| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. д̣̇уд̇ияааг̇г̇исуд̇д̇ам̣
4. Dutiyaaggisuttaṃ
47. д̇зна ко бана самаязна уг̇г̇ад̇асарийрасса б̣раахман̣асса махааяан̃н̃о убагкадо ход̇и. бан̃жа усабхасад̇аани т̇уун̣уубанийд̇аани хонд̇и яан̃н̃ад̇т̇ааяа , бан̃жа важчад̇арасад̇аани т̇уун̣уубанийд̇аани хонд̇и яан̃н̃ад̇т̇ааяа, бан̃жа важчад̇арисад̇аани т̇уун̣уубанийд̇аани хонд̇и яан̃н̃ад̇т̇ааяа, бан̃жа аж̇асад̇аани т̇уун̣уубанийд̇аани хонд̇и яан̃н̃ад̇т̇ааяа, бан̃жа ураб̣бхасад̇аани т̇уун̣уубанийд̇аани хонд̇и яан̃н̃ад̇т̇ааяа. ат̇а ко уг̇г̇ад̇асарийро б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко уг̇г̇ад̇асарийро б̣раахман̣о бхаг̇аванд̇ам̣ зд̇ад̣̇авожа –
47. Tena kho pana samayena uggatasarīrassa brāhmaṇassa mahāyañño upakkhaṭo hoti. Pañca usabhasatāni thūṇūpanītāni honti yaññatthāya , pañca vacchatarasatāni thūṇūpanītāni honti yaññatthāya, pañca vacchatarisatāni thūṇūpanītāni honti yaññatthāya, pañca ajasatāni thūṇūpanītāni honti yaññatthāya, pañca urabbhasatāni thūṇūpanītāni honti yaññatthāya. Atha kho uggatasarīro brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho uggatasarīro brāhmaṇo bhagavantaṃ etadavoca –
‘‘суд̇ам̣ мзд̇ам̣, бхо г̇од̇ама, аг̇г̇исса аад̣̇аанам̣ 1 яуубасса уссаабанам̣ махабпалам̣ ход̇и махаанисам̣са’’нд̇и. ‘‘маяааби ко зд̇ам̣, б̣раахман̣а, суд̇ам̣ аг̇г̇исса аад̣̇аанам̣ яуубасса уссаабанам̣ махабпалам̣ ход̇и махаанисам̣са’’нд̇и. д̣̇уд̇ияамби ко уг̇г̇ад̇асарийро б̣раахман̣о…бз… д̇ад̇ияамби ко уг̇г̇ад̇асарийро б̣раахман̣о бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бхо г̇од̇ама, аг̇г̇исса аад̣̇аанам̣ яуубасса уссаабанам̣ махабпалам̣ ход̇и махаанисам̣са’’нд̇и. ‘‘маяааби ко зд̇ам̣, б̣раахман̣а, суд̇ам̣ аг̇г̇исса аад̣̇аанам̣ яуубасса уссаабанам̣ махабпалам̣ ход̇и махаанисам̣са’’нд̇и. ‘‘д̇аяид̣̇ам̣, бхо г̇од̇ама , самзд̇и бход̇о жзва г̇од̇амасса амхааган̃жа, яад̣̇ид̣̇ам̣ саб̣б̣зна саб̣б̣ам̣’’.
‘‘Sutaṃ metaṃ, bho gotama, aggissa ādānaṃ 2 yūpassa ussāpanaṃ mahapphalaṃ hoti mahānisaṃsa’’nti. ‘‘Mayāpi kho etaṃ, brāhmaṇa, sutaṃ aggissa ādānaṃ yūpassa ussāpanaṃ mahapphalaṃ hoti mahānisaṃsa’’nti. Dutiyampi kho uggatasarīro brāhmaṇo…pe… tatiyampi kho uggatasarīro brāhmaṇo bhagavantaṃ etadavoca – ‘‘sutaṃ metaṃ, bho gotama, aggissa ādānaṃ yūpassa ussāpanaṃ mahapphalaṃ hoti mahānisaṃsa’’nti. ‘‘Mayāpi kho etaṃ, brāhmaṇa, sutaṃ aggissa ādānaṃ yūpassa ussāpanaṃ mahapphalaṃ hoti mahānisaṃsa’’nti. ‘‘Tayidaṃ, bho gotama , sameti bhoto ceva gotamassa amhākañca, yadidaṃ sabbena sabbaṃ’’.
