| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੨. ਦੁਤਿਯਆਘਾਤਪਟਿવਿਨਯਸੁਤ੍ਤਂ
2. Dutiyaāghātapaṭivinayasuttaṃ
੧੬੨. ਤਤ੍ਰ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਿਕ੍ਖੂ ਆਮਨ੍ਤੇਸਿ – ‘‘ਆવੁਸੋ ਭਿਕ੍ਖવੇ’’ਤਿ। ‘‘ਆવੁਸੋ’’ਤਿ ਖੋ ਤੇ ਭਿਕ੍ਖੂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਪਚ੍ਚਸ੍ਸੋਸੁਂ। ਆਯਸ੍ਮਾ ਸਾਰਿਪੁਤ੍ਤੋ ਏਤਦવੋਚ –
162. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘ਪਞ੍ਚਿਮੇ, ਆવੁਸੋ, ਆਘਾਤਪਟਿવਿਨਯਾ ਯਤ੍ਥ ਭਿਕ੍ਖੁਨੋ ਉਪ੍ਪਨ੍ਨੋ ਆਘਾਤੋ ਸਬ੍ਬਸੋ ਪਟਿવਿਨੇਤਬ੍ਬੋ। ਕਤਮੇ ਪਞ੍ਚ? ਇਧਾવੁਸੋ, ਏਕਚ੍ਚੋ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਹੋਤਿ ਪਰਿਸੁਦ੍ਧવਚੀਸਮਾਚਾਰੋ; ਏવਰੂਪੇਪਿ, ਆવੁਸੋ, ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ। ਇਧ ਪਨਾવੁਸੋ, ਏਕਚ੍ਚੋ ਪੁਗ੍ਗਲੋ ਅਪਰਿਸੁਦ੍ਧવਚੀਸਮਾਚਾਰੋ ਹੋਤਿ ਪਰਿਸੁਦ੍ਧਕਾਯਸਮਾਚਾਰੋ; ਏવਰੂਪੇਪਿ, ਆવੁਸੋ, ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ। ਇਧ ਪਨਾવੁਸੋ, ਏਕਚ੍ਚੋ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਹੋਤਿ ਅਪਰਿਸੁਦ੍ਧવਚੀਸਮਾਚਾਰੋ, ਲਭਤਿ ਚ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ; ਏવਰੂਪੇਪਿ, ਆવੁਸੋ, ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ। ਇਧ ਪਨਾવੁਸੋ, ਏਕਚ੍ਚੋ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਹੋਤਿ ਅਪਰਿਸੁਦ੍ਧવਚੀਸਮਾਚਾਰੋ, ਨ ਚ ਲਭਤਿ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ; ਏવਰੂਪੇਪਿ, ਆવੁਸੋ, ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ। ਇਧ ਪਨਾવੁਸੋ, ਏਕਚ੍ਚੋ ਪੁਗ੍ਗਲੋ ਪਰਿਸੁਦ੍ਧਕਾਯਸਮਾਚਾਰੋ ਪਰਿਸੁਦ੍ਧવਚੀਸਮਾਚਾਰੋ, ਲਭਤਿ ਚ ਕਾਲੇਨ વਾ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ; ਏવਰੂਪੇਪਿ, ਆવੁਸੋ, ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ।
‘‘Pañcime, āvuso, āghātapaṭivinayā yattha bhikkhuno uppanno āghāto sabbaso paṭivinetabbo. Katame pañca? Idhāvuso, ekacco puggalo aparisuddhakāyasamācāro hoti parisuddhavacīsamācāro; evarūpepi, āvuso, puggale āghāto paṭivinetabbo. Idha panāvuso, ekacco puggalo aparisuddhavacīsamācāro hoti parisuddhakāyasamācāro; evarūpepi, āvuso, puggale āghāto paṭivinetabbo. Idha panāvuso, ekacco puggalo aparisuddhakāyasamācāro hoti aparisuddhavacīsamācāro, labhati ca kālena kālaṃ cetaso vivaraṃ cetaso pasādaṃ; evarūpepi, āvuso, puggale āghāto paṭivinetabbo. Idha panāvuso, ekacco puggalo aparisuddhakāyasamācāro hoti aparisuddhavacīsamācāro, na ca labhati kālena kālaṃ cetaso vivaraṃ cetaso pasādaṃ; evarūpepi, āvuso, puggale āghāto paṭivinetabbo. Idha panāvuso, ekacco puggalo parisuddhakāyasamācāro parisuddhavacīsamācāro, labhati ca kālena vā kālaṃ cetaso vivaraṃ cetaso pasādaṃ; evarūpepi, āvuso, puggale āghāto paṭivinetabbo.
