| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2-7. д̣̇уд̇ияааахунзяяасуд̇д̇аад̣̇иван̣н̣анаа
2-7. Dutiyaāhuneyyasuttādivaṇṇanā
2-7. д̣̇уд̇ияз (висуд̣̇д̇хи. 2.380) анзгавихид̇анд̇и анзгавид̇хам̣ наанаббагаарам̣. ид̣̇д̇хивид̇ханд̇и ид̣̇д̇хигодтаасам̣. бажжанубход̇ийд̇и бажжанубхавад̇и, пусад̇и сажчигарод̇и баабун̣аад̇ийд̇и ад̇т̇о. ид̣̇аанисса анзгавихид̇абхаавам̣ д̣̇ассзнд̇о ‘‘згоби худ̇ваа’’д̇иаад̣̇имааха. д̇ад̇т̇а ‘‘згоби худ̇ваа’’д̇и иминаа гаран̣ад̇о буб̣б̣зва багад̇ияаа згоби худ̇ваа. б̣ахуд̇хаа ход̇ийд̇и б̣ахуунам̣ санд̇игз жан̇гамид̇угаамо ваа саж̇жхааяам̣ гаад̇угаамо ваа бан̃хам̣ бужчид̇угаамо ваа худ̇ваа сад̇амби сахассамби ход̇и. аавибхаавам̣ д̇иробхааванд̇и зд̇т̇а аавибхаавам̣ гарод̇и, д̇иробхаавам̣ гарод̇ийд̇и аяамад̇т̇о. ид̣̇амзва хи санд̇хааяа бадисамбхид̣̇ааяам̣ (бади. ма. 3.11) вуд̇д̇ам̣ – ‘‘аавибхааванд̇и гзнажи анаавудам̣ ход̇и аббадижчаннам̣ вивадам̣, д̇иробхааванд̇и гзнажи аавудам̣ ход̇и бадижчаннам̣ бихид̇ам̣ бадигуж̇ж̇ид̇а’’нд̇и. д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и сзяяат̇ааби аагаасзд̇и зд̇т̇а д̇ирогудданд̇и барагуддам̣, гуддасса барабхааг̇анд̇и вуд̇д̇ам̣ ход̇и. зса наяо ид̇арзсу. гуддод̇и жа г̇зхабхид̇д̇ияаа зд̇ам̣ ад̇хиважанам̣. баагаарод̇и г̇зхавихаараг̇аамаад̣̇ийнам̣ баригкзбабаагааро. баб̣б̣ад̇од̇и бам̣субаб̣б̣ад̇о ваа баасаан̣абаб̣б̣ад̇о ваа. асаж̇ж̇амаанод̇и алаг̇г̇амаано сзяяат̇ааби аагаасз вияа.
2-7. Dutiye (visuddhi. 2.380) anekavihitanti anekavidhaṃ nānappakāraṃ. Iddhividhanti iddhikoṭṭhāsaṃ. Paccanubhotīti paccanubhavati, phusati sacchikaroti pāpuṇātīti attho. Idānissa anekavihitabhāvaṃ dassento ‘‘ekopi hutvā’’tiādimāha. Tattha ‘‘ekopi hutvā’’ti iminā karaṇato pubbeva pakatiyā ekopi hutvā. Bahudhā hotīti bahūnaṃ santike caṅkamitukāmo vā sajjhāyaṃ kātukāmo vā pañhaṃ pucchitukāmo vā hutvā satampi sahassampi hoti. Āvibhāvaṃ tirobhāvanti ettha āvibhāvaṃ karoti, tirobhāvaṃ karotīti ayamattho. Idameva hi sandhāya paṭisambhidāyaṃ (paṭi. ma. 3.11) vuttaṃ – ‘‘āvibhāvanti kenaci anāvuṭaṃ hoti appaṭicchannaṃ vivaṭaṃ, tirobhāvanti kenaci āvuṭaṃ hoti paṭicchannaṃ pihitaṃ paṭikujjita’’nti. Tirokuṭṭaṃ tiropākāraṃ tiropabbataṃ asajjamāno gacchati seyyathāpi ākāseti ettha tirokuṭṭanti parakuṭṭaṃ, kuṭṭassa parabhāganti vuttaṃ hoti. Esa nayo itaresu. Kuṭṭoti ca gehabhittiyā etaṃ adhivacanaṃ. Pākāroti gehavihāragāmādīnaṃ parikkhepapākāro. Pabbatoti paṃsupabbato vā pāsāṇapabbato vā. Asajjamānoti alaggamāno seyyathāpi ākāse viya.
