| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਦੁਤਿਯਅਗ੍ਗਿਸੁਤ੍ਤવਣ੍ਣਨਾ
4. Dutiyaaggisuttavaṇṇanā
੪੭. ਚਤੁਤ੍ਥੇ ਉਗ੍ਗਤਸਰੀਰਸ੍ਸਾਤਿ ਸੋ ਕਿਰ ਬ੍ਰਾਹ੍ਮਣਮਹਾਸਾਲੋ ਅਤ੍ਤਭਾવੇਨਪਿ ਭੋਗੇਹਿਪਿ ਉਗ੍ਗਤੋ ਸਾਰਪ੍ਪਤ੍ਤੋ ਅਹੋਸਿ, ਤਸ੍ਮਾ ਉਗ੍ਗਤਸਰੀਰੋਤ੍વੇવ ਪਞ੍ਞਾਯਿਤ੍ਥ। ਉਪਕ੍ਖਟੋਤਿ ਪਚ੍ਚੁਪਟ੍ਠਿਤੋ। ਥੂਣੂਪਨੀਤਾਨੀਤਿ ਯੂਪਸਙ੍ਖਾਤਂ ਥੂਣਂ ਉਪਨੀਤਾਨਿ। ਯਞ੍ਞਤ੍ਥਾਯਾਤਿ વਧਿਤ੍વਾ ਯਜਨਤ੍ਥਾਯ। ਉਪਸਙ੍ਕਮੀਤਿ ਸੋ ਕਿਰ ਸਬ੍ਬਂ ਤਂ ਯਞ੍ਞਸਮ੍ਭਾਰਂ ਸਜ੍ਜੇਤ੍વਾ ਚਿਨ੍ਤੇਸਿ – ‘‘ਸਮਣੋ ਕਿਰ ਗੋਤਮੋ ਮਹਾਪਞ੍ਞੋ, ਕਿਂ ਨੁ ਖੋ ਮੇ ਯਞ੍ਞਸ੍ਸ વਣ੍ਣਂ ਕਥੇਸ੍ਸਤਿ ਉਦਾਹੁ ਅવਣ੍ਣਂ, ਪੁਚ੍ਛਿਤ੍વਾ ਜਾਨਿਸ੍ਸਾਮੀ’’ਤਿ ਇਮਿਨਾ ਕਾਰਣੇਨ ਯੇਨ ਭਗવਾ ਤੇਨੁਪਸਙ੍ਕਮਿ। ਅਗ੍ਗਿਸ੍ਸ ਆਦਾਨਨ੍ਤਿ ਯਞ੍ਞਯਜਨਤ੍ਥਾਯ ਨવਸ੍ਸ ਮਙ੍ਗਲਗ੍ਗਿਨੋ ਆਦਿਯਨਂ। ਸਬ੍ਬੇਨ ਸਬ੍ਬਨ੍ਤਿ ਸਬ੍ਬੇਨ ਸੁਤੇਨ ਸਬ੍ਬਂ ਸੁਤਂ ਸਮੇਤਿ ਸਂਸਨ੍ਦਤਿ, ਏਕਸਦਿਸਂ ਹੋਤੀਤਿ ਦਸ੍ਸੇਤਿ। ਸਤ੍ਥਾਨੀਤਿ વਿਹਿਂਸਨਟ੍ਠੇਨ ਸਤ੍ਥਾਨਿ વਿਯਾਤਿ ਸਤ੍ਥਾਨਿ। ਸਯਂ ਪਠਮਂ ਸਮਾਰਮ੍ਭਤੀਤਿ ਅਤ੍ਤਨਾવ ਪਠਮਤਰਂ ਆਰਭਤਿ। ਹਨ੍ਤੁਨ੍ਤਿ ਹਨਿਤੁਂ।
47. Catutthe uggatasarīrassāti so kira brāhmaṇamahāsālo attabhāvenapi bhogehipi uggato sārappatto ahosi, tasmā uggatasarīrotveva paññāyittha. Upakkhaṭoti paccupaṭṭhito. Thūṇūpanītānīti yūpasaṅkhātaṃ thūṇaṃ upanītāni. Yaññatthāyāti vadhitvā yajanatthāya. Upasaṅkamīti so kira sabbaṃ taṃ yaññasambhāraṃ sajjetvā cintesi – ‘‘samaṇo kira gotamo mahāpañño, kiṃ nu kho me yaññassa vaṇṇaṃ kathessati udāhu avaṇṇaṃ, pucchitvā jānissāmī’’ti iminā kāraṇena yena bhagavā tenupasaṅkami. Aggissaādānanti yaññayajanatthāya navassa maṅgalaggino ādiyanaṃ. Sabbena sabbanti sabbena sutena sabbaṃ sutaṃ sameti saṃsandati, ekasadisaṃ hotīti dasseti. Satthānīti vihiṃsanaṭṭhena satthāni viyāti satthāni. Sayaṃ paṭhamaṃ samārambhatīti attanāva paṭhamataraṃ ārabhati. Hantunti hanituṃ.
