| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. д̣̇уд̇ияааагхаад̇абадивинаяасуд̇д̇аван̣н̣анаа
2. Dutiyaāghātapaṭivinayasuttavaṇṇanā
162. д̣̇уд̇ияз аагхаад̇о зд̇зсу бадивинзд̇аб̣б̣од̇и аагхаад̇абадивинаяаа . аагхаад̇о зд̇зхи бадивинзд̇аб̣б̣од̇иби аагхаад̇абадивинаяаа. бадивинаяод̇и хи бадивинаяавад̇т̇уунамби бадивинаяагааран̣аанамби зд̇ам̣ ад̇хиважанам̣, д̇ад̣̇убхаяамби ид̇ха ваддад̇и. бан̃жа хи буг̇г̇алаа бадивинаяавад̇т̇уу хонд̇и бан̃жахи убамаахи бан̃жа бадибад̇д̇ияо бадивинаяагааран̣аани. лабхад̇и жа гаалзна гаалам̣ жзд̇асо виварам̣ жзд̇асо басаад̣̇анд̇и гаалз гаалз самат̇авибассанаажид̇д̇асса уббанногаасасан̇каад̇ам̣ виваран̃жзва сад̣̇д̇хаасамбаннабхаавасан̇каад̇ам̣ басаад̣̇ан̃жа лабхад̇и.
162. Dutiye āghāto etesu paṭivinetabboti āghātapaṭivinayā. Āghāto etehi paṭivinetabbotipi āghātapaṭivinayā. Paṭivinayoti hi paṭivinayavatthūnampi paṭivinayakāraṇānampi etaṃ adhivacanaṃ, tadubhayampi idha vaṭṭati. Pañca hi puggalā paṭivinayavatthū honti pañcahi upamāhi pañca paṭipattiyo paṭivinayakāraṇāni. Labhati ca kālena kālaṃ cetaso vivaraṃ cetaso pasādanti kāle kāle samathavipassanācittassa uppannokāsasaṅkhātaṃ vivarañceva saddhāsampannabhāvasaṅkhātaṃ pasādañca labhati.
рат̇ияааяаад̇и анд̇аравийт̇ияам̣. нанд̇аганд̇и билод̇игакан̣д̣ам̣. ниг̇г̇ахзд̇ваад̇и аггамид̇ваа. яо д̇ад̇т̇а саарод̇и яам̣ д̇ад̇т̇а т̇ирадтаанам̣. д̇ам̣ барибаад̇зд̇ваад̇и д̇ам̣ лун̃жид̇ваа. звамзва код̇и зд̇т̇а бам̣сугуулиго вияа мзд̇д̇аавихаарий д̣̇адтаб̣б̣о, рат̇ияааяа нанд̇агам̣ вияа взрибуг̇г̇ало, д̣̇уб̣б̣аладтаанам̣ вияа абарисуд̣̇д̇хагааяасамаажаарад̇аа, т̇ирадтаанам̣ вияа барисуд̣̇д̇хаважийсамаажаарад̇аа, д̣̇уб̣б̣аладтаанам̣ чад̣д̣зд̇ваа т̇ирадтаанам̣ аад̣̇ааяа г̇анд̇ваа сиб̣б̣ид̇ваа раж̇ид̇ваа баарубид̇ваа вижаран̣агаало вияа абарисуд̣̇д̇хагааяасамаажаарад̇ам̣ аманасигад̇ваа барисуд̣̇д̇хаважийсамаажаарад̇ам̣ манасигад̇ваа взримхи жид̇д̇уббаад̣̇ам̣ ниб̣б̣аабзд̇ваа паасувихаарагаало д̣̇адтаб̣б̣о.
Rathiyāyāti antaravīthiyaṃ. Nantakanti pilotikakhaṇḍaṃ. Niggahetvāti akkamitvā. Yo tattha sāroti yaṃ tattha thiraṭṭhānaṃ. Taṃ paripātetvāti taṃ luñcitvā. Evameva khoti ettha paṃsukūliko viya mettāvihārī daṭṭhabbo, rathiyāya nantakaṃ viya veripuggalo, dubbalaṭṭhānaṃ viya aparisuddhakāyasamācāratā, thiraṭṭhānaṃ viya parisuddhavacīsamācāratā, dubbalaṭṭhānaṃ chaḍḍetvā thiraṭṭhānaṃ ādāya gantvā sibbitvā rajitvā pārupitvā vicaraṇakālo viya aparisuddhakāyasamācārataṃ amanasikatvā parisuddhavacīsamācārataṃ manasikatvā verimhi cittuppādaṃ nibbāpetvā phāsuvihārakālo daṭṭhabbo.
