| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೪-೫. ದುತಿಯಅಗ್ಗಿಸುತ್ತಾದಿವಣ್ಣನಾ
4-5. Dutiyaaggisuttādivaṇṇanā
೪೭-೪೮. ಚತುತ್ಥೇ ಯಞ್ಞವಾಟಂ ಸಮ್ಪಾದೇತ್ವಾ ಮಹಾಯಞ್ಞಂ ಉದ್ದಿಸ್ಸ ಸವಿಞ್ಞಾಣಕಾನಿ ಅವಿಞ್ಞಾಣಕಾನಿ ಚ ಯಞ್ಞೂಪಕರಣಾನಿ ಸಜ್ಜಿತಾನೀತಿ ಆಹ ಪಾಳಿಯಂ ‘‘ಮಹಾಯಞ್ಞೋ ಉಪಕ್ಖಟೋ’’ತಿ। ತಂ ಉಪಕರಣಂ ತೇಸಂ ತಥಾಸಜ್ಜನನ್ತಿ ಆಹ ‘‘ಉಪಕ್ಖಟೋತಿ ಪಚ್ಚುಪಟ್ಠಿತೋ’’ತಿ। ವಚ್ಛತರಸತಾನೀತಿ ಯುವಭಾವಪ್ಪತ್ತಾನಿ ನಾತಿಬಲವವಚ್ಛಸತಾನಿ। ತೇ ಪನ ವಚ್ಛಾ ಏವ ಹೋನ್ತಿ, ನ ದಮ್ಮಾ, ಬಲೀಬದ್ದಾ ವಾ। ಉರಬ್ಭಾತಿ ತರುಣಮೇಣ್ಡಕಾ ವುಚ್ಚನ್ತಿ। ಉಪನೀತಾನೀತಿ ಠಪನತ್ಥಾಯ ಉಪನೀತಾನಿ। ವಿಹಿಂಸಟ್ಠೇನಾತಿ ಹಿಂಸನಟ್ಠೇನ। ಉಪವಾಯತೂತಿ ಉಪಗನ್ತ್ವಾ ಸರೀರದರಥಂ ನಿಬ್ಬಾಪೇನ್ತೋ ಸಣ್ಹಸೀತಲಾ ವಾತೋ ವಾಯತು। ಸೇಸಂ ಸುವಿಞ್ಞೇಯ್ಯಮೇವ। ಪಞ್ಚಮೇ ನತ್ಥಿ ವತ್ತಬ್ಬಂ।
47-48. Catutthe yaññavāṭaṃ sampādetvā mahāyaññaṃ uddissa saviññāṇakāni aviññāṇakāni ca yaññūpakaraṇāni sajjitānīti āha pāḷiyaṃ ‘‘mahāyañño upakkhaṭo’’ti. Taṃ upakaraṇaṃ tesaṃ tathāsajjananti āha ‘‘upakkhaṭoti paccupaṭṭhito’’ti. Vacchatarasatānīti yuvabhāvappattāni nātibalavavacchasatāni. Te pana vacchā eva honti, na dammā, balībaddā vā. Urabbhāti taruṇameṇḍakā vuccanti. Upanītānīti ṭhapanatthāya upanītāni. Vihiṃsaṭṭhenāti hiṃsanaṭṭhena. Upavāyatūti upagantvā sarīradarathaṃ nibbāpento saṇhasītalā vāto vāyatu. Sesaṃ suviññeyyameva. Pañcame natthi vattabbaṃ.
ದುತಿಯಅಗ್ಗಿಸುತ್ತಾದಿವಣ್ಣನಾ ನಿಟ್ಠಿತಾ।
Dutiyaaggisuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೪. ದುತಿಯಅಗ್ಗಿಸುತ್ತಂ • 4. Dutiyaaggisuttaṃ
೫. ಪಠಮಸಞ್ಞಾಸುತ್ತಂ • 5. Paṭhamasaññāsuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā)
೪. ದುತಿಯಅಗ್ಗಿಸುತ್ತವಣ್ಣನಾ • 4. Dutiyaaggisuttavaṇṇanā
೫-೬. ಸಞ್ಞಾಸುತ್ತದ್ವಯವಣ್ಣನಾ • 5-6. Saññāsuttadvayavaṇṇanā