уммуж̇ж̇анимуж̇ж̇анд̇и зд̇т̇а уммуж̇ж̇анд̇и удтаанам̣ вужжад̇и. нимуж̇ж̇анд̇и сам̣сийд̣̇анам̣. уммуж̇ж̇ан̃жа нимуж̇ж̇ан̃жа уммуж̇ж̇анимуж̇ж̇ам̣. уд̣̇агзби абхиж̇ж̇амаанзд̇и зд̇т̇а яам̣ уд̣̇агам̣ аггамид̇ваа сам̣сийд̣̇ад̇и, д̇ам̣ бхиж̇ж̇амаананд̇и вужжад̇и, вибарийд̇ам̣ абхиж̇ж̇амаанам̣. баллан̇гзна г̇ажчад̇и. багкий сагун̣од̇и багкзхи яуд̇д̇асагун̣о. имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа бараамасад̇ийд̇и зд̇т̇а жанд̣̇имасуурияаанам̣ д̣̇ваажад̇д̇аалийсаяож̇анасахассасса убари жаран̣зна махид̣̇д̇хигад̇аа, д̇ийсу д̣̇ийбзсу згагкан̣з аалогагаран̣зна махаанубхаавад̇аа взд̣̇ид̇аб̣б̣аа. звам̣ убарижаран̣ааалогагаран̣зхи махид̣̇д̇хигз махаанубхаавз. бараамасад̇ийд̇и г̇ан̣хаад̇и, згад̣̇зсз ваа чубад̇и. баримаж̇ж̇ад̇ийд̇и саманд̇ад̇о аад̣̇аасад̇алаа вияа баримаж̇ж̇ад̇и. яаава б̣рахмалогаабийд̇и б̣рахмалогамби барижчзд̣̇ам̣ гад̇ваа. гааязна васам̣ вад̇д̇зд̇ийд̇и д̇ад̇ра б̣рахмалогз гааязна ад̇д̇ано васам̣ вад̇д̇зд̇и.
Ummujjanimujjanti ettha ummujjanti uṭṭhānaṃ vuccati. Nimujjanti saṃsīdanaṃ. Ummujjañca nimujjañca ummujjanimujjaṃ. Udakepi abhijjamāneti ettha yaṃ udakaṃ akkamitvā saṃsīdati, taṃ bhijjamānanti vuccati, viparītaṃ abhijjamānaṃ. Pallaṅkena gacchati. Pakkhīsakuṇoti pakkhehi yuttasakuṇo. Imepi candimasūriye evaṃmahiddhike evaṃmahānubhāve pāṇinā parāmasatīti ettha candimasūriyānaṃ dvācattālīsayojanasahassassa upari caraṇena mahiddhikatā, tīsu dīpesu ekakkhaṇe ālokakaraṇena mahānubhāvatā veditabbā. Evaṃ uparicaraṇaālokakaraṇehi mahiddhike mahānubhāve. Parāmasatīti gaṇhāti, ekadese vā chupati. Parimajjatīti samantato ādāsatalā viya parimajjati. Yāva brahmalokāpīti brahmalokampi paricchedaṃ katvā. Kāyena vasaṃ vattetīti tatra brahmaloke kāyena attano vasaṃ vatteti.
д̣̇иб̣б̣ааяа сод̇ад̇хаад̇уяаад̇и зд̇т̇а д̣̇иб̣б̣асад̣̇исад̇д̇аа д̣̇иб̣б̣аа. д̣̇звад̇аанан̃хи сужарид̇агамманиб̣б̣ад̇д̇аа бид̇д̇асзмхарухираад̣̇ийхи абалиб̣уд̣̇д̇хаа убаггилзсавимуд̇д̇ад̇ааяа д̣̇уурзби аарамман̣асамбадижчанасамад̇т̇аа д̣̇иб̣б̣аа басаад̣̇асод̇ад̇хаад̇у ход̇и. аяан̃жааби имасса бхигкуно вийрияабхааванааб̣алзна ниб̣б̣ад̇д̇аа н̃аан̣асод̇ад̇хаад̇у д̇аад̣̇исааязваад̇и д̣̇иб̣б̣асад̣̇исад̇д̇аа д̣̇иб̣б̣аа. абижа д̣̇иб̣б̣авихааравасзна бадилад̣̇д̇хад̇д̇аа ад̇д̇анаа жа д̣̇иб̣б̣авихаарасанниссид̇ад̇д̇ааби д̣̇иб̣б̣аа. саванадтзна ниж̇ж̇ийвадтзна жа сод̇ад̇хаад̇у. сод̇ад̇хаад̇угижжагаран̣зна сод̇ад̇хаад̇у вияаад̇иби сод̇ад̇хаад̇у. д̇ааяа сод̇ад̇хаад̇уяаа. висуд̣̇д̇хааяаад̇и суд̣̇д̇хааяа нирубаггилзсааяа. ад̇игганд̇амаанусигааяаад̇и мануссуубажаарам̣ ад̇иггамид̇ваа сад̣̇д̣̇асаванз маанусигам̣ мам̣сасод̇ад̇хаад̇ум̣ ад̇игганд̇ааяа вийд̇ивад̇д̇зд̇ваа тид̇ааяа. убхо сад̣̇д̣̇з сун̣аад̇ийд̇и д̣̇вз сад̣̇д̣̇з сун̣аад̇и. гад̇амз д̣̇вз? д̣̇иб̣б̣з жа маанусз жа, д̣̇зваанан̃жа мануссаанан̃жа сад̣̇д̣̇зд̇и вуд̇д̇ам̣ ход̇и. зд̇зна бад̣̇зсабарияаад̣̇аанам̣ взд̣̇ид̇аб̣б̣ам̣. яз д̣̇уурз санд̇игз жаад̇и яз сад̣̇д̣̇аа д̣̇уурз баражаггаваал̣зби, яз жа санд̇игз анд̇амасо сад̣̇зхасанниссид̇абаан̣агасад̣̇д̣̇ааби, д̇з сун̣аад̇ийд̇и вуд̇д̇ам̣ ход̇и. зд̇зна ниббад̣̇зсабарияаад̣̇аанам̣ взд̣̇ид̇аб̣б̣ам̣.