звам̣ вуд̇д̇з ааяасмаа аананд̣̇о уг̇г̇ад̇асарийрам̣ б̣раахман̣ам̣ зд̇ад̣̇авожа – ‘‘на ко, б̣раахман̣а, д̇ат̇ааг̇ад̇аа звам̣ бужчид̇аб̣б̣аа – ‘суд̇ам̣ мзд̇ам̣, бхо г̇од̇ама, аг̇г̇исса аад̣̇аанам̣ яуубасса уссаабанам̣ махабпалам̣ ход̇и махаанисам̣са’нд̇и. звам̣ ко, б̣раахман̣а, д̇ат̇ааг̇ад̇аа бужчид̇аб̣б̣аа – ‘ахан̃хи, бханд̇з, аг̇г̇им̣ 3 аад̣̇аад̇угаамо, 4 яуубам̣ уссаабзд̇угаамо. овад̣̇ад̇у мам̣, бханд̇з, бхаг̇аваа. анусаасад̇у мам̣, бханд̇з, бхаг̇аваа яам̣ мама асса д̣̇ийгхарад̇д̇ам̣ хид̇ааяа сукааяаа’’’д̇и.
Evaṃ vutte āyasmā ānando uggatasarīraṃ brāhmaṇaṃ etadavoca – ‘‘na kho, brāhmaṇa, tathāgatā evaṃ pucchitabbā – ‘sutaṃ metaṃ, bho gotama, aggissa ādānaṃ yūpassa ussāpanaṃ mahapphalaṃ hoti mahānisaṃsa’nti. Evaṃ kho, brāhmaṇa, tathāgatā pucchitabbā – ‘ahañhi, bhante, aggiṃ 5 ādātukāmo, 6 yūpaṃ ussāpetukāmo. Ovadatu maṃ, bhante, bhagavā. Anusāsatu maṃ, bhante, bhagavā yaṃ mama assa dīgharattaṃ hitāya sukhāyā’’’ti.
ат̇а ко уг̇г̇ад̇асарийро б̣раахман̣о бхаг̇аванд̇ам̣ зд̇ад̣̇авожа – ‘‘ахан̃хи, бхо г̇од̇ама, аг̇г̇им̣ аад̣̇аад̇угаамо яуубам̣ уссаабзд̇угаамо. овад̣̇ад̇у мам̣ бхавам̣ г̇од̇амо. анусаасад̇у мам̣ бхавам̣ г̇од̇амо яам̣ мама асса д̣̇ийгхарад̇д̇ам̣ хид̇ааяа сукааяаа’’д̇и.
Atha kho uggatasarīro brāhmaṇo bhagavantaṃ etadavoca – ‘‘ahañhi, bho gotama, aggiṃ ādātukāmo yūpaṃ ussāpetukāmo. Ovadatu maṃ bhavaṃ gotamo. Anusāsatu maṃ bhavaṃ gotamo yaṃ mama assa dīgharattaṃ hitāya sukhāyā’’ti.
‘‘аг̇г̇им̣, б̣раахман̣а, аад̣̇знд̇о 7 яуубам̣ уссаабзнд̇о буб̣б̣зва яан̃н̃аа д̇ийн̣и сад̇т̇аани уссаабзд̇и агусалаани д̣̇угкуд̣̇раяаани 8 д̣̇угкавибаагаани. гад̇амаани д̇ийн̣и ? гааяасад̇т̇ам̣, важийсад̇т̇ам̣, маносад̇т̇ам̣. аг̇г̇им̣, б̣раахман̣а, аад̣̇знд̇о яуубам̣ уссаабзнд̇о буб̣б̣зва яан̃н̃аа звам̣ жид̇д̇ам̣ уббаад̣̇зси – ‘зд̇д̇агаа усабхаа хан̃н̃анд̇у яан̃н̃ад̇т̇ааяа, зд̇д̇агаа важчад̇араа хан̃н̃анд̇у яан̃н̃ад̇т̇ааяа, зд̇д̇агаа важчад̇арияо хан̃н̃анд̇у яан̃н̃ад̇т̇ааяа, зд̇д̇агаа аж̇аа хан̃н̃анд̇у яан̃н̃ад̇т̇ааяа, зд̇д̇агаа ураб̣бхаа хан̃н̃анд̇у яан̃н̃ад̇т̇ааяаа’д̇и. со ‘бун̃н̃ам̣ гаромий’д̇и абун̃н̃ам̣ гарод̇и, ‘гусалам̣ гаромий’д̇и агусалам̣ гарод̇и, ‘суг̇ад̇ияаа маг̇г̇ам̣ бариязсаамий’д̇и д̣̇уг̇г̇ад̇ияаа маг̇г̇ам̣ бариязсад̇и. аг̇г̇им̣, б̣раахман̣а, аад̣̇знд̇о яуубам̣ уссаабзнд̇о буб̣б̣зва яан̃н̃аа ид̣̇ам̣ батамам̣ маносад̇т̇ам̣ уссаабзд̇и агусалам̣ д̣̇угкуд̣̇раяам̣ д̣̇угкавибаагам̣.
‘‘Aggiṃ, brāhmaṇa, ādento 9 yūpaṃ ussāpento pubbeva yaññā tīṇi satthāni ussāpeti akusalāni dukkhudrayāni 10 dukkhavipākāni. Katamāni tīṇi ? Kāyasatthaṃ, vacīsatthaṃ, manosatthaṃ. Aggiṃ, brāhmaṇa, ādento yūpaṃ ussāpento pubbeva yaññā evaṃ cittaṃ uppādesi – ‘ettakā usabhā haññantu yaññatthāya, ettakā vacchatarā haññantu yaññatthāya, ettakā vacchatariyo haññantu yaññatthāya, ettakā ajā haññantu yaññatthāya, ettakā urabbhā haññantu yaññatthāyā’ti. So ‘puññaṃ karomī’ti apuññaṃ karoti, ‘kusalaṃ karomī’ti akusalaṃ karoti, ‘sugatiyā maggaṃ pariyesāmī’ti duggatiyā maggaṃ pariyesati. Aggiṃ, brāhmaṇa, ādento yūpaṃ ussāpento pubbeva yaññā idaṃ paṭhamaṃ manosatthaṃ ussāpeti akusalaṃ dukkhudrayaṃ dukkhavipākaṃ.
‘‘буна жабарам̣, б̣раахман̣а, аг̇г̇им̣ аад̣̇знд̇о яуубам̣ уссаабзнд̇о буб̣б̣зва яан̃н̃аа звам̣ ваажам̣ бхаасад̇и – ‘зд̇д̇агаа усабхаа хан̃н̃анд̇у яан̃н̃ад̇т̇ааяа, зд̇д̇агаа важчад̇араа хан̃н̃анд̇у яан̃н̃ад̇т̇ааяа, зд̇д̇агаа важчад̇арияо хан̃н̃анд̇у яан̃н̃ад̇т̇ааяа, зд̇д̇агаа аж̇аа хан̃н̃анд̇у яан̃н̃ад̇т̇ааяа, зд̇д̇агаа ураб̣бхаа хан̃н̃анд̇у яан̃н̃ад̇т̇ааяаа’д̇и. со ‘бун̃н̃ам̣ гаромий’д̇и абун̃н̃ам̣ гарод̇и, ‘гусалам̣ гаромий’д̇и агусалам̣ гарод̇и, ‘суг̇ад̇ияаа маг̇г̇ам̣ бариязсаамий’д̇и д̣̇уг̇г̇ад̇ияаа маг̇г̇ам̣ бариязсад̇и. аг̇г̇им̣, б̣раахман̣а, аад̣̇знд̇о яуубам̣ уссаабзнд̇о буб̣б̣зва яан̃н̃аа ид̣̇ам̣ д̣̇уд̇ияам̣ важийсад̇т̇ам̣ уссаабзд̇и агусалам̣ д̣̇угкуд̣̇раяам̣ д̣̇угкавибаагам̣.