‘‘ਤਤ੍ਰਾવੁਸੋ, ਯ੍વਾਯਂ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਪਰਿਸੁਦ੍ਧવਚੀਸਮਾਚਾਰੋ, ਕਥਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ? ਸੇਯ੍ਯਥਾਪਿ, ਆવੁਸੋ, ਭਿਕ੍ਖੁ ਪਂਸੁਕੂਲਿਕੋ ਰਥਿਯਾਯ ਨਨ੍ਤਕਂ ਦਿਸ੍વਾ વਾਮੇਨ ਪਾਦੇਨ ਨਿਗ੍ਗਣ੍ਹਿਤ੍વਾ ਦਕ੍ਖਿਣੇਨ ਪਾਦੇਨ ਪਤ੍ਥਰਿਤ੍વਾ 1, ਯੋ ਤਤ੍ਥ ਸਾਰੋ ਤਂ ਪਰਿਪਾਤੇਤ੍વਾ ਆਦਾਯ ਪਕ੍ਕਮੇਯ੍ਯ; ਏવਮੇવਂ ਖ੍વਾવੁਸੋ, ਯ੍વਾਯਂ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਪਰਿਸੁਦ੍ਧવਚੀਸਮਾਚਾਰੋ, ਯਾਸ੍ਸ ਅਪਰਿਸੁਦ੍ਧਕਾਯਸਮਾਚਾਰਤਾ ਨ ਸਾਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਾ, ਯਾ ਚ ਖ੍વਾਸ੍ਸ ਪਰਿਸੁਦ੍ਧવਚੀਸਮਾਚਾਰਤਾ ਸਾਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਾ। ਏવਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ।
‘‘Tatrāvuso, yvāyaṃ puggalo aparisuddhakāyasamācāro parisuddhavacīsamācāro, kathaṃ tasmiṃ puggale āghāto paṭivinetabbo? Seyyathāpi, āvuso, bhikkhu paṃsukūliko rathiyāya nantakaṃ disvā vāmena pādena niggaṇhitvā dakkhiṇena pādena pattharitvā 2, yo tattha sāro taṃ paripātetvā ādāya pakkameyya; evamevaṃ khvāvuso, yvāyaṃ puggalo aparisuddhakāyasamācāro parisuddhavacīsamācāro, yāssa aparisuddhakāyasamācāratā na sāssa tasmiṃ samaye manasi kātabbā, yā ca khvāssa parisuddhavacīsamācāratā sāssa tasmiṃ samaye manasi kātabbā. Evaṃ tasmiṃ puggale āghāto paṭivinetabbo.
