব্বো।
10. Dasame vuddhintiādīsu sīlena vuddhiṃ, maggena viruḷhiṃ, nibbānena vepullaṃ. Sīlasamādhīhi vā vuddhiṃ, vipassanāmaggehi viruḷhiṃ, phalanibbānehi vepullaṃ. Ettha ca yassa catubbidhaṃ sīlaṃ akhaṇḍādibhāvappavattiyā suparisuddhaṃ visesabhāgiyattā appakasireneva maggaphalāvahaṃ saṅgharakkhitattherassa viya, so tādisena sīlena imasmiṃ dhammavinaye vuddhiṃ āpajjissati. Tena vuttaṃ – ‘‘sīlena vuddhi’’nti. Yassa pana ariyamaggo uppanno, so virūḷhamūlo viya pādapo suppatiṭṭhitattā sāsane virūḷhiṃ āpanno nāma hoti. Tena vuttaṃ – ‘‘maggena virūḷhi’’nti. Yo sabbakilesanibbānappatto, so arahā sīlādidhammakkhandhapāripūriyā sati vepullappatto hoti. Tena vuttaṃ ‘‘nibbānena vepulla’’nti. Dutiyavikappe attho vuttanayānusārena veditabbo.
দুতিযঅগারৰসুত্তৰণ্ণনা নিট্ঠিতা।
Dutiyaagāravasuttavaṇṇanā niṭṭhitā.
সেখবলৰগ্গৰণ্ণনা নিট্ঠিতা।
Sekhabalavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. দুতিযঅগারৰসুত্তং • 10. Dutiyaagāravasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. দুতিযঅগারৰসুত্তৰণ্ণনা • 10. Dutiyaagāravasuttavaṇṇanā
