| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. д̣̇уд̇ияааг̇г̇исуд̇д̇аван̣н̣анаа
4. Dutiyaaggisuttavaṇṇanā
47. жад̇уд̇т̇з уг̇г̇ад̇асарийрассаад̇и со гира б̣раахман̣амахаасаало ад̇д̇абхаавзнаби бхог̇зхиби уг̇г̇ад̇о саараббад̇д̇о ахоси, д̇асмаа уг̇г̇ад̇асарийрод̇взва бан̃н̃ааяид̇т̇а. убагкадод̇и бажжубадтид̇о. т̇уун̣уубанийд̇аанийд̇и яуубасан̇каад̇ам̣ т̇уун̣ам̣ убанийд̇аани. яан̃н̃ад̇т̇ааяаад̇и вад̇хид̇ваа яаж̇анад̇т̇ааяа. убасан̇гамийд̇и со гира саб̣б̣ам̣ д̇ам̣ яан̃н̃асамбхаарам̣ саж̇ж̇зд̇ваа жинд̇зси – ‘‘саман̣о гира г̇од̇амо махаабан̃н̃о, гим̣ ну ко мз яан̃н̃асса ван̣н̣ам̣ гат̇зссад̇и уд̣̇ааху аван̣н̣ам̣, бужчид̇ваа ж̇ааниссаамий’’д̇и иминаа гааран̣зна язна бхаг̇аваа д̇знубасан̇гами. аг̇г̇исса аад̣̇аананд̇и яан̃н̃аяаж̇анад̇т̇ааяа навасса ман̇г̇алаг̇г̇ино аад̣̇ияанам̣. саб̣б̣зна саб̣б̣анд̇и саб̣б̣зна суд̇зна саб̣б̣ам̣ суд̇ам̣ самзд̇и сам̣санд̣̇ад̇и, згасад̣̇исам̣ ход̇ийд̇и д̣̇ассзд̇и. сад̇т̇аанийд̇и вихим̣санадтзна сад̇т̇аани вияаад̇и сад̇т̇аани. саяам̣ батамам̣ самаарамбхад̇ийд̇и ад̇д̇анаава батамад̇арам̣ аарабхад̇и. ханд̇унд̇и ханид̇ум̣.
47. Catutthe uggatasarīrassāti so kira brāhmaṇamahāsālo attabhāvenapi bhogehipi uggato sārappatto ahosi, tasmā uggatasarīrotveva paññāyittha. Upakkhaṭoti paccupaṭṭhito. Thūṇūpanītānīti yūpasaṅkhātaṃ thūṇaṃ upanītāni. Yaññatthāyāti vadhitvā yajanatthāya. Upasaṅkamīti so kira sabbaṃ taṃ yaññasambhāraṃ sajjetvā cintesi – ‘‘samaṇo kira gotamo mahāpañño, kiṃ nu kho me yaññassa vaṇṇaṃ kathessati udāhu avaṇṇaṃ, pucchitvā jānissāmī’’ti iminā kāraṇena yena bhagavā tenupasaṅkami. Aggissaādānanti yaññayajanatthāya navassa maṅgalaggino ādiyanaṃ. Sabbena sabbanti sabbena sutena sabbaṃ sutaṃ sameti saṃsandati, ekasadisaṃ hotīti dasseti. Satthānīti vihiṃsanaṭṭhena satthāni viyāti satthāni. Sayaṃ paṭhamaṃ samārambhatīti attanāva paṭhamataraṃ ārabhati. Hantunti hanituṃ.
бахаад̇аб̣б̣аад̇и барихарид̇аб̣б̣аа. ад̇охаяанд̇и ад̇о хи маад̇аабид̇ид̇о аяам̣. аахуд̇од̇и ааг̇ад̇о. самбхууд̇од̇и уббанно. аяам̣ вужжад̇и, б̣раахман̣а, г̇ахабад̇аг̇г̇ийд̇и аяам̣ буд̇д̇ад̣̇аараад̣̇иг̇ан̣о яасмаа, г̇ахабад̇и, вияа г̇зхасаамиго вияа худ̇ваа аг̇г̇ад̇и вижарад̇и, д̇асмаа г̇ахабад̇аг̇г̇ийд̇и вужжад̇и. ад̇д̇аананд̇и жид̇д̇ам̣. д̣̇амзнд̇ийд̇и инд̣̇рияад̣̇аманзна д̣̇амзнд̇и. самзнд̇ийд̇и рааг̇аад̣̇исаманзна самзнд̇и. д̇зсан̃н̃зва бариниб̣б̣аабанзна бариниб̣б̣аабзнд̇и. нигкибид̇аб̣б̣од̇и яат̇аа на винассад̇и, звам̣ табзд̇аб̣б̣о. убавааяад̇анд̇и убавааяад̇у. зван̃жа бана вад̇ваа б̣раахман̣о саб̣б̣зсамби д̇зсам̣ баан̣аанам̣ ж̇ийвид̇ам̣ д̣̇ад̇ваа яан̃н̃асаалам̣ вид̣̇д̇хам̣сзд̇ваа сад̇т̇у саасанз обаанабхууд̇о ахосийд̇и.
Pahātabbāti pariharitabbā. Atohayanti ato hi mātāpitito ayaṃ. Āhutoti āgato. Sambhūtoti uppanno. Ayaṃ vuccati, brāhmaṇa, gahapataggīti ayaṃ puttadārādigaṇo yasmā, gahapati, viya gehasāmiko viya hutvā aggati vicarati, tasmā gahapataggīti vuccati. Attānanti cittaṃ. Damentīti indriyadamanena damenti. Samentīti rāgādisamanena samenti. Tesaññeva parinibbāpanena parinibbāpenti. Nikkhipitabboti yathā na vinassati, evaṃ ṭhapetabbo. Upavāyatanti upavāyatu. Evañca pana vatvā brāhmaṇo sabbesampi tesaṃ pāṇānaṃ jīvitaṃ datvā yaññasālaṃ viddhaṃsetvā satthu sāsane opānabhūto ahosīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. д̣̇уд̇ияааг̇г̇исуд̇д̇ам̣ • 4. Dutiyaaggisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-5. д̣̇уд̇ияааг̇г̇исуд̇д̇аад̣̇иван̣н̣анаа • 4-5. Dutiyaaggisuttādivaṇṇanā