‘‘ਤਤ੍ਰਾવੁਸੋ, ਯ੍વਾਯਂ ਪੁਗ੍ਗਲੋ ਅਪਰਿਸੁਦ੍ਧવਚੀਸਮਾਚਾਰੋ ਪਰਿਸੁਦ੍ਧਕਾਯਸਮਾਚਾਰੋ, ਕਥਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ? ਸੇਯ੍ਯਥਾਪਿ, ਆવੁਸੋ, ਪੋਕ੍ਖਰਣੀ ਸੇવਾਲਪਣਕਪਰਿਯੋਨਦ੍ਧਾ। ਅਥ ਪੁਰਿਸੋ ਆਗਚ੍ਛੇਯ੍ਯ ਘਮ੍ਮਾਭਿਤਤ੍ਤੋ ਘਮ੍ਮਪਰੇਤੋ ਕਿਲਨ੍ਤੋ ਤਸਿਤੋ ਪਿਪਾਸਿਤੋ। ਸੋ ਤਂ ਪੋਕ੍ਖਰਣਿਂ ਓਗਾਹੇਤ੍વਾ ਉਭੋਹਿ ਹਤ੍ਥੇਹਿ ਇਤਿਚਿਤਿ ਚ ਸੇવਾਲਪਣਕਂ ਅਪવਿਯੂਹਿਤ੍વਾ ਅਞ੍ਜਲਿਨਾ ਪਿવਿਤ੍વਾ ਪਕ੍ਕਮੇਯ੍ਯ। ਏવਮੇવਂ ਖੋ, ਆવੁਸੋ , ਯ੍વਾਯਂ ਪੁਗ੍ਗਲੋ ਅਪਰਿਸੁਦ੍ਧવਚੀਸਮਾਚਾਰੋ ਪਰਿਸੁਦ੍ਧਕਾਯਸਮਾਚਾਰੋ, ਯਾਸ੍ਸ ਅਪਰਿਸੁਦ੍ਧવਚੀਸਮਾਚਾਰਤਾ ਨ ਸਾਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਾ, ਯਾ ਚ ਖ੍વਾਸ੍ਸ ਪਰਿਸੁਦ੍ਧਕਾਯਸਮਾਚਾਰਤਾ ਸਾਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਾ। ਏવਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ।
‘‘Tatrāvuso, yvāyaṃ puggalo aparisuddhavacīsamācāro parisuddhakāyasamācāro, kathaṃ tasmiṃ puggale āghāto paṭivinetabbo? Seyyathāpi, āvuso, pokkharaṇī sevālapaṇakapariyonaddhā. Atha puriso āgaccheyya ghammābhitatto ghammapareto kilanto tasito pipāsito. So taṃ pokkharaṇiṃ ogāhetvā ubhohi hatthehi iticiti ca sevālapaṇakaṃ apaviyūhitvā añjalinā pivitvā pakkameyya. Evamevaṃ kho, āvuso , yvāyaṃ puggalo aparisuddhavacīsamācāro parisuddhakāyasamācāro, yāssa aparisuddhavacīsamācāratā na sāssa tasmiṃ samaye manasi kātabbā, yā ca khvāssa parisuddhakāyasamācāratā sāssa tasmiṃ samaye manasi kātabbā. Evaṃ tasmiṃ puggale āghāto paṭivinetabbo.
‘‘ਤਤ੍ਰਾવੁਸੋ, ਯ੍વਾਯਂ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਅਪਰਿਸੁਦ੍ਧવਚੀਸਮਾਚਾਰੋ ਲਭਤਿ ਚ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ, ਕਥਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ? ਸੇਯ੍ਯਥਾਪਿ, ਆવੁਸੋ, ਪਰਿਤ੍ਤਂ ਗੋਪਦੇ 3 ਉਦਕਂ। ਅਥ ਪੁਰਿਸੋ ਆਗਚ੍ਛੇਯ੍ਯ ਘਮ੍ਮਾਭਿਤਤ੍ਤੋ ਘਮ੍ਮਪਰੇਤੋ ਕਿਲਨ੍ਤੋ ਤਸਿਤੋ ਪਿਪਾਸਿਤੋ। ਤਸ੍ਸ ਏવਮਸ੍ਸ – ‘ਇਦਂ ਖੋ ਪਰਿਤ੍ਤਂ ਗੋਪਦੇ ਉਦਕਂ। ਸਚਾਹਂ ਅਞ੍ਜਲਿਨਾ વਾ ਪਿવਿਸ੍ਸਾਮਿ ਭਾਜਨੇਨ વਾ ਖੋਭੇਸ੍ਸਾਮਿਪਿ ਤਂ ਲੋਲ਼ੇਸ੍ਸਾਮਿਪਿ ਤਂ ਅਪੇਯ੍ਯਮ੍ਪਿ ਤਂ ਕਰਿਸ੍ਸਾਮਿ। ਯਂਨੂਨਾਹਂ ਚਤੁਕ੍ਕੁਣ੍ਡਿਕੋ 4 ਨਿਪਤਿਤ੍વਾ ਗੋਪੀਤਕਂ ਪਿવਿਤ੍વਾ ਪਕ੍ਕਮੇਯ੍ਯ’ਨ੍ਤਿ। ਸੋ ਚਤੁਕ੍ਕੁਣ੍ਡਿਕੋ ਨਿਪਤਿਤ੍વਾ ਗੋਪੀਤਕਂ ਪਿવਿਤ੍વਾ ਪਕ੍ਕਮੇਯ੍ਯ। ਏવਮੇવਂ ਖੋ, ਆવੁਸੋ, ਯ੍વਾਯਂ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਅਪਰਿਸੁਦ੍ਧવਚੀਸਮਾਚਾਰੋ ਲਭਤਿ ਚ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ, ਯਾਸ੍ਸ ਅਪਰਿਸੁਦ੍ਧਕਾਯਸਮਾਚਾਰਤਾ ਨ ਸਾਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਾ; ਯਾਪਿਸ੍ਸ ਅਪਰਿਸੁਦ੍ਧવਚੀਸਮਾਚਾਰਤਾ ਨ ਸਾਪਿਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਾ। ਯਞ੍ਚ ਖੋ ਸੋ ਲਭਤਿ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ, ਤਮੇવਸ੍ਸ 5 ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਂ। ਏવਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ।
‘‘Tatrāvuso, yvāyaṃ puggalo aparisuddhakāyasamācāro aparisuddhavacīsamācāro labhati ca kālena kālaṃ cetaso vivaraṃ cetaso pasādaṃ, kathaṃ tasmiṃ puggale āghāto paṭivinetabbo? Seyyathāpi, āvuso, parittaṃ gopade 6 udakaṃ. Atha puriso āgaccheyya ghammābhitatto ghammapareto kilanto tasito pipāsito. Tassa evamassa – ‘idaṃ kho parittaṃ gopade udakaṃ. Sacāhaṃ añjalinā vā pivissāmi bhājanena vā khobhessāmipi taṃ loḷessāmipi taṃ apeyyampi taṃ karissāmi. Yaṃnūnāhaṃ catukkuṇḍiko 7 nipatitvā gopītakaṃ pivitvā pakkameyya’nti. So catukkuṇḍiko nipatitvā gopītakaṃ pivitvā pakkameyya. Evamevaṃ kho, āvuso, yvāyaṃ puggalo aparisuddhakāyasamācāro aparisuddhavacīsamācāro labhati ca kālena kālaṃ cetaso vivaraṃ cetaso pasādaṃ, yāssa aparisuddhakāyasamācāratā na sāssa tasmiṃ samaye manasi kātabbā; yāpissa aparisuddhavacīsamācāratā na sāpissa tasmiṃ samaye manasi kātabbā. Yañca kho so labhati kālena kālaṃ cetaso vivaraṃ cetaso pasādaṃ, tamevassa 8 tasmiṃ samaye manasi kātabbaṃ. Evaṃ tasmiṃ puggale āghāto paṭivinetabbo.