сзваалабан̣агабарияонад̣̇д̇хаад̇и сзваалзна жа уд̣̇агабаббадагзна жа бадижчаннаа. гхаммабарзд̇од̇и гхаммзна ануг̇ад̇о. гиланд̇од̇и маг̇г̇агиланд̇о. д̇асид̇од̇и д̇ан̣хаабхибхууд̇о. бибаасид̇од̇и баанийяам̣ баад̇угаамо. абавияуухид̇ваад̇и абанзд̇ваа. бивид̇ваад̇и басаннауд̣̇агам̣ бивид̇ваа. звамзва код̇и зд̇т̇а гхаммаабхид̇ад̇д̇о бурисо вияа мзд̇д̇аавихаарий д̣̇адтаб̣б̣о, сзваалабан̣агам̣ вияа абарисуд̣̇д̇хаважийсамаажаарад̇аа, басаннауд̣̇агам̣ вияа барисуд̣̇д̇хагааяасамаажаарад̇аа, сзваалабан̣агам̣ абаб̣яуухид̇ваа басаннод̣̇агам̣ бивид̇ваа г̇аманам̣ вияа абарисуд̣̇д̇хаважийсамаажаарад̇ам̣ аманасигад̇ваа барисуд̣̇д̇хагааяасамаажаарад̇ам̣ манасигад̇ваа взримхи жид̇д̇уббаад̣̇ам̣ ниб̣б̣аабзд̇ваа паасувихаарагаало д̣̇адтаб̣б̣о.
Sevālapaṇakapariyonaddhāti sevālena ca udakapappaṭakena ca paṭicchannā. Ghammaparetoti ghammena anugato. Kilantoti maggakilanto. Tasitoti taṇhābhibhūto. Pipāsitoti pānīyaṃ pātukāmo. Apaviyūhitvāti apanetvā. Pivitvāti pasannaudakaṃ pivitvā. Evameva khoti ettha ghammābhitatto puriso viya mettāvihārī daṭṭhabbo, sevālapaṇakaṃ viya aparisuddhavacīsamācāratā, pasannaudakaṃ viya parisuddhakāyasamācāratā, sevālapaṇakaṃ apabyūhitvā pasannodakaṃ pivitvā gamanaṃ viya aparisuddhavacīsamācārataṃ amanasikatvā parisuddhakāyasamācārataṃ manasikatvā verimhi cittuppādaṃ nibbāpetvā phāsuvihārakālo daṭṭhabbo.
кобхзссаамийд̇и жаалзссаами. лол̣зссаамийд̇и аагулам̣ гариссаами. абзяяамби д̇ам̣ гариссаамийд̇и бивид̇ум̣ асаггун̣зяяам̣ гариссаами. жад̇уггун̣д̣игод̇и ж̇аан̣уухи жа хад̇т̇зхи жа бхуумияам̣ бад̇идтаанзна жад̇уггун̣д̣иго худ̇ваа. г̇обийд̇агам̣ бивид̇ваад̇и г̇аавияо вияа мукзна аагад̣дхзнд̇о бивид̇ваа. звамзва код̇и зд̇т̇а гхаммаабхид̇ад̇д̇о бурисо вияа мзд̇д̇аавихаарий д̣̇адтаб̣б̣о, г̇обад̣̇ам̣ вияа взрибуг̇г̇ало, г̇обад̣̇з барид̇д̇ауд̣̇агам̣ вияа д̇ассаб̣бханд̇арз барид̇д̇аг̇ун̣о, жад̇уггун̣д̣игасса г̇обийд̇агам̣ бивид̇ваа баггаманам̣ вияа д̇асса абарисуд̣̇д̇хагааяаважийсамаажаарад̇ам̣ аманасигад̇ваа яам̣ со гаалзна гаалам̣ д̇хаммассаванам̣ ниссааяа жзд̇асо вивараббасаад̣̇асан̇каад̇ам̣ бийд̇ибаамож̇ж̇ам̣ лабхад̇и, д̇ам̣ манасигад̇ваа жид̇д̇уббаад̣̇аниб̣б̣аабанам̣ взд̣̇ид̇аб̣б̣ам̣.
Khobhessāmīti cālessāmi. Loḷessāmīti ākulaṃ karissāmi. Apeyyampi taṃ karissāmīti pivituṃ asakkuṇeyyaṃ karissāmi. Catukkuṇḍikoti jāṇūhi ca hatthehi ca bhūmiyaṃ patiṭṭhānena catukkuṇḍiko hutvā. Gopītakaṃ pivitvāti gāviyo viya mukhena ākaḍḍhento pivitvā. Evameva khoti ettha ghammābhitatto puriso viya mettāvihārī daṭṭhabbo, gopadaṃ viya veripuggalo, gopade parittaudakaṃ viya tassabbhantare parittaguṇo, catukkuṇḍikassa gopītakaṃ pivitvā pakkamanaṃ viya tassa aparisuddhakāyavacīsamācārataṃ amanasikatvā yaṃ so kālena kālaṃ dhammassavanaṃ nissāya cetaso vivarappasādasaṅkhātaṃ pītipāmojjaṃ labhati, taṃ manasikatvā cittuppādanibbāpanaṃ veditabbaṃ.