Dibbāya sotadhātuyāti ettha dibbasadisattā dibbā. Devatānañhi sucaritakammanibbattā pittasemharuhirādīhi apalibuddhā upakkilesavimuttatāya dūrepi ārammaṇasampaṭicchanasamatthā dibbā pasādasotadhātu hoti. Ayañcāpi imassa bhikkhuno vīriyabhāvanābalena nibbattā ñāṇasotadhātu tādisāyevāti dibbasadisattā dibbā. Apica dibbavihāravasena paṭiladdhattā attanā ca dibbavihārasannissitattāpi dibbā. Savanaṭṭhena nijjīvaṭṭhena ca sotadhātu. Sotadhātukiccakaraṇena sotadhātu viyātipi sotadhātu. Tāya sotadhātuyā. Visuddhāyāti suddhāya nirupakkilesāya. Atikkantamānusikāyāti manussūpacāraṃ atikkamitvā saddasavane mānusikaṃ maṃsasotadhātuṃ atikkantāya vītivattetvā ṭhitāya. Ubho sadde suṇātīti dve sadde suṇāti. Katame dve? Dibbe ca mānuse ca, devānañca manussānañca saddeti vuttaṃ hoti. Etena padesapariyādānaṃ veditabbaṃ. Ye dūre santike cāti ye saddā dūre paracakkavāḷepi, ye ca santike antamaso sadehasannissitapāṇakasaddāpi, te suṇātīti vuttaṃ hoti. Etena nippadesapariyādānaṃ veditabbaṃ.
барасад̇д̇аананд̇и ад̇д̇аанам̣ табзд̇ваа сзсасад̇д̇аанам̣. барабуг̇г̇алаананд̇и ид̣̇амби иминаа згад̇т̇амзва. взнзяяавасзна бана д̣̇зсанаавилаасзна жа б̣яан̃ж̇ананаанад̇д̇ам̣ гад̇ам̣. жзд̇асаа жзд̇од̇и ад̇д̇ано жид̇д̇зна д̇зсам̣ жид̇д̇ам̣. барижжаад̇и барижчинд̣̇ид̇ваа. баж̇аанаад̇ийд̇и сарааг̇аад̣̇ивасзна наанаббагаарад̇о ж̇аанаад̇и. сарааг̇ам̣ ваа жид̇д̇анд̇иаад̣̇ийсу бана адталобхасахаг̇ад̇ажид̇д̇ам̣ сарааг̇ам̣ жид̇д̇анд̇и взд̣̇ид̇аб̣б̣ам̣. авасзсам̣ жаад̇убхуумагам̣ гусалааб̣яаагад̇ажид̇д̇ам̣ вийд̇арааг̇ам̣. д̣̇вз д̣̇оманассажид̇д̇аани, д̣̇вз вижигижчуд̣̇д̇хажжажид̇д̇аанийд̇и имаани бана жад̇д̇аари жид̇д̇аани имасмим̣ д̣̇угз сан̇г̇ахам̣ на г̇ажчанд̇и. гзжи бана т̇зраа д̇ааниби сан̇г̇ан̣ханд̇и. д̣̇увид̇хам̣ бана д̣̇оманассажид̇д̇ам̣ сад̣̇осам̣ жид̇д̇ам̣ наама. саб̣б̣амби жаад̇убхуумагам̣ гусалааб̣яаагад̇ажид̇д̇ам̣ вийд̇ад̣̇осам̣. сзсаани д̣̇аса агусалажид̇д̇аани имасмим̣ д̣̇угз сан̇г̇ахам̣ на г̇ажчанд̇и. гзжи бана т̇зраа д̇ааниби сан̇г̇ан̣ханд̇и. самохам̣ вийд̇амоханд̇и зд̇т̇а бана баадибуг̇г̇алиганаязна вижигижчуд̣̇д̇хажжасахаг̇ад̇ад̣̇ваяамзва самохам̣. мохасса бана саб̣б̣аагусалзсу самбхавад̇о д̣̇ваад̣̇асавид̇хамби агусалажид̇д̇ам̣ самохам̣ жид̇д̇анд̇и взд̣̇ид̇аб̣б̣ам̣. авасзсам̣ вийд̇амохам̣. т̇инамид̣̇д̇хаануг̇ад̇ам̣ бана сам̣кид̇д̇ам̣, уд̣̇д̇хажжаануг̇ад̇ам̣ вигкид̇д̇ам̣. руубааважарааруубааважарам̣ махаг̇г̇ад̇ам̣, авасзсам̣ амахаг̇г̇ад̇ам̣. саб̣б̣амби д̇збхуумагам̣ сауд̇д̇арам̣, логуд̇д̇арам̣ ануд̇д̇арам̣. убажаараббад̇д̇ам̣ аббанааббад̇д̇ан̃жа самаахид̇ам̣, убхаяамаббад̇д̇ам̣ асамаахид̇ам̣. д̇ад̣̇ан̇г̇авигкамбханасамужчзд̣̇аббадиббассад̣̇д̇хиниссаран̣авимуд̇д̇им̣ бад̇д̇ам̣ бан̃жавид̇хамби зд̇ам̣ вимуд̇д̇ам̣, вимуд̇д̇имаббад̇д̇ам̣ ваа авимуд̇д̇анд̇и взд̣̇ид̇аб̣б̣ам̣.