‘‘ਤਤ੍ਰਾવੁਸੋ , ਯ੍વਾਯਂ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਅਪਰਿਸੁਦ੍ਧવਚੀਸਮਾਚਾਰੋ ਨ ਚ ਲਭਤਿ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ, ਕਥਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ? ਸੇਯ੍ਯਥਾਪਿ, ਆવੁਸੋ, ਪੁਰਿਸੋ ਆਬਾਧਿਕੋ ਦੁਕ੍ਖਿਤੋ ਬਾਲ਼੍ਹਗਿਲਾਨੋ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ। ਤਸ੍ਸ ਪੁਰਤੋਪਿਸ੍ਸ ਦੂਰੇ ਗਾਮੋ ਪਚ੍ਛਤੋਪਿਸ੍ਸ ਦੂਰੇ ਗਾਮੋ। ਸੋ ਨ ਲਭੇਯ੍ਯ ਸਪ੍ਪਾਯਾਨਿ ਭੋਜਨਾਨਿ, ਨ ਲਭੇਯ੍ਯ ਸਪ੍ਪਾਯਾਨਿ ਭੇਸਜ੍ਜਾਨਿ, ਨ ਲਭੇਯ੍ਯ ਪਤਿਰੂਪਂ ਉਪਟ੍ਠਾਕਂ, ਨ ਲਭੇਯ੍ਯ ਗਾਮਨ੍ਤਨਾਯਕਂ। ਤਮੇਨਂ ਅਞ੍ਞਤਰੋ ਪੁਰਿਸੋ ਪਸ੍ਸੇਯ੍ਯ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ। ਸੋ ਤਸ੍ਮਿਂ ਪੁਰਿਸੇ ਕਾਰੁਞ੍ਞਂਯੇવ ਉਪਟ੍ਠਾਪੇਯ੍ਯ, ਅਨੁਦ੍ਦਯਂਯੇવ ਉਪਟ੍ਠਾਪੇਯ੍ਯ, ਅਨੁਕਮ੍ਪਂਯੇવ ਉਪਟ੍ਠਾਪੇਯ੍ਯ – ‘ਅਹੋ વਤਾਯਂ ਪੁਰਿਸੋ ਲਭੇਯ੍ਯ ਸਪ੍ਪਾਯਾਨਿ ਭੋਜਨਾਨਿ, ਲਭੇਯ੍ਯ ਸਪ੍ਪਾਯਾਨਿ ਭੇਸਜ੍ਜਾਨਿ, ਲਭੇਯ੍ਯ ਪਤਿਰੂਪਂ ਉਪਟ੍ਠਾਕਂ, ਲਭੇਯ੍ਯ ਗਾਮਨ੍ਤਨਾਯਕਂ! ਤਂ ਕਿਸ੍ਸ ਹੇਤੁ? ਮਾਯਂ 9 ਪੁਰਿਸੋ ਇਧੇવ ਅਨਯਬ੍ਯਸਨਂ ਆਪਜ੍ਜੀ’ਤਿ 10! ਏવਮੇવਂ ਖੋ, ਆવੁਸੋ, ਯ੍વਾਯਂ ਪੁਗ੍ਗਲੋ ਅਪਰਿਸੁਦ੍ਧਕਾਯਸਮਾਚਾਰੋ ਅਪਰਿਸੁਦ੍ਧવਚੀਸਮਾਚਾਰੋ ਨ ਚ ਲਭਤਿ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ, ਏવਰੂਪੇਪਿ 11, ਆવੁਸੋ, ਪੁਗ੍ਗਲੇ ਕਾਰੁਞ੍ਞਂਯੇવ ਉਪਟ੍ਠਾਪੇਤਬ੍ਬਂ ਅਨੁਦ੍ਦਯਾਯੇવ ਉਪਟ੍ਠਾਪੇਤਬ੍ਬਾ ਅਨੁਕਮ੍ਪਾਯੇવ ਉਪਟ੍ਠਾਪੇਤਬ੍ਬਾ – ‘ਅਹੋ વਤ ਅਯਮਾਯਸ੍ਮਾ ਕਾਯਦੁਚ੍ਚਰਿਤਂ ਪਹਾਯ ਕਾਯਸੁਚਰਿਤਂ ਭਾવੇਯ੍ਯ, વਚੀਦੁਚ੍ਚਰਿਤਂ ਪਹਾਯ વਚੀਸੁਚਰਿਤਂ ਭਾવੇਯ੍ਯ, ਮਨੋਦੁਚ੍ਚਰਿਤਂ ਪਹਾਯ ਮਨੋਸੁਚਰਿਤਂ ਭਾવੇਯ੍ਯ ! ਤਂ ਕਿਸ੍ਸ ਹੇਤੁ? ਮਾਯਂ ਆਯਸ੍ਮਾ 12 ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ વਿਨਿਪਾਤਂ ਨਿਰਯਂ ਉਪਪਜ੍ਜੀ’ਤਿ 13! ਏવਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ।
‘‘Tatrāvuso , yvāyaṃ puggalo aparisuddhakāyasamācāro aparisuddhavacīsamācāro na ca labhati kālena kālaṃ cetaso vivaraṃ cetaso pasādaṃ, kathaṃ tasmiṃ puggale āghāto paṭivinetabbo? Seyyathāpi, āvuso, puriso ābādhiko dukkhito bāḷhagilāno addhānamaggappaṭipanno. Tassa puratopissa dūre gāmo pacchatopissa dūre gāmo. So na labheyya sappāyāni bhojanāni, na labheyya sappāyāni bhesajjāni, na labheyya patirūpaṃ upaṭṭhākaṃ, na labheyya gāmantanāyakaṃ. Tamenaṃ aññataro