ааб̣аад̇хигод̇и ирияаабат̇абхан̃ж̇анагзна висабхааг̇ааб̣аад̇хзна ааб̣аад̇хиго. бурад̇обиссаад̇и бурад̇оби бхавзяяа. анаяаб̣яасананд̇и авад̣дхивинаасам̣. звамзва код̇и зд̇т̇а со анаат̇аг̇илаано вияа саб̣б̣аган̣хад̇хаммасаманнааг̇ад̇о буг̇г̇ало, ад̣̇д̇хаанамаг̇г̇о вияа анамад̇аг̇г̇асам̣сааро, бурад̇о жа бажчад̇о жа г̇аамаанам̣ д̣̇уурабхааво вияа ниб̣б̣аанасса д̣̇уурабхааво, саббааяабхож̇анаанам̣ алаабхо вияа сааман̃н̃апалабхож̇анаанам̣ алаабхо, саббааяабхзсаж̇ж̇аанам̣ алаабхо вияа самат̇авибассанаанам̣ абхааво, бад̇ируубаубадтаагаанам̣ алаабхо вияа оваад̣̇аанусаасанийхи гилзсад̇игижчагаанам̣ абхааво, г̇ааманд̇анааяагасса алаабхо вияа ниб̣б̣аанасамбаабагасса д̇ат̇ааг̇ад̇асса ваа д̇ат̇ааг̇ад̇асаавагасса ваа алад̣̇д̇хабхааво, ан̃н̃ад̇арасса бурисасса д̣̇исваа гаарун̃н̃убадтаанам̣ вияа д̇асмим̣ буг̇г̇алз мзд̇д̇аавихааригасса гаарун̃н̃ам̣ уббаад̣̇зд̇ваа жид̇д̇аниб̣б̣аабанам̣ взд̣̇ид̇аб̣б̣ам̣.
Ābādhikoti iriyāpathabhañjanakena visabhāgābādhena ābādhiko. Puratopissāti puratopi bhaveyya. Anayabyasananti avaḍḍhivināsaṃ. Evameva khoti ettha so anāthagilāno viya sabbakaṇhadhammasamannāgato puggalo, addhānamaggo viya anamataggasaṃsāro, purato ca pacchato ca gāmānaṃ dūrabhāvo viya nibbānassa dūrabhāvo, sappāyabhojanānaṃ alābho viya sāmaññaphalabhojanānaṃ alābho, sappāyabhesajjānaṃ alābho viya samathavipassanānaṃ abhāvo, patirūpaupaṭṭhākānaṃ alābho viya ovādānusāsanīhi kilesatikicchakānaṃ abhāvo, gāmantanāyakassa alābho viya nibbānasampāpakassa tathāgatassa vā tathāgatasāvakassa vā aladdhabhāvo, aññatarassa purisassa disvā kāruññupaṭṭhānaṃ viya tasmiṃ puggale mettāvihārikassa kāruññaṃ uppādetvā cittanibbāpanaṃ veditabbaṃ.
ажчод̣̇агаад̇и басаннод̣̇агаа. саад̇од̣̇агаад̇и мад̇хурод̣̇агаа. сийд̇од̣̇агаад̇и д̇анусийд̇асалилаа. сзд̇агаад̇и уумибхиж̇ж̇анадтаанзсу сзд̇аван̣н̣аа. субад̇ид̇т̇аад̇и самад̇ид̇т̇аа. звамзва код̇и зд̇т̇а гхаммаабхид̇ад̇д̇о бурисо вияа мзд̇д̇аавихаарий д̣̇адтаб̣б̣о, саа богкаран̣ий вияа барисуд̣̇д̇хасаб̣б̣ад̣̇вааро бурисо, нхад̇ваа бивид̇ваа бажжуд̇д̇арид̇ваа ругкажчааяааяа нибаж̇ж̇ид̇ваа яат̇аагаамам̣ г̇аманам̣ вияа д̇зсу д̣̇ваарзсу яам̣ ижчад̇и, д̇ам̣ аарамман̣ам̣ гад̇ваа жид̇д̇аниб̣б̣аабанам̣ взд̣̇ид̇аб̣б̣ам̣. д̇ад̇ияажад̇уд̇т̇аани хздтаа вуд̇д̇анаяаанзва.
Acchodakāti pasannodakā. Sātodakāti madhurodakā. Sītodakāti tanusītasalilā. Setakāti ūmibhijjanaṭṭhānesu setavaṇṇā. Supatitthāti samatitthā. Evameva khoti ettha ghammābhitatto puriso viya mettāvihārī daṭṭhabbo, sā pokkharaṇī viya parisuddhasabbadvāro puriso, nhatvā pivitvā paccuttaritvā rukkhacchāyāya nipajjitvā yathākāmaṃ gamanaṃ viya tesu dvāresu yaṃ icchati, taṃ ārammaṇaṃ katvā cittanibbāpanaṃ veditabbaṃ. Tatiyacatutthāni heṭṭhā vuttanayāneva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. д̣̇уд̇ияааагхаад̇абадивинаяасуд̇д̇ам̣ • 2. Dutiyaāghātapaṭivinayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-5. батамааагхаад̇абадивинаяасуд̇д̇аад̣̇иван̣н̣анаа • 1-5. Paṭhamaāghātapaṭivinayasuttādivaṇṇanā
