| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਦੁਤਿਯਆਘਾਤਪਟਿવਿਨਯਸੁਤ੍ਤવਣ੍ਣਨਾ
2. Dutiyaāghātapaṭivinayasuttavaṇṇanā
੧੬੨. ਦੁਤਿਯੇ ਆਘਾਤੋ ਏਤੇਸੁ ਪਟਿવਿਨੇਤਬ੍ਬੋਤਿ ਆਘਾਤਪਟਿવਿਨਯਾ । ਆਘਾਤੋ ਏਤੇਹਿ ਪਟਿવਿਨੇਤਬ੍ਬੋਤਿਪਿ ਆਘਾਤਪਟਿવਿਨਯਾ। ਪਟਿવਿਨਯੋਤਿ ਹਿ ਪਟਿવਿਨਯવਤ੍ਥੂਨਮ੍ਪਿ ਪਟਿવਿਨਯਕਾਰਣਾਨਮ੍ਪਿ ਏਤਂ ਅਧਿવਚਨਂ, ਤਦੁਭਯਮ੍ਪਿ ਇਧ વਟ੍ਟਤਿ। ਪਞ੍ਚ ਹਿ ਪੁਗ੍ਗਲਾ ਪਟਿવਿਨਯવਤ੍ਥੂ ਹੋਨ੍ਤਿ ਪਞ੍ਚਹਿ ਉਪਮਾਹਿ ਪਞ੍ਚ ਪਟਿਪਤ੍ਤਿਯੋ ਪਟਿવਿਨਯਕਾਰਣਾਨਿ। ਲਭਤਿ ਚ ਕਾਲੇਨ ਕਾਲਂ ਚੇਤਸੋ વਿવਰਂ ਚੇਤਸੋ ਪਸਾਦਨ੍ਤਿ ਕਾਲੇ ਕਾਲੇ ਸਮਥવਿਪਸ੍ਸਨਾਚਿਤ੍ਤਸ੍ਸ ਉਪ੍ਪਨ੍ਨੋਕਾਸਸਙ੍ਖਾਤਂ વਿવਰਞ੍ਚੇવ ਸਦ੍ਧਾਸਮ੍ਪਨ੍ਨਭਾવਸਙ੍ਖਾਤਂ ਪਸਾਦਞ੍ਚ ਲਭਤਿ।
162. Dutiye āghāto etesu paṭivinetabboti āghātapaṭivinayā. Āghāto etehi paṭivinetabbotipi āghātapaṭivinayā. Paṭivinayoti hi paṭivinayavatthūnampi paṭivinayakāraṇānampi etaṃ adhivacanaṃ, tadubhayampi idha vaṭṭati. Pañca hi puggalā paṭivinayavatthū honti pañcahi upamāhi pañca paṭipattiyo paṭivinayakāraṇāni. Labhati ca kālena kālaṃ cetaso vivaraṃ cetaso pasādanti kāle kāle samathavipassanācittassa uppannokāsasaṅkhātaṃ vivarañceva saddhāsampannabhāvasaṅkhātaṃ pasādañca labhati.
ਰਥਿਯਾਯਾਤਿ ਅਨ੍ਤਰવੀਥਿਯਂ। ਨਨ੍ਤਕਨ੍ਤਿ ਪਿਲੋਤਿਕਖਣ੍ਡਂ। ਨਿਗ੍ਗਹੇਤ੍વਾਤਿ ਅਕ੍ਕਮਿਤ੍વਾ। ਯੋ ਤਤ੍ਥ ਸਾਰੋਤਿ ਯਂ ਤਤ੍ਥ ਥਿਰਟ੍ਠਾਨਂ। ਤਂ ਪਰਿਪਾਤੇਤ੍વਾਤਿ ਤਂ ਲੁਞ੍ਚਿਤ੍વਾ। ਏવਮੇવ ਖੋਤਿ ਏਤ੍ਥ ਪਂਸੁਕੂਲਿਕੋ વਿਯ ਮੇਤ੍ਤਾવਿਹਾਰੀ ਦਟ੍ਠਬ੍ਬੋ, ਰਥਿਯਾਯ ਨਨ੍ਤਕਂ વਿਯ વੇਰਿਪੁਗ੍ਗਲੋ, ਦੁਬ੍ਬਲਟ੍ਠਾਨਂ વਿਯ ਅਪਰਿਸੁਦ੍ਧਕਾਯਸਮਾਚਾਰਤਾ, ਥਿਰਟ੍ਠਾਨਂ વਿਯ ਪਰਿਸੁਦ੍ਧવਚੀਸਮਾਚਾਰਤਾ, ਦੁਬ੍ਬਲਟ੍ਠਾਨਂ ਛਡ੍ਡੇਤ੍વਾ ਥਿਰਟ੍ਠਾਨਂ ਆਦਾਯ ਗਨ੍ਤ੍વਾ ਸਿਬ੍ਬਿਤ੍વਾ ਰਜਿਤ੍વਾ ਪਾਰੁਪਿਤ੍વਾ વਿਚਰਣਕਾਲੋ વਿਯ ਅਪਰਿਸੁਦ੍ਧਕਾਯਸਮਾਚਾਰਤਂ ਅਮਨਸਿਕਤ੍વਾ ਪਰਿਸੁਦ੍ਧવਚੀਸਮਾਚਾਰਤਂ ਮਨਸਿਕਤ੍વਾ વੇਰਿਮ੍ਹਿ ਚਿਤ੍ਤੁਪ੍ਪਾਦਂ ਨਿਬ੍ਬਾਪੇਤ੍વਾ ਫਾਸੁવਿਹਾਰਕਾਲੋ ਦਟ੍ਠਬ੍ਬੋ।