puriso passeyya addhānamaggappaṭipanno. So tasmiṃ purise kāruññaṃyeva upaṭṭhāpeyya, anuddayaṃyeva upaṭṭhāpeyya, anukampaṃyeva upaṭṭhāpeyya – ‘aho vatāyaṃ puriso labheyya sappāyāni bhojanāni, labheyya sappāyāni bhesajjāni, labheyya patirūpaṃ upaṭṭhākaṃ, labheyya gāmantanāyakaṃ! Taṃ kissa hetu? Māyaṃ 14 puriso idheva anayabyasanaṃ āpajjī’ti 15! Evamevaṃ kho, āvuso, yvāyaṃ puggalo aparisuddhakāyasamācāro aparisuddhavacīsamācāro na ca labhati kālena kālaṃ cetaso vivaraṃ cetaso pasādaṃ, evarūpepi 16, āvuso, puggale kāruññaṃyeva upaṭṭhāpetabbaṃ anuddayāyeva upaṭṭhāpetabbā anukampāyeva upaṭṭhāpetabbā – ‘aho vata ayamāyasmā kāyaduccaritaṃ pahāya kāyasucaritaṃ bhāveyya, vacīduccaritaṃ pahāya vacīsucaritaṃ bhāveyya, manoduccaritaṃ pahāya manosucaritaṃ bhāveyya ! Taṃ kissa hetu? Māyaṃ āyasmā 17 kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjī’ti 18! Evaṃ tasmiṃ puggale āghāto paṭivinetabbo.
‘‘ਤਤ੍ਰਾવੁਸੋ , ਯ੍વਾਯਂ ਪੁਗ੍ਗਲੋ ਪਰਿਸੁਦ੍ਧਕਾਯਸਮਾਚਾਰੋ ਪਰਿਸੁਦ੍ਧવਚੀਸਮਾਚਾਰੋ ਲਭਤਿ ਚ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ, ਕਥਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ? ਸੇਯ੍ਯਥਾਪਿ, ਆવੁਸੋ, ਪੋਕ੍ਖਰਣੀ ਅਚ੍ਛੋਦਕਾ ਸਾਤੋਦਕਾ ਸੀਤੋਦਕਾ 19 ਸੇਤਕਾ 20 ਸੁਪਤਿਤ੍ਥਾ ਰਮਣੀਯਾ ਨਾਨਾਰੁਕ੍ਖੇਹਿ ਸਞ੍ਛਨ੍ਨਾ। ਅਥ ਪੁਰਿਸੋ ਆਗਚ੍ਛੇਯ੍ਯ ਘਮ੍ਮਾਭਿਤਤ੍ਤੋ ਘਮ੍ਮਪਰੇਤੋ ਕਿਲਨ੍ਤੋ ਤਸਿਤੋ ਪਿਪਾਸਿਤੋ । ਸੋ ਤਂ ਪੋਕ੍ਖਰਣਿਂ ਓਗਾਹੇਤ੍વਾ ਨ੍ਹਾਤ੍વਾ ਚ ਪਿવਿਤ੍વਾ ਚ ਪਚ੍ਚੁਤ੍ਤਰਿਤ੍વਾ ਤਤ੍ਥੇવ ਰੁਕ੍ਖਚ੍ਛਾਯਾਯ ਨਿਸੀਦੇਯ੍ਯ વਾ ਨਿਪਜ੍ਜੇਯ੍ਯ વਾ।
‘‘Tatrāvuso , yvāyaṃ puggalo parisuddhakāyasamācāro parisuddhavacīsamācāro labhati ca kālena kālaṃ cetaso vivaraṃ cetaso pasādaṃ, kathaṃ tasmiṃ puggale āghāto paṭivinetabbo? Seyyathāpi, āvuso, pokkharaṇī acchodakā sātodakā sītodakā 21 setakā 22 supatitthā ramaṇīyā nānārukkhehi sañchannā. Atha puriso āgaccheyya ghammābhitatto ghammapareto kilanto tasito pipāsito . So taṃ pokkharaṇiṃ ogāhetvā nhātvā ca pivitvā ca paccuttaritvā tattheva rukkhacchāyāya nisīdeyya vā nipajjeyya vā.