Parasattānanti attānaṃ ṭhapetvā sesasattānaṃ. Parapuggalānanti idampi iminā ekatthameva. Veneyyavasena pana desanāvilāsena ca byañjananānattaṃ kataṃ. Cetasā cetoti attano cittena tesaṃ cittaṃ. Pariccāti paricchinditvā. Pajānātīti sarāgādivasena nānappakārato jānāti. Sarāgaṃ vā cittantiādīsu pana aṭṭhalobhasahagatacittaṃ sarāgaṃ cittanti veditabbaṃ. Avasesaṃ cātubhūmakaṃ kusalābyākatacittaṃ vītarāgaṃ. Dve domanassacittāni, dve vicikicchuddhaccacittānīti imāni pana cattāri cittāni imasmiṃ duke saṅgahaṃ na gacchanti. Keci pana therā tānipi saṅgaṇhanti. Duvidhaṃ pana domanassacittaṃ sadosaṃ cittaṃ nāma. Sabbampi cātubhūmakaṃ kusalābyākatacittaṃ vītadosaṃ. Sesāni dasa akusalacittāni imasmiṃ duke saṅgahaṃ na gacchanti. Keci pana therā tānipi saṅgaṇhanti. Samohaṃ vītamohanti ettha pana pāṭipuggalikanayena vicikicchuddhaccasahagatadvayameva samohaṃ. Mohassa pana sabbākusalesu sambhavato dvādasavidhampi akusalacittaṃ samohaṃ cittanti veditabbaṃ. Avasesaṃ vītamohaṃ. Thinamiddhānugataṃ pana saṃkhittaṃ, uddhaccānugataṃ vikkhittaṃ. Rūpāvacarārūpāvacaraṃ mahaggataṃ, avasesaṃ amahaggataṃ. Sabbampi tebhūmakaṃ sauttaraṃ, lokuttaraṃ anuttaraṃ. Upacārappattaṃ appanāppattañca samāhitaṃ, ubhayamappattaṃ asamāhitaṃ. Tadaṅgavikkhambhanasamucchedappaṭippassaddhinissaraṇavimuttiṃ pattaṃ pañcavidhampi etaṃ vimuttaṃ, vimuttimappattaṃ vā avimuttanti veditabbaṃ.
анзгавихид̇анд̇и (баараа. адта. 1.12) анзгавид̇хам̣, анзгзхи ваа багаарзхи бавад̇д̇ид̇ам̣ сам̣ван̣н̣ид̇анд̇и ад̇т̇о. буб̣б̣зниваасанд̇и самананд̇араад̇ийд̇абхавам̣ аад̣̇им̣ гад̇ваа д̇ад̇т̇а д̇ад̇т̇а нивуд̇т̇асанд̇аанам̣. ануссарад̇ийд̇и канд̇хабадибаадивасзна, жуд̇ибадисанд̇хивасзна ваа ануг̇анд̇ваа ануг̇анд̇ваа сарад̇и. сзяяат̇ид̣̇ам̣ – згамби ж̇аад̇им̣…бз… буб̣б̣зниваасам̣ ануссарад̇ийд̇и. д̇ад̇т̇а згамби ж̇аад̇инд̇и згамби бадисанд̇химуулам̣ жуд̇ибарияосаанам̣ згабхавабарияаабаннам̣ канд̇хасанд̇аанам̣. зса наяо д̣̇взби ж̇аад̇ияод̇иаад̣̇ийсуби. анзгзби сам̣ваддагаббзд̇иаад̣̇ийсу бана барихааяамаано габбо сам̣ваддагаббо, вад̣дхамаано виваддагаббод̇и взд̣̇ид̇аб̣б̣о. д̇ад̇т̇а сам̣ваддзна сам̣ваддадтааяий г̇ахид̇о ход̇и д̇ам̣муулагад̇д̇аа, виваддзна виваддадтааяий. зван̃хи сад̇и яаани д̇аани ‘‘жад̇д̇ааримаани, бхигкавз, габбасса асан̇кязяяаани. гад̇амаани жад̇д̇аари? сам̣ваддо сам̣ваддадтааяий виваддо виваддадтааяий’’д̇и (а. ни. 4.156) вуд̇д̇аани, д̇аани бариг̇г̇ахид̇аани хонд̇и.