Rathiyāyāti antaravīthiyaṃ. Nantakanti pilotikakhaṇḍaṃ. Niggahetvāti akkamitvā. Yo tattha sāroti yaṃ tattha thiraṭṭhānaṃ. Taṃ paripātetvāti taṃ luñcitvā. Evameva khoti ettha paṃsukūliko viya mettāvihārī daṭṭhabbo, rathiyāya nantakaṃ viya veripuggalo, dubbalaṭṭhānaṃ viya aparisuddhakāyasamācāratā, thiraṭṭhānaṃ viya parisuddhavacīsamācāratā, dubbalaṭṭhānaṃ chaḍḍetvā thiraṭṭhānaṃ ādāya gantvā sibbitvā rajitvā pārupitvā vicaraṇakālo viya aparisuddhakāyasamācārataṃ amanasikatvā parisuddhavacīsamācārataṃ manasikatvā verimhi cittuppādaṃ nibbāpetvā phāsuvihārakālo daṭṭhabbo.
ਸੇવਾਲਪਣਕਪਰਿਯੋਨਦ੍ਧਾਤਿ ਸੇવਾਲੇਨ ਚ ਉਦਕਪਪ੍ਪਟਕੇਨ ਚ ਪਟਿਚ੍ਛਨ੍ਨਾ। ਘਮ੍ਮਪਰੇਤੋਤਿ ਘਮ੍ਮੇਨ ਅਨੁਗਤੋ। ਕਿਲਨ੍ਤੋਤਿ ਮਗ੍ਗਕਿਲਨ੍ਤੋ। ਤਸਿਤੋਤਿ ਤਣ੍ਹਾਭਿਭੂਤੋ। ਪਿਪਾਸਿਤੋਤਿ ਪਾਨੀਯਂ ਪਾਤੁਕਾਮੋ। ਅਪવਿਯੂਹਿਤ੍વਾਤਿ ਅਪਨੇਤ੍વਾ। ਪਿવਿਤ੍વਾਤਿ ਪਸਨ੍ਨਉਦਕਂ ਪਿવਿਤ੍વਾ। ਏવਮੇવ ਖੋਤਿ ਏਤ੍ਥ ਘਮ੍ਮਾਭਿਤਤ੍ਤੋ ਪੁਰਿਸੋ વਿਯ ਮੇਤ੍ਤਾવਿਹਾਰੀ ਦਟ੍ਠਬ੍ਬੋ, ਸੇવਾਲਪਣਕਂ વਿਯ ਅਪਰਿਸੁਦ੍ਧવਚੀਸਮਾਚਾਰਤਾ, ਪਸਨ੍ਨਉਦਕਂ વਿਯ ਪਰਿਸੁਦ੍ਧਕਾਯਸਮਾਚਾਰਤਾ, ਸੇવਾਲਪਣਕਂ ਅਪਬ੍ਯੂਹਿਤ੍વਾ ਪਸਨ੍ਨੋਦਕਂ ਪਿવਿਤ੍વਾ ਗਮਨਂ વਿਯ ਅਪਰਿਸੁਦ੍ਧવਚੀਸਮਾਚਾਰਤਂ ਅਮਨਸਿਕਤ੍વਾ ਪਰਿਸੁਦ੍ਧਕਾਯਸਮਾਚਾਰਤਂ ਮਨਸਿਕਤ੍વਾ વੇਰਿਮ੍ਹਿ ਚਿਤ੍ਤੁਪ੍ਪਾਦਂ ਨਿਬ੍ਬਾਪੇਤ੍વਾ ਫਾਸੁવਿਹਾਰਕਾਲੋ ਦਟ੍ਠਬ੍ਬੋ।
Sevālapaṇakapariyonaddhāti sevālena ca udakapappaṭakena ca paṭicchannā. Ghammaparetoti ghammena anugato. Kilantoti maggakilanto. Tasitoti taṇhābhibhūto. Pipāsitoti pānīyaṃ pātukāmo. Apaviyūhitvāti apanetvā. Pivitvāti pasannaudakaṃ pivitvā. Evameva khoti ettha ghammābhitatto puriso viya mettāvihārī daṭṭhabbo, sevālapaṇakaṃ viya aparisuddhavacīsamācāratā, pasannaudakaṃ viya parisuddhakāyasamācāratā, sevālapaṇakaṃ apabyūhitvā pasannodakaṃ pivitvā gamanaṃ viya aparisuddhavacīsamācārataṃ amanasikatvā parisuddhakāyasamācārataṃ manasikatvā verimhi cittuppādaṃ nibbāpetvā phāsuvihārakālo daṭṭhabbo.
ਖੋਭੇਸ੍ਸਾਮੀਤਿ ਚਾਲੇਸ੍ਸਾਮਿ। ਲੋਲ਼ੇਸ੍ਸਾਮੀਤਿ ਆਕੁਲਂ ਕਰਿਸ੍ਸਾਮਿ। ਅਪੇਯ੍ਯਮ੍ਪਿ ਤਂ ਕਰਿਸ੍ਸਾਮੀਤਿ ਪਿવਿਤੁਂ ਅਸਕ੍ਕੁਣੇਯ੍ਯਂ ਕਰਿਸ੍ਸਾਮਿ। ਚਤੁਕ੍ਕੁਣ੍ਡਿਕੋਤਿ ਜਾਣੂਹਿ ਚ ਹਤ੍ਥੇਹਿ ਚ ਭੂਮਿਯਂ ਪਤਿਟ੍ਠਾਨੇਨ ਚਤੁਕ੍ਕੁਣ੍ਡਿਕੋ ਹੁਤ੍વਾ। ਗੋਪੀਤਕਂ ਪਿવਿਤ੍વਾਤਿ ਗਾવਿਯੋ વਿਯ ਮੁਖੇਨ ਆਕਡ੍ਢੇਨ੍ਤੋ ਪਿવਿਤ੍વਾ। ਏવਮੇવ ਖੋਤਿ ਏਤ੍ਥ ਘਮ੍ਮਾਭਿਤਤ੍ਤੋ ਪੁਰਿਸੋ વਿਯ ਮੇਤ੍ਤਾવਿਹਾਰੀ ਦਟ੍ਠਬ੍ਬੋ, ਗੋਪਦਂ વਿਯ વੇਰਿਪੁਗ੍ਗਲੋ, ਗੋਪਦੇ ਪਰਿਤ੍ਤਉਦਕਂ વਿਯ ਤਸ੍ਸਬ੍ਭਨ੍ਤਰੇ ਪਰਿਤ੍ਤਗੁਣੋ, ਚਤੁਕ੍ਕੁਣ੍ਡਿਕਸ੍ਸ ਗੋਪੀਤਕਂ ਪਿવਿਤ੍વਾ ਪਕ੍ਕਮਨਂ વਿਯ ਤਸ੍ਸ ਅਪਰਿਸੁਦ੍ਧਕਾਯવਚੀਸਮਾਚਾਰਤਂ ਅਮਨਸਿਕਤ੍વਾ ਯਂ ਸੋ ਕਾਲੇਨ ਕਾਲਂ ਧਮ੍ਮਸ੍ਸવਨਂ ਨਿਸ੍ਸਾਯ ਚੇਤਸੋ વਿવਰਪ੍ਪਸਾਦਸਙ੍ਖਾਤਂ ਪੀਤਿਪਾਮੋਜ੍ਜਂ ਲਭਤਿ, ਤਂ ਮਨਸਿਕਤ੍વਾ ਚਿਤ੍ਤੁਪ੍ਪਾਦਨਿਬ੍ਬਾਪਨਂ વੇਦਿਤਬ੍ਬਂ।
Khobhessāmīti cālessāmi. Loḷessāmīti ākulaṃ karissāmi. Apeyyampi taṃ karissāmīti pivituṃ asakkuṇeyyaṃ karissāmi. Catukkuṇḍikoti jāṇūhi ca hatthehi ca bhūmiyaṃ patiṭṭhānena catukkuṇḍiko hutvā. Gopītakaṃ pivitvāti gāviyo viya mukhena ākaḍḍhento pivitvā. Evameva khoti ettha ghammābhitatto puriso viya mettāvihārī daṭṭhabbo, gopadaṃ viya veripuggalo, gopade parittaudakaṃ viya tassabbhantare parittaguṇo, catukkuṇḍikassa gopītakaṃ pivitvā pakkamanaṃ viya tassa aparisuddhakāyavacīsamācārataṃ amanasikatvā yaṃ so kālena kālaṃ dhammassavanaṃ nissāya cetaso vivarappasādasaṅkhātaṃ pītipāmojjaṃ labhati, taṃ manasikatvā cittuppādanibbāpanaṃ veditabbaṃ.