‘‘Puna caparaṃ, brāhmaṇa, aggiṃ ādento yūpaṃ ussāpento pubbeva yaññā evaṃ vācaṃ bhāsati – ‘ettakā usabhā haññantu yaññatthāya, ettakā vacchatarā haññantu yaññatthāya, ettakā vacchatariyo haññantu yaññatthāya, ettakā ajā haññantu yaññatthāya, ettakā urabbhā haññantu yaññatthāyā’ti. So ‘puññaṃ karomī’ti apuññaṃ karoti, ‘kusalaṃ karomī’ti akusalaṃ karoti, ‘sugatiyā maggaṃ pariyesāmī’ti duggatiyā maggaṃ pariyesati. Aggiṃ, brāhmaṇa, ādento yūpaṃ ussāpento pubbeva yaññā idaṃ dutiyaṃ vacīsatthaṃ ussāpeti akusalaṃ dukkhudrayaṃ dukkhavipākaṃ.
‘‘буна жабарам̣, б̣раахман̣а, аг̇г̇им̣ аад̣̇знд̇о яуубам̣ уссаабзнд̇о буб̣б̣зва яан̃н̃аа саяам̣ батамам̣ самаарамбхад̇и 11 усабхаа ханд̇ум̣ 12 яан̃н̃ад̇т̇ааяа, саяам̣ батамам̣ самаарамбхад̇и важчад̇араа ханд̇ум̣ яан̃н̃ад̇т̇ааяа, саяам̣ батамам̣ самаарамбхад̇и важчад̇арияо ханд̇ум̣ яан̃н̃ад̇т̇ааяа, саяам̣ батамам̣ самаарамбхад̇и аж̇аа ханд̇ум̣ яан̃н̃ад̇т̇ааяа, саяам̣ батамам̣ самаарамбхад̇и ураб̣бхаа ханд̇ум̣ яан̃н̃ад̇т̇ааяа 13. со ‘бун̃н̃ам̣ гаромий’д̇и абун̃н̃ам̣ гарод̇и, ‘гусалам̣ гаромий’д̇и агусалам̣ гарод̇и, ‘суг̇ад̇ияаа маг̇г̇ам̣ бариязсаамий’д̇и д̣̇уг̇г̇ад̇ияаа маг̇г̇ам̣ бариязсад̇и. аг̇г̇им̣, б̣раахман̣а, аад̣̇знд̇о яуубам̣ уссаабзнд̇о буб̣б̣зва яан̃н̃аа ид̣̇ам̣ д̇ад̇ияам̣ гааяасад̇т̇ам̣ уссаабзд̇и агусалам̣ д̣̇угкуд̣̇раяам̣ д̣̇угкавибаагам̣. аг̇г̇им̣, б̣раахман̣а, аад̣̇знд̇о яуубам̣ уссаабзнд̇о буб̣б̣зва яан̃н̃аа имаани д̇ийн̣и сад̇т̇аани уссаабзд̇и агусалаани д̣̇угкуд̣̇раяаани д̣̇угкавибаагаани.
‘‘Puna caparaṃ, brāhmaṇa, aggiṃ ādento yūpaṃ ussāpento pubbeva yaññā sayaṃ paṭhamaṃ samārambhati 14 usabhā hantuṃ 15 yaññatthāya, sayaṃ paṭhamaṃ samārambhati vacchatarā hantuṃ yaññatthāya, sayaṃ paṭhamaṃ samārambhati vacchatariyo hantuṃ yaññatthāya, sayaṃ paṭhamaṃ samārambhati ajā hantuṃ yaññatthāya, sayaṃ paṭhamaṃ samārambhati urabbhā hantuṃ yaññatthāya 16. So ‘puññaṃ karomī’ti apuññaṃ karoti, ‘kusalaṃ karomī’ti akusalaṃ karoti, ‘sugatiyā maggaṃ pariyesāmī’ti duggatiyā maggaṃ pariyesati. Aggiṃ, brāhmaṇa, ādento yūpaṃ ussāpento pubbeva yaññā idaṃ tatiyaṃ kāyasatthaṃ ussāpeti akusalaṃ dukkhudrayaṃ dukkhavipākaṃ. Aggiṃ, brāhmaṇa, ādento yūpaṃ ussāpento pubbeva yaññā imāni tīṇi satthāni ussāpeti akusalāni dukkhudrayāni dukkhavipākāni.
‘‘д̇аяомз , б̣раахман̣а, аг̇г̇ий бахаад̇аб̣б̣аа бариваж̇ж̇зд̇аб̣б̣аа, на сзвид̇аб̣б̣аа. гад̇амз д̇аяо? рааг̇аг̇г̇и , д̣̇осаг̇г̇и, мохаг̇г̇и.
