| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
10. දුතියඅගාරවසුත්‌තවණ්‌ණනා
10. Dutiyaagāravasuttavaṇṇanā
10. දසමෙ වුද්‌ධින්‌තිආදීසු සීලෙන වුද්‌ධිං, මග්‌ගෙන විරුළ්‌හිං, නිබ්‌බානෙන වෙපුල්‌ලං. සීලසමාධීහි වා වුද්‌ධිං, විපස්‌සනාමග්‌ගෙහි විරුළ්‌හිං, ඵලනිබ්‌බානෙහි වෙපුල්‌ලං. එත්‌ථ ච යස්‌ස චතුබ්‌බිධං සීලං අඛණ්‌ඩාදිභාවප්‌පවත්‌තියා සුපරිසුද්‌ධං විසෙසභාගියත්‌තා අප්‌පකසිරෙනෙව මග්‌ගඵලාවහං සඞ්‌ඝරක්‌ඛිතත්‌ථෙරස්‌ස විය, සො තාදිසෙන සීලෙන ඉමස්‌මිං ධම්‌මවිනයෙ වුද්‌ධිං ආපජ්‌ජිස්‌සති. තෙන වුත්‌තං – ‘‘සීලෙන වුද්‌ධි’’න්‌ති. යස්‌ස පන අරියමග්‌ගො උප්‌පන්‌නො, සො විරූළ්‌හමූලො විය පාදපො සුප්‌පතිට්‌ඨිතත්‌තා සාසනෙ විරූළ්‌හිං ආපන්‌නො නාම හොති. තෙන වුත්‌තං – ‘‘මග්‌ගෙන විරූළ්‌හි’’න්‌ති. යො සබ්‌බකිලෙසනිබ්‌බානප්‌පත්‌තො, සො අරහා සීලාදිධම්‌මක්‌ඛන්‌ධපාරිපූරියා සති වෙපුල්‌ලප්‌පත්‌තො හොති. තෙන වුත්‌තං ‘‘නිබ්‌බානෙන වෙපුල්‌ල’’න්‌ති. දුතියවිකප්‌පෙ අත්‌ථො වුත්‌තනයානුසාරෙන වෙදිතබ්‌බො.
10. Dasame vuddhintiādīsu sīlena vuddhiṃ, maggena viruḷhiṃ, nibbānena vepullaṃ. Sīlasamādhīhi vā vuddhiṃ, vipassanāmaggehi viruḷhiṃ, phalanibbānehi vepullaṃ. Ettha ca yassa catubbidhaṃ sīlaṃ akhaṇḍādibhāvappavattiyā suparisuddhaṃ visesabhāgiyattā appakasireneva maggaphalāvahaṃ saṅgharakkhitattherassa viya, so tādisena sīlena imasmiṃ dhammavinaye vuddhiṃ āpajjissati. Tena vuttaṃ – ‘‘sīlena vuddhi’’nti. Yassa pana ariyamaggo uppanno, so virūḷhamūlo viya pādapo suppatiṭṭhitattā sāsane virūḷhiṃ āpanno nāma hoti. Tena vuttaṃ – ‘‘maggena virūḷhi’’nti. Yo sabbakilesanibbānappatto, so arahā sīlādidhammakkhandhapāripūriyā sati vepullappatto hoti. Tena vuttaṃ ‘‘nibbānena vepulla’’nti. Dutiyavikappe attho vuttanayānusārena veditabbo.
දුතියඅගාරවසුත්‌තවණ්‌ණනා නිට්‌ඨිතා.
Dutiyaagāravasuttavaṇṇanā niṭṭhitā.
සෙඛබලවග්‌ගවණ්‌ණනා නිට්‌ඨිතා.
Sekhabalavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. දුතියඅගාරවසුත්‌තං • 10. Dutiyaagāravasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. දුතියඅගාරවසුත්‌තවණ්‌ණනා • 10. Dutiyaagāravasuttavaṇṇanā