Anekavihitanti (pārā. aṭṭha. 1.12) anekavidhaṃ, anekehi vā pakārehi pavattitaṃ saṃvaṇṇitanti attho. Pubbenivāsanti samanantarātītabhavaṃ ādiṃ katvā tattha tattha nivutthasantānaṃ. Anussaratīti khandhapaṭipāṭivasena, cutipaṭisandhivasena vā anugantvā anugantvā sarati. Seyyathidaṃ – ekampi jātiṃ…pe… pubbenivāsaṃ anussaratīti. Tattha ekampi jātinti ekampi paṭisandhimūlaṃ cutipariyosānaṃ ekabhavapariyāpannaṃ khandhasantānaṃ. Esa nayo dvepi jātiyotiādīsupi. Anekepi saṃvaṭṭakappetiādīsu pana parihāyamāno kappo saṃvaṭṭakappo, vaḍḍhamāno vivaṭṭakappoti veditabbo. Tattha saṃvaṭṭena saṃvaṭṭaṭṭhāyī gahito hoti taṃmūlakattā, vivaṭṭena vivaṭṭaṭṭhāyī. Evañhi sati yāni tāni ‘‘cattārimāni, bhikkhave, kappassa asaṅkhyeyyāni. Katamāni cattāri? Saṃvaṭṭo saṃvaṭṭaṭṭhāyī vivaṭṭo vivaṭṭaṭṭhāyī’’ti (a. ni. 4.156) vuttāni, tāni pariggahitāni honti.
амуд̇раасинд̇и амумхи сам̣ваддагаббз ахам̣ амумхи бхавз ваа яонияаа ваа г̇ахияаа ваа вин̃н̃аан̣адтид̇ияаа ваа сад̇д̇ааваасз ваа сад̇д̇анигааяз ваа аасим̣. звам̣наамод̇и д̇иссо ваа пуссо ваа. звам̣г̇од̇д̇од̇и г̇од̇амо ваа гажжааяано ваа гассабо ваа. ид̣̇амасса ад̇ийд̇абхавз ад̇д̇ано наамаг̇од̇д̇аануссаран̣авасзна вуд̇д̇ам̣. сажз бана д̇асмим̣ гаалз ад̇д̇ано ван̣н̣асамбад̇д̇илуукабан̣ийд̇аж̇ийвигабхаавам̣ сукад̣̇угкаб̣ахулад̇ам̣ аббааяугад̣̇ийгхааяугабхаавам̣ ваа ануссарид̇угаамо ход̇и, д̇амби ануссарад̇иязва. д̇знааха ‘‘звам̣ван̣н̣о…бз… звамааяубарияанд̇о’’д̇и. д̇ад̇т̇а звам̣ван̣н̣од̇и од̣̇аад̇о ваа саамо ваа. звамаахаарод̇и саалимам̣сод̣̇анаахааро ваа бавад̇д̇апалабхож̇ано ваа. звам̣сукад̣̇угкаббадисам̣взд̣̇ийд̇и анзна багаарзна гааяигажзд̇асигаанам̣ саамисанираамисаад̣̇иббабхзд̣̇аанам̣ сукад̣̇угкаанам̣ бадисам̣взд̣̇ий. звамааяубарияанд̇од̇и звам̣ вассасад̇абаримаан̣ааяубарияанд̇о ваа жад̇ураасийд̇игаббасахассааяубарияанд̇о ваа. со д̇ад̇о жуд̇о амуд̇ра уд̣̇абаад̣̇инд̇и со ахам̣ д̇ад̇о бхавад̇о яонид̇о г̇ахид̇о вин̃н̃аан̣адтид̇ид̇о сад̇д̇ааваасад̇о сад̇д̇анигааяад̇о ваа жуд̇о бунаамугасмим̣ наама бхавз яонияаа г̇ад̇ияаа вин̃н̃аан̣адтид̇ияаа сад̇д̇ааваасз сагганигааяз ваа уд̣̇абаад̣̇им̣. д̇ад̇раабаасинд̇и д̇ад̇рааби бхавз яонияаа г̇ад̇ияаа вин̃н̃аан̣адтид̇ияаа сад̇д̇ааваасз сад̇д̇анигааяз ваа буна ахосим̣. звам̣наамод̇иаад̣̇и вуд̇д̇анаяамзва.