‘‘Tayome , brāhmaṇa, aggī pahātabbā parivajjetabbā, na sevitabbā. Katame tayo? Rāgaggi , dosaggi, mohaggi.
‘‘гасмаа жааяам̣, б̣раахман̣а, рааг̇аг̇г̇и бахаад̇аб̣б̣о бариваж̇ж̇зд̇аб̣б̣о, на сзвид̇аб̣б̣о? рад̇д̇о ко, б̣раахман̣а, рааг̇зна абхибхууд̇о барияаад̣̇иннажид̇д̇о гааязна д̣̇ужжарид̇ам̣ жарад̇и, ваажааяа д̣̇ужжарид̇ам̣ жарад̇и, манасаа д̣̇ужжарид̇ам̣ жарад̇и. со гааязна д̣̇ужжарид̇ам̣ жарид̇ваа, ваажааяа д̣̇ужжарид̇ам̣ жарид̇ваа, манасаа д̣̇ужжарид̇ам̣ жарид̇ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. д̇асмааяам̣ рааг̇аг̇г̇и бахаад̇аб̣б̣о бариваж̇ж̇зд̇аб̣б̣о, на сзвид̇аб̣б̣о.
‘‘Kasmā cāyaṃ, brāhmaṇa, rāgaggi pahātabbo parivajjetabbo, na sevitabbo? Ratto kho, brāhmaṇa, rāgena abhibhūto pariyādinnacitto kāyena duccaritaṃ carati, vācāya duccaritaṃ carati, manasā duccaritaṃ carati. So kāyena duccaritaṃ caritvā, vācāya duccaritaṃ caritvā, manasā duccaritaṃ caritvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Tasmāyaṃ rāgaggi pahātabbo parivajjetabbo, na sevitabbo.
‘‘гасмаа жааяам̣, б̣раахман̣а, д̣̇осаг̇г̇и бахаад̇аб̣б̣о бариваж̇ж̇зд̇аб̣б̣о, на сзвид̇аб̣б̣о? д̣̇удто ко, б̣раахман̣а, д̣̇осзна абхибхууд̇о барияаад̣̇иннажид̇д̇о гааязна д̣̇ужжарид̇ам̣ жарад̇и, ваажааяа д̣̇ужжарид̇ам̣ жарад̇и, манасаа д̣̇ужжарид̇ам̣ жарад̇и. со гааязна д̣̇ужжарид̇ам̣ жарид̇ваа, ваажааяа д̣̇ужжарид̇ам̣ жарид̇ваа, манасаа д̣̇ужжарид̇ам̣ жарид̇ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. д̇асмааяам̣ д̣̇осаг̇г̇и бахаад̇аб̣б̣о бариваж̇ж̇зд̇аб̣б̣о, на сзвид̇аб̣б̣о.
‘‘Kasmā cāyaṃ, brāhmaṇa, dosaggi pahātabbo parivajjetabbo, na sevitabbo? Duṭṭho kho, brāhmaṇa, dosena abhibhūto pariyādinnacitto kāyena duccaritaṃ carati, vācāya duccaritaṃ carati, manasā duccaritaṃ carati. So kāyena duccaritaṃ caritvā, vācāya duccaritaṃ caritvā, manasā duccaritaṃ caritvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Tasmāyaṃ dosaggi pahātabbo parivajjetabbo, na sevitabbo.
‘‘гасмаа жааяам̣, б̣раахман̣а, мохаг̇г̇и бахаад̇аб̣б̣о бариваж̇ж̇зд̇аб̣б̣о, на сзвид̇аб̣б̣о? муул̣хо ко, б̣раахман̣а, мохзна абхибхууд̇о барияаад̣̇иннажид̇д̇о гааязна д̣̇ужжарид̇ам̣ жарад̇и, ваажааяа д̣̇ужжарид̇ам̣ жарад̇и, манасаа д̣̇ужжарид̇ам̣ жарад̇и. со гааязна д̣̇ужжарид̇ам̣ жарид̇ваа, ваажааяа д̣̇ужжарид̇ам̣ жарид̇ваа, манасаа д̣̇ужжарид̇ам̣ жарид̇ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. д̇асмааяам̣ мохаг̇г̇и бахаад̇аб̣б̣о бариваж̇ж̇зд̇аб̣б̣о, на сзвид̇аб̣б̣о. имз ко д̇аяо, б̣раахман̣а, аг̇г̇ий бахаад̇аб̣б̣аа бариваж̇ж̇зд̇аб̣б̣аа, на сзвид̇аб̣б̣аа.