ਏવਮੇવਂ ਖੋ, ਆવੁਸੋ, ਯ੍વਾਯਂ ਪੁਗ੍ਗਲੋ ਪਰਿਸੁਦ੍ਧਕਾਯਸਮਾਚਾਰੋ ਪਰਿਸੁਦ੍ਧવਚੀਸਮਾਚਾਰੋ ਲਭਤਿ ਚ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ, ਯਾਪਿਸ੍ਸ ਪਰਿਸੁਦ੍ਧਕਾਯਸਮਾਚਾਰਤਾ ਸਾਪਿਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਾ; ਯਾਪਿਸ੍ਸ ਪਰਿਸੁਦ੍ਧવਚੀਸਮਾਚਾਰਤਾ ਸਾਪਿਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਾ; ਯਮ੍ਪਿ ਲਭਤਿ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਂ, ਤਮ੍ਪਿਸ੍ਸ ਤਸ੍ਮਿਂ ਸਮਯੇ ਮਨਸਿ ਕਾਤਬ੍ਬਂ। ਏવਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿવਿਨੇਤਬ੍ਬੋ। ਸਮਨ੍ਤਪਾਸਾਦਿਕਂ, ਆવੁਸੋ, ਪੁਗ੍ਗਲਂ ਆਗਮ੍ਮ ਚਿਤ੍ਤਂ ਪਸੀਦਤਿ।
Evamevaṃ kho, āvuso, yvāyaṃ puggalo parisuddhakāyasamācāro parisuddhavacīsamācāro labhati ca kālena kālaṃ cetaso vivaraṃ cetaso pasādaṃ, yāpissa parisuddhakāyasamācāratā sāpissa tasmiṃ samaye manasi kātabbā; yāpissa parisuddhavacīsamācāratā sāpissa tasmiṃ samaye manasi kātabbā; yampi labhati kālena kālaṃ cetaso vivaraṃ cetaso pasādaṃ, tampissa tasmiṃ samaye manasi kātabbaṃ. Evaṃ tasmiṃ puggale āghāto paṭivinetabbo. Samantapāsādikaṃ, āvuso, puggalaṃ āgamma cittaṃ pasīdati.
‘‘ਇਮੇ ਖੋ, ਆવੁਸੋ, ਪਞ੍ਚ ਆਘਾਤਪਟਿવਿਨਯਾ, ਯਤ੍ਥ ਭਿਕ੍ਖੁਨੋ ਉਪ੍ਪਨ੍ਨੋ ਆਘਾਤੋ ਸਬ੍ਬਸੋ ਪਟਿવਿਨੇਤਬ੍ਬੋ’’ਤਿ। ਦੁਤਿਯਂ।
‘‘Ime kho, āvuso, pañca āghātapaṭivinayā, yattha bhikkhuno uppanno āghāto sabbaso paṭivinetabbo’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਦੁਤਿਯਆਘਾਤਪਟਿવਿਨਯਸੁਤ੍ਤવਣ੍ਣਨਾ • 2. Dutiyaāghātapaṭivinayasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫. ਪਠਮਆਘਾਤਪਟਿવਿਨਯਸੁਤ੍ਤਾਦਿવਣ੍ਣਨਾ • 1-5. Paṭhamaāghātapaṭivinayasuttādivaṇṇanā
