| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๔-๕. ทุติยอคฺคิสุตฺตาทิวณฺณนา
4-5. Dutiyaaggisuttādivaṇṇanā
๔๗-๔๘. จตุเตฺถ ยญฺญวาฎํ สมฺปาเทตฺวา มหายญฺญํ อุทฺทิสฺส สวิญฺญาณกานิ อวิญฺญาณกานิ จ ยญฺญูปกรณานิ สชฺชิตานีติ อาห ปาฬิยํ ‘‘มหายโญฺญ อุปกฺขโฎ’’ติฯ ตํ อุปกรณํ เตสํ ตถาสชฺชนนฺติ อาห ‘‘อุปกฺขโฎติ ปจฺจุปฎฺฐิโต’’ติฯ วจฺฉตรสตานีติ ยุวภาวปฺปตฺตานิ นาติพลววจฺฉสตานิฯ เต ปน วจฺฉา เอว โหนฺติ, น ทมฺมา, พลีพทฺทา วาฯ อุรพฺภาติ ตรุณเมณฺฑกา วุจฺจนฺติฯ อุปนีตานีติ ฐปนตฺถาย อุปนีตานิฯ วิหิํสเฎฺฐนาติ หิํสนเฎฺฐนฯ อุปวายตูติ อุปคนฺตฺวา สรีรทรถํ นิพฺพาเปโนฺต สณฺหสีตลา วาโต วายตุฯ เสสํ สุวิเญฺญยฺยเมวฯ ปญฺจเม นตฺถิ วตฺตพฺพํฯ
47-48. Catutthe yaññavāṭaṃ sampādetvā mahāyaññaṃ uddissa saviññāṇakāni aviññāṇakāni ca yaññūpakaraṇāni sajjitānīti āha pāḷiyaṃ ‘‘mahāyañño upakkhaṭo’’ti. Taṃ upakaraṇaṃ tesaṃ tathāsajjananti āha ‘‘upakkhaṭoti paccupaṭṭhito’’ti. Vacchatarasatānīti yuvabhāvappattāni nātibalavavacchasatāni. Te pana vacchā eva honti, na dammā, balībaddā vā. Urabbhāti taruṇameṇḍakā vuccanti. Upanītānīti ṭhapanatthāya upanītāni. Vihiṃsaṭṭhenāti hiṃsanaṭṭhena. Upavāyatūti upagantvā sarīradarathaṃ nibbāpento saṇhasītalā vāto vāyatu. Sesaṃ suviññeyyameva. Pañcame natthi vattabbaṃ.
ทุติยอคฺคิสุตฺตาทิวณฺณนา นิฎฺฐิตาฯ
Dutiyaaggisuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๔. ทุติยอคฺคิสุตฺตํ • 4. Dutiyaaggisuttaṃ
๕. ปฐมสญฺญาสุตฺตํ • 5. Paṭhamasaññāsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๔. ทุติยอคฺคิสุตฺตวณฺณนา • 4. Dutiyaaggisuttavaṇṇanā
๕-๖. สญฺญาสุตฺตทฺวยวณฺณนา • 5-6. Saññāsuttadvayavaṇṇanā