Amutrāsinti amumhi saṃvaṭṭakappe ahaṃ amumhi bhave vā yoniyā vā gahiyā vā viññāṇaṭṭhitiyā vā sattāvāse vā sattanikāye vā āsiṃ. Evaṃnāmoti tisso vā phusso vā. Evaṃgottoti gotamo vā kaccāyano vā kassapo vā. Idamassa atītabhave attano nāmagottānussaraṇavasena vuttaṃ. Sace pana tasmiṃ kāle attano vaṇṇasampattilūkhapaṇītajīvikabhāvaṃ sukhadukkhabahulataṃ appāyukadīghāyukabhāvaṃ vā anussaritukāmo hoti, tampi anussaratiyeva. Tenāha ‘‘evaṃvaṇṇo…pe… evamāyupariyanto’’ti. Tattha evaṃvaṇṇoti odāto vā sāmo vā. Evamāhāroti sālimaṃsodanāhāro vā pavattaphalabhojano vā. Evaṃsukhadukkhappaṭisaṃvedīti anena pakārena kāyikacetasikānaṃ sāmisanirāmisādippabhedānaṃ sukhadukkhānaṃ paṭisaṃvedī. Evamāyupariyantoti evaṃ vassasataparimāṇāyupariyanto vā caturāsītikappasahassāyupariyanto vā. So tato cuto amutra udapādinti so ahaṃ tato bhavato yonito gahito viññāṇaṭṭhitito sattāvāsato sattanikāyato vā cuto punaamukasmiṃ nāma bhave yoniyā gatiyā viññāṇaṭṭhitiyā sattāvāse sakkanikāye vā udapādiṃ. Tatrāpāsinti tatrāpi bhave yoniyā gatiyā viññāṇaṭṭhitiyā sattāvāse sattanikāye vā puna ahosiṃ. Evaṃnāmotiādi vuttanayameva.
абижа амуд̇раасинд̇и ид̣̇ам̣ анубуб̣б̣зна аароханд̇асса яаавад̣̇ижчагам̣ ануссаран̣ам̣. со д̇ад̇од̇и бадинивад̇д̇анд̇асса бажжавзгкан̣ам̣, д̇асмаа ‘‘ид̇хуубабанно’’д̇и имиссаа ид̇хуубабад̇д̇ияаа ананд̇арамзва уббад̇д̇идтаанам̣ санд̇хааяа ‘‘амуд̇ра уд̣̇абаад̣̇и’’нд̇и ид̣̇ам̣ вуд̇д̇анд̇и взд̣̇ид̇аб̣б̣ам̣. д̇ад̇раабаасинд̇и звамаад̣̇и банасса д̇ад̇рааби имиссаа убабад̇д̇ияаа анд̇арз убабад̇д̇идтаанз наамаг̇од̇д̇аад̣̇ийнам̣ ануссаран̣ад̣̇ассанад̇т̇ам̣ вуд̇д̇ам̣. со д̇ад̇о жуд̇о ид̇хуубабаннод̇и сваахам̣ д̇ад̇о ананд̇аруббад̇д̇идтаанад̇о жуд̇о ид̇ха амугасмим̣ наама кад̇д̇ияагулз ваа б̣раахман̣агулз ваа ниб̣б̣ад̇д̇од̇и. ид̇ийд̇и звам̣. саагаарам̣ сауд̣̇д̣̇зсанд̇и наамаг̇од̇д̇авасзна сауд̣̇д̣̇зсам̣, ван̣н̣аад̣̇ивасзна саагаарам̣. наамаг̇од̇д̇зна хи сад̇д̇о ‘‘д̇иссо гассабо’’д̇и уд̣̇д̣̇исийяад̇и, ван̣н̣аад̣̇ийхи ‘‘саамо од̣̇аад̇о’’д̇и наанад̇д̇ад̇о бан̃н̃ааяад̇и, д̇асмаа наамаг̇од̇д̇ам̣ уд̣̇д̣̇зсо, ид̇арз аагаараа.
Apica amutrāsinti idaṃ anupubbena ārohantassa yāvadicchakaṃ anussaraṇaṃ. So tatoti paṭinivattantassa paccavekkhaṇaṃ, tasmā ‘‘idhūpapanno’’ti imissā idhūpapattiyā anantarameva uppattiṭṭhānaṃ sandhāya ‘‘amutra udapādi’’nti idaṃ vuttanti veditabbaṃ. Tatrāpāsinti evamādi panassa tatrāpi imissā upapattiyā antare upapattiṭṭhāne nāmagottādīnaṃ anussaraṇadassanatthaṃ vuttaṃ. So tato cuto idhūpapannoti svāhaṃ tato anantaruppattiṭṭhānato cuto idha amukasmiṃ nāma khattiyakule vā brāhmaṇakule vā nibbattoti. Itīti evaṃ. Sākāraṃ sauddesanti nāmagottavasena sauddesaṃ, vaṇṇādivasena sākāraṃ. Nāmagottena hi satto ‘‘tisso kassapo’’ti uddisīyati, vaṇṇādīhi ‘‘sāmo odāto’’ti nānattato paññāyati, tasmā nāmagottaṃ uddeso, itare ākārā.