ਪਹਾਤਬ੍ਬਾਤਿ ਪਰਿਹਰਿਤਬ੍ਬਾ। ਅਤੋਹਯਨ੍ਤਿ ਅਤੋ ਹਿ ਮਾਤਾਪਿਤਿਤੋ ਅਯਂ। ਆਹੁਤੋਤਿ ਆਗਤੋ। ਸਮ੍ਭੂਤੋਤਿ ਉਪ੍ਪਨ੍ਨੋ। ਅਯਂ વੁਚ੍ਚਤਿ, ਬ੍ਰਾਹ੍ਮਣ, ਗਹਪਤਗ੍ਗੀਤਿ ਅਯਂ ਪੁਤ੍ਤਦਾਰਾਦਿਗਣੋ ਯਸ੍ਮਾ, ਗਹਪਤਿ, વਿਯ ਗੇਹਸਾਮਿਕੋ વਿਯ ਹੁਤ੍વਾ ਅਗ੍ਗਤਿ વਿਚਰਤਿ, ਤਸ੍ਮਾ ਗਹਪਤਗ੍ਗੀਤਿ વੁਚ੍ਚਤਿ। ਅਤ੍ਤਾਨਨ੍ਤਿ ਚਿਤ੍ਤਂ। ਦਮੇਨ੍ਤੀਤਿ ਇਨ੍ਦ੍ਰਿਯਦਮਨੇਨ ਦਮੇਨ੍ਤਿ। ਸਮੇਨ੍ਤੀਤਿ ਰਾਗਾਦਿਸਮਨੇਨ ਸਮੇਨ੍ਤਿ। ਤੇਸਞ੍ਞੇવ ਪਰਿਨਿਬ੍ਬਾਪਨੇਨ ਪਰਿਨਿਬ੍ਬਾਪੇਨ੍ਤਿ। ਨਿਕ੍ਖਿਪਿਤਬ੍ਬੋਤਿ ਯਥਾ ਨ વਿਨਸ੍ਸਤਿ, ਏવਂ ਠਪੇਤਬ੍ਬੋ। ਉਪવਾਯਤਨ੍ਤਿ ਉਪવਾਯਤੁ। ਏવਞ੍ਚ ਪਨ વਤ੍વਾ ਬ੍ਰਾਹ੍ਮਣੋ ਸਬ੍ਬੇਸਮ੍ਪਿ ਤੇਸਂ ਪਾਣਾਨਂ ਜੀવਿਤਂ ਦਤ੍વਾ ਯਞ੍ਞਸਾਲਂ વਿਦ੍ਧਂਸੇਤ੍વਾ ਸਤ੍ਥੁ ਸਾਸਨੇ ਓਪਾਨਭੂਤੋ ਅਹੋਸੀਤਿ।
Pahātabbāti pariharitabbā. Atohayanti ato hi mātāpitito ayaṃ. Āhutoti āgato. Sambhūtoti uppanno. Ayaṃ vuccati, brāhmaṇa, gahapataggīti ayaṃ puttadārādigaṇo yasmā, gahapati, viya gehasāmiko viya hutvā aggati vicarati, tasmā gahapataggīti vuccati. Attānanti cittaṃ. Damentīti indriyadamanena damenti. Samentīti rāgādisamanena samenti. Tesaññeva parinibbāpanena parinibbāpenti. Nikkhipitabboti yathā na vinassati, evaṃ ṭhapetabbo. Upavāyatanti upavāyatu. Evañca pana vatvā brāhmaṇo sabbesampi tesaṃ pāṇānaṃ jīvitaṃ datvā yaññasālaṃ viddhaṃsetvā satthu sāsane opānabhūto ahosīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਦੁਤਿਯਅਗ੍ਗਿਸੁਤ੍ਤਂ • 4. Dutiyaaggisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੫. ਦੁਤਿਯਅਗ੍ਗਿਸੁਤ੍ਤਾਦਿવਣ੍ਣਨਾ • 4-5. Dutiyaaggisuttādivaṇṇanā