ਆਬਾਧਿਕੋਤਿ ਇਰਿਯਾਪਥਭਞ੍ਜਨਕੇਨ વਿਸਭਾਗਾਬਾਧੇਨ ਆਬਾਧਿਕੋ। ਪੁਰਤੋਪਿਸ੍ਸਾਤਿ ਪੁਰਤੋਪਿ ਭવੇਯ੍ਯ। ਅਨਯਬ੍ਯਸਨਨ੍ਤਿ ਅવਡ੍ਢਿવਿਨਾਸਂ। ਏવਮੇવ ਖੋਤਿ ਏਤ੍ਥ ਸੋ ਅਨਾਥਗਿਲਾਨੋ વਿਯ ਸਬ੍ਬਕਣ੍ਹਧਮ੍ਮਸਮਨ੍ਨਾਗਤੋ ਪੁਗ੍ਗਲੋ, ਅਦ੍ਧਾਨਮਗ੍ਗੋ વਿਯ ਅਨਮਤਗ੍ਗਸਂਸਾਰੋ, ਪੁਰਤੋ ਚ ਪਚ੍ਛਤੋ ਚ ਗਾਮਾਨਂ ਦੂਰਭਾવੋ વਿਯ ਨਿਬ੍ਬਾਨਸ੍ਸ ਦੂਰਭਾવੋ, ਸਪ੍ਪਾਯਭੋਜਨਾਨਂ ਅਲਾਭੋ વਿਯ ਸਾਮਞ੍ਞਫਲਭੋਜਨਾਨਂ ਅਲਾਭੋ, ਸਪ੍ਪਾਯਭੇਸਜ੍ਜਾਨਂ ਅਲਾਭੋ વਿਯ ਸਮਥવਿਪਸ੍ਸਨਾਨਂ ਅਭਾવੋ, ਪਤਿਰੂਪਉਪਟ੍ਠਾਕਾਨਂ ਅਲਾਭੋ વਿਯ ਓવਾਦਾਨੁਸਾਸਨੀਹਿ ਕਿਲੇਸਤਿਕਿਚ੍ਛਕਾਨਂ ਅਭਾવੋ, ਗਾਮਨ੍ਤਨਾਯਕਸ੍ਸ ਅਲਾਭੋ વਿਯ ਨਿਬ੍ਬਾਨਸਮ੍ਪਾਪਕਸ੍ਸ ਤਥਾਗਤਸ੍ਸ વਾ ਤਥਾਗਤਸਾવਕਸ੍ਸ વਾ ਅਲਦ੍ਧਭਾવੋ, ਅਞ੍ਞਤਰਸ੍ਸ ਪੁਰਿਸਸ੍ਸ ਦਿਸ੍વਾ ਕਾਰੁਞ੍ਞੁਪਟ੍ਠਾਨਂ વਿਯ ਤਸ੍ਮਿਂ ਪੁਗ੍ਗਲੇ ਮੇਤ੍ਤਾવਿਹਾਰਿਕਸ੍ਸ ਕਾਰੁਞ੍ਞਂ ਉਪ੍ਪਾਦੇਤ੍વਾ ਚਿਤ੍ਤਨਿਬ੍ਬਾਪਨਂ વੇਦਿਤਬ੍ਬਂ।
Ābādhikoti iriyāpathabhañjanakena visabhāgābādhena ābādhiko. Puratopissāti puratopi bhaveyya. Anayabyasananti avaḍḍhivināsaṃ. Evameva khoti ettha so anāthagilāno viya sabbakaṇhadhammasamannāgato puggalo, addhānamaggo viya anamataggasaṃsāro, purato ca pacchato ca gāmānaṃ dūrabhāvo viya nibbānassa dūrabhāvo, sappāyabhojanānaṃ alābho viya sāmaññaphalabhojanānaṃ alābho, sappāyabhesajjānaṃ alābho viya samathavipassanānaṃ abhāvo, patirūpaupaṭṭhākānaṃ alābho viya ovādānusāsanīhi kilesatikicchakānaṃ abhāvo, gāmantanāyakassa alābho viya nibbānasampāpakassa tathāgatassa vā tathāgatasāvakassa vā aladdhabhāvo, aññatarassa purisassa disvā kāruññupaṭṭhānaṃ viya tasmiṃ puggale mettāvihārikassa kāruññaṃ uppādetvā cittanibbāpanaṃ veditabbaṃ.