д̣̇иб̣б̣знаад̇иаад̣̇ийсу д̣̇иб̣б̣асад̣̇исад̇д̇аа д̣̇иб̣б̣ам̣. д̣̇звад̇аанан̃хи сужарид̇агамманиб̣б̣ад̇д̇ам̣ бид̇д̇асзмхарухираад̣̇ийхи абалиб̣уд̣̇д̇хам̣ убаггилзсавимуд̇д̇ад̇ааяа д̣̇уурзби аарамман̣асамбадижчанасамад̇т̇ам̣ д̣̇иб̣б̣ам̣ басаад̣̇ажагку ход̇и. ид̣̇ан̃жааби вийрияабхааванааб̣алзна ниб̣б̣ад̇д̇ам̣ н̃аан̣ажагку д̇аад̣̇исамзваад̇и д̣̇иб̣б̣асад̣̇исад̇д̇аа д̣̇иб̣б̣ам̣. д̣̇иб̣б̣авихааравасзна бадилад̣̇д̇хад̇д̇аа ад̇д̇ано жа д̣̇иб̣б̣авихаарасанниссид̇ад̇д̇ааби д̣̇иб̣б̣ам̣. аалогабариг̇г̇ахзна махааж̇уд̇игад̇д̇ааби д̣̇иб̣б̣ам̣. д̇ирогуддаад̣̇иг̇ад̇аруубад̣̇ассанзна махааг̇ад̇игад̇д̇ааби д̣̇иб̣б̣ам̣. д̇ам̣ саб̣б̣ам̣ сад̣̇д̣̇асад̇т̇аанусаарзна взд̣̇ид̇аб̣б̣ам̣. д̣̇ассанадтзна жагку. жагкугижжагаран̣зна жагкумиваад̇иби жагку. жуд̇уубабаад̇ад̣̇ассанзна д̣̇идтивисуд̣̇д̇хихзд̇уд̇д̇аа висуд̣̇д̇хам̣. яо хи жуд̇имзва бассад̇и, на убабаад̇ам̣, со ужчзд̣̇ад̣̇идтим̣ г̇ан̣хаад̇и. яо убабаад̇амзва бассад̇и, на жуд̇им̣, со навасад̇д̇абаад̇убхаавад̣̇идтим̣ г̇ан̣хаад̇и. яо бана д̇ад̣̇убхаяам̣ бассад̇и, со яасмаа д̣̇увид̇хамби д̇ам̣ д̣̇идтиг̇ад̇ам̣ ад̇ивад̇д̇ад̇и, д̇асмаа д̇ам̣ д̣̇ассанам̣ д̣̇идтивисуд̣̇д̇хихзд̇у ход̇и. убхаяамби жзд̇ам̣ б̣уд̣̇д̇хабуд̇д̇аа бассанд̇и. д̇зна вуд̇д̇ам̣ ‘‘жуд̇уубабаад̇ад̣̇ассанзна д̣̇идтивисуд̣̇д̇хихзд̇уд̇д̇аа висуд̣̇д̇ха’’нд̇и. мануссуубажаарам̣ ад̇иггамид̇ваа руубад̣̇ассанзна ад̇игганд̇амаанусагам̣, маанусам̣ ваа мам̣сажагкум̣ ад̇игганд̇ад̇д̇аа ад̇игганд̇амаанусаганд̇и взд̣̇ид̇аб̣б̣ам̣. д̇зна д̣̇иб̣б̣зна жагкунаа висуд̣̇д̇хзна ад̇игганд̇амаанусагзна.
Dibbenātiādīsu dibbasadisattā dibbaṃ. Devatānañhi sucaritakammanibbattaṃ pittasemharuhirādīhi apalibuddhaṃ upakkilesavimuttatāya dūrepi ārammaṇasampaṭicchanasamatthaṃ dibbaṃ pasādacakkhu hoti. Idañcāpi vīriyabhāvanābalena nibbattaṃ ñāṇacakkhu tādisamevāti dibbasadisattā dibbaṃ. Dibbavihāravasena paṭiladdhattā attano ca dibbavihārasannissitattāpi dibbaṃ. Ālokapariggahena mahājutikattāpi dibbaṃ. Tirokuṭṭādigatarūpadassanena mahāgatikattāpi dibbaṃ. Taṃ sabbaṃ saddasatthānusārena veditabbaṃ. Dassanaṭṭhena cakkhu. Cakkhukiccakaraṇena cakkhumivātipi cakkhu. Cutūpapātadassanena diṭṭhivisuddhihetuttā visuddhaṃ. Yo hi cutimeva passati, na upapātaṃ, so ucchedadiṭṭhiṃ gaṇhāti. Yo upapātameva passati, na cutiṃ, so navasattapātubhāvadiṭṭhiṃ gaṇhāti. Yo pana tadubhayaṃ passati, so yasmā duvidhampi taṃ diṭṭhigataṃ ativattati, tasmā taṃ dassanaṃ diṭṭhivisuddhihetu hoti. Ubhayampi cetaṃ buddhaputtā passanti. Tena vuttaṃ ‘‘cutūpapātadassanena diṭṭhivisuddhihetuttā visuddha’’nti. Manussūpacāraṃ atikkamitvā rūpadassanena atikkantamānusakaṃ, mānusaṃ vā maṃsacakkhuṃ atikkantattā atikkantamānusakanti veditabbaṃ. Tena dibbena cakkhunā visuddhena atikkantamānusakena.