‘‘Kasmā cāyaṃ, brāhmaṇa, mohaggi pahātabbo parivajjetabbo, na sevitabbo? Mūḷho kho, brāhmaṇa, mohena abhibhūto pariyādinnacitto kāyena duccaritaṃ carati, vācāya duccaritaṃ carati, manasā duccaritaṃ carati. So kāyena duccaritaṃ caritvā, vācāya duccaritaṃ caritvā, manasā duccaritaṃ caritvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Tasmāyaṃ mohaggi pahātabbo parivajjetabbo, na sevitabbo. Ime kho tayo, brāhmaṇa, aggī pahātabbā parivajjetabbā, na sevitabbā.
‘‘д̇аяо ко, б̣раахман̣а, аг̇г̇ий саггад̇ваа г̇арум̣ гад̇ваа маанзд̇ваа бууж̇зд̇ваа саммаа сукам̣ барихаад̇аб̣б̣аа. гад̇амз д̇аяо? аахунзяяаг̇г̇и , г̇ахабад̇аг̇г̇и, д̣̇агкин̣зяяаг̇г̇и.
‘‘Tayo kho, brāhmaṇa, aggī sakkatvā garuṃ katvā mānetvā pūjetvā sammā sukhaṃ parihātabbā. Katame tayo? Āhuneyyaggi , gahapataggi, dakkhiṇeyyaggi.
‘‘гад̇амо жа, б̣раахман̣а, аахунзяяаг̇г̇и? ид̇ха, б̣раахман̣а, яасса д̇з хонд̇и маад̇аад̇и ваа бид̇аад̇и ваа, аяам̣ вужжад̇и, б̣раахман̣а, аахунзяяаг̇г̇и. д̇ам̣ гисса хзд̇у ? ад̇охаяам̣ 17, б̣раахман̣а, аахуд̇о самбхууд̇о, д̇асмааяам̣ аахунзяяаг̇г̇и саггад̇ваа г̇арум̣ гад̇ваа маанзд̇ваа бууж̇зд̇ваа саммаа сукам̣ барихаад̇аб̣б̣о.
‘‘Katamo ca, brāhmaṇa, āhuneyyaggi? Idha, brāhmaṇa, yassa te honti mātāti vā pitāti vā, ayaṃ vuccati, brāhmaṇa, āhuneyyaggi. Taṃ kissa hetu ? Atohayaṃ 18, brāhmaṇa, āhuto sambhūto, tasmāyaṃ āhuneyyaggi sakkatvā garuṃ katvā mānetvā pūjetvā sammā sukhaṃ parihātabbo.
‘‘гад̇амо жа, б̣раахман̣а, г̇ахабад̇аг̇г̇и? ид̇ха, б̣раахман̣а, яасса д̇з хонд̇и буд̇д̇аад̇и ваа д̣̇аараад̇и ваа д̣̇аасаад̇и ваа бзссаад̇и ваа гаммагараад̇и ваа, аяам̣ вужжад̇и, б̣раахман̣а , г̇ахабад̇аг̇г̇и. д̇асмааяам̣ г̇ахабад̇аг̇г̇и саггад̇ваа г̇арум̣ гад̇ваа маанзд̇ваа бууж̇зд̇ваа саммаа сукам̣ барихаад̇аб̣б̣о.
‘‘Katamo ca, brāhmaṇa, gahapataggi? Idha, brāhmaṇa, yassa te honti puttāti vā dārāti vā dāsāti vā pessāti vā kammakarāti vā, ayaṃ vuccati, brāhmaṇa , gahapataggi. Tasmāyaṃ gahapataggi sakkatvā garuṃ katvā mānetvā pūjetvā sammā sukhaṃ parihātabbo.