ਅਚ੍ਛੋਦਕਾਤਿ ਪਸਨ੍ਨੋਦਕਾ। ਸਾਤੋਦਕਾਤਿ ਮਧੁਰੋਦਕਾ। ਸੀਤੋਦਕਾਤਿ ਤਨੁਸੀਤਸਲਿਲਾ। ਸੇਤਕਾਤਿ ਊਮਿਭਿਜ੍ਜਨਟ੍ਠਾਨੇਸੁ ਸੇਤવਣ੍ਣਾ। ਸੁਪਤਿਤ੍ਥਾਤਿ ਸਮਤਿਤ੍ਥਾ। ਏવਮੇવ ਖੋਤਿ ਏਤ੍ਥ ਘਮ੍ਮਾਭਿਤਤ੍ਤੋ ਪੁਰਿਸੋ વਿਯ ਮੇਤ੍ਤਾવਿਹਾਰੀ ਦਟ੍ਠਬ੍ਬੋ, ਸਾ ਪੋਕ੍ਖਰਣੀ વਿਯ ਪਰਿਸੁਦ੍ਧਸਬ੍ਬਦ੍વਾਰੋ ਪੁਰਿਸੋ, ਨ੍ਹਤ੍વਾ ਪਿવਿਤ੍વਾ ਪਚ੍ਚੁਤ੍ਤਰਿਤ੍વਾ ਰੁਕ੍ਖਚ੍ਛਾਯਾਯ ਨਿਪਜ੍ਜਿਤ੍વਾ ਯਥਾਕਾਮਂ ਗਮਨਂ વਿਯ ਤੇਸੁ ਦ੍વਾਰੇਸੁ ਯਂ ਇਚ੍ਛਤਿ, ਤਂ ਆਰਮ੍ਮਣਂ ਕਤ੍વਾ ਚਿਤ੍ਤਨਿਬ੍ਬਾਪਨਂ વੇਦਿਤਬ੍ਬਂ। ਤਤਿਯਚਤੁਤ੍ਥਾਨਿ ਹੇਟ੍ਠਾ વੁਤ੍ਤਨਯਾਨੇવ।
Acchodakāti pasannodakā. Sātodakāti madhurodakā. Sītodakāti tanusītasalilā. Setakāti ūmibhijjanaṭṭhānesu setavaṇṇā. Supatitthāti samatitthā. Evameva khoti ettha ghammābhitatto puriso viya mettāvihārī daṭṭhabbo, sā pokkharaṇī viya parisuddhasabbadvāro puriso, nhatvā pivitvā paccuttaritvā rukkhacchāyāya nipajjitvā yathākāmaṃ gamanaṃ viya tesu dvāresu yaṃ icchati, taṃ ārammaṇaṃ katvā cittanibbāpanaṃ veditabbaṃ. Tatiyacatutthāni heṭṭhā vuttanayāneva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਦੁਤਿਯਆਘਾਤਪਟਿવਿਨਯਸੁਤ੍ਤਂ • 2. Dutiyaāghātapaṭivinayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫. ਪਠਮਆਘਾਤਪਟਿવਿਨਯਸੁਤ੍ਤਾਦਿવਣ੍ਣਨਾ • 1-5. Paṭhamaāghātapaṭivinayasuttādivaṇṇanā