‘‘гад̇амо жа, б̣раахман̣а, д̣̇агкин̣зяяаг̇г̇и? ид̇ха, б̣раахман̣а, яз д̇з саман̣аб̣раахман̣аа бараббаваад̣̇аа бадивирад̇аа канд̇исоражжз нивидтаа згамад̇д̇аанам̣ д̣̇амзнд̇и, згамад̇д̇аанам̣ самзнд̇и, згамад̇д̇аанам̣ бариниб̣б̣аабзнд̇и, аяам̣ вужжад̇и, б̣раахман̣а, д̣̇агкин̣зяяаг̇г̇и. д̇асмааяам̣ д̣̇агкин̣зяяаг̇г̇и саггад̇ваа г̇арум̣ гад̇ваа маанзд̇ваа бууж̇зд̇ваа саммаа сукам̣ барихаад̇аб̣б̣о. имз ко, б̣раахман̣а, д̇аяо аг̇г̇ий саггад̇ваа г̇арум̣ гад̇ваа маанзд̇ваа бууж̇зд̇ваа саммаа сукам̣ барихаад̇аб̣б̣аа.
‘‘Katamo ca, brāhmaṇa, dakkhiṇeyyaggi? Idha, brāhmaṇa, ye te samaṇabrāhmaṇā parappavādā paṭiviratā khantisoracce niviṭṭhā ekamattānaṃ damenti, ekamattānaṃ samenti, ekamattānaṃ parinibbāpenti, ayaṃ vuccati, brāhmaṇa, dakkhiṇeyyaggi. Tasmāyaṃ dakkhiṇeyyaggi sakkatvā garuṃ katvā mānetvā pūjetvā sammā sukhaṃ parihātabbo. Ime kho, brāhmaṇa, tayo aggī sakkatvā garuṃ katvā mānetvā pūjetvā sammā sukhaṃ parihātabbā.
‘‘аяам̣ ко бана, б̣раахман̣а, гадтаг̇г̇и гаалзна гаалам̣ уж̇ж̇алзд̇аб̣б̣о, гаалзна гаалам̣ аж̇жхубзгкид̇аб̣б̣о, гаалзна гаалам̣ ниб̣б̣аабзд̇аб̣б̣о, гаалзна гаалам̣ нигкибид̇аб̣б̣о’’д̇и.
‘‘Ayaṃ kho pana, brāhmaṇa, kaṭṭhaggi kālena kālaṃ ujjaletabbo, kālena kālaṃ ajjhupekkhitabbo, kālena kālaṃ nibbāpetabbo, kālena kālaṃ nikkhipitabbo’’ti.
звам̣ вуд̇д̇з уг̇г̇ад̇асарийро б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама; абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇анд̇и. зсаахам̣, бхо г̇од̇ама, бан̃жа усабхасад̇аани мун̃жаами ж̇ийвид̇ам̣ д̣̇зми, бан̃жа важчад̇арасад̇аани мун̃жаами ж̇ийвид̇ам̣ д̣̇зми, бан̃жа важчад̇арисад̇аани мун̃жаами ж̇ийвид̇ам̣ д̣̇зми, бан̃жа аж̇асад̇аани мун̃жаами ж̇ийвид̇ам̣ д̣̇зми, бан̃жа ураб̣бхасад̇аани мун̃жаами ж̇ийвид̇ам̣ д̣̇зми. харид̇аани жзва д̇ин̣аани каад̣̇анд̇у, сийд̇аани жа баанийяаани биванд̇у, сийд̇о жа нзсам̣ ваад̇о убавааяад̇а’’нд̇и 19. жад̇уд̇т̇ам̣.
Evaṃ vutte uggatasarīro brāhmaṇo bhagavantaṃ etadavoca – ‘‘abhikkantaṃ, bho gotama; abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gatanti. Esāhaṃ, bho gotama, pañca usabhasatāni muñcāmi jīvitaṃ demi, pañca vacchatarasatāni muñcāmi jīvitaṃ demi, pañca vacchatarisatāni muñcāmi jīvitaṃ demi, pañca ajasatāni muñcāmi jīvitaṃ demi, pañca urabbhasatāni muñcāmi jīvitaṃ demi. Haritāni ceva tiṇāni khādantu, sītāni ca pānīyāni pivantu, sīto ca nesaṃ vāto upavāyata’’nti 20. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. д̣̇уд̇ияааг̇г̇исуд̇д̇аван̣н̣анаа • 4. Dutiyaaggisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-5. д̣̇уд̇ияааг̇г̇исуд̇д̇аад̣̇иван̣н̣анаа • 4-5. Dutiyaaggisuttādivaṇṇanā