сад̇д̇з бассад̇ийд̇и мануссаанам̣ мам̣сажагкунаа вияа сад̇д̇з ологзд̇и. жавамаанз убабаж̇ж̇амаанзд̇и зд̇т̇а жуд̇игкан̣з ваа убабад̇д̇игкан̣з ваа д̣̇иб̣б̣ажагкунаа д̣̇адтум̣ на саггаа. яз бана аасаннажуд̇игаа ид̣̇аани жависсанд̇и, д̇з жавамаанаад̇и, яз жа г̇ахид̇аббадисанд̇хигаа самбад̇иниб̣б̣ад̇д̇аа жа, д̇з убабаж̇ж̇амаанаад̇и ад̇хиббзд̇аа. д̇з зваруубз жавамаанз убабаж̇ж̇амаанз жа бассад̇ийд̇и д̣̇ассзд̇и. хийнзд̇и моханиссанд̣̇аяуд̇д̇ад̇д̇аа хийнаанам̣ ж̇аад̇игулабхог̇аад̣̇ийнам̣ васзна хийл̣ид̇з ун̃н̃аад̇з. бан̣ийд̇зд̇и амоханиссанд̣̇аяуд̇д̇ад̇д̇аа д̇аб̣б̣ибарийд̇з. суван̣н̣зд̇и ад̣̇осаниссанд̣̇аяуд̇д̇ад̇д̇аа идтаганд̇аманаабаван̣н̣аяуд̇д̇з. д̣̇уб̣б̣ан̣н̣зд̇и д̣̇осаниссанд̣̇аяуд̇д̇ад̇д̇аа анидтааганд̇ааманаабаван̣н̣аяуд̇д̇з, вируубавируубзд̇иби ад̇т̇о. суг̇ад̇зд̇и суг̇ад̇иг̇ад̇з, алобханиссанд̣̇аяуд̇д̇ад̇д̇аа ваа ад̣дхз махад̣̇д̇ханз. д̣̇уг̇г̇ад̇зд̇и д̣̇уг̇г̇ад̇иг̇ад̇з, лобханиссанд̣̇аяуд̇д̇ад̇д̇аа ваа д̣̇алид̣̇д̣̇з аббаннабаанз.
Satte passatīti manussānaṃ maṃsacakkhunā viya satte oloketi. Cavamāne upapajjamāneti ettha cutikkhaṇe vā upapattikkhaṇe vā dibbacakkhunā daṭṭhuṃ na sakkā. Ye pana āsannacutikā idāni cavissanti, te cavamānāti, ye ca gahitappaṭisandhikā sampatinibbattā ca, te upapajjamānāti adhippetā. Te evarūpe cavamāne upapajjamāne ca passatīti dasseti. Hīneti mohanissandayuttattā hīnānaṃ jātikulabhogādīnaṃ vasena hīḷite uññāte. Paṇīteti amohanissandayuttattā tabbiparīte. Suvaṇṇeti adosanissandayuttattā iṭṭhakantamanāpavaṇṇayutte. Dubbaṇṇeti dosanissandayuttattā aniṭṭhākantāmanāpavaṇṇayutte, virūpavirūpetipi attho. Sugateti sugatigate, alobhanissandayuttattā vā aḍḍhe mahaddhane. Duggateti duggatigate, lobhanissandayuttattā vā dalidde appannapāne.
яат̇аагаммуубаг̇зд̇и яам̣ яам̣ гаммам̣ убажид̇ам̣, д̇зна д̇зна убаг̇ад̇з. гааяад̣̇ужжарид̇знаад̇иаад̣̇ийсу д̣̇удту жарид̇ам̣ гилзсабууд̇игад̇д̇аад̇и д̣̇ужжарид̇ам̣. гааязна д̣̇ужжарид̇ам̣, гааяад̇о ваа уббаннам̣ д̣̇ужжарид̇анд̇и гааяад̣̇ужжарид̇ам̣. ид̇арзсуби зсзва наяо. саманнааг̇ад̇аад̇и саман̇г̇ибхууд̇аа. арияаанам̣ убаваад̣̇агаад̇и б̣уд̣̇д̇хабажжзгаб̣уд̣̇д̇хасаавагаанам̣ арияаанам̣ анд̇амасо г̇ихисод̇аабаннаанамби анад̇т̇агаамаа худ̇ваа анд̇имавад̇т̇унаа ваа г̇ун̣абарид̇хам̣санзна ваа убаваад̣̇агаа, аггосагаа г̇арахагаад̇и вуд̇д̇ам̣ ход̇и. мижчаад̣̇идтигаад̇и вибарийд̇ад̣̇ассанаа . мижчаад̣̇идтигаммасамаад̣̇аанаад̇и мижчаад̣̇идтивасзна самаад̣̇иннанаанаавид̇хагаммаа, язби мижчаад̣̇идтимуулагзсу гааяагаммаад̣̇ийсу ан̃н̃зби самаад̣̇аабзнд̇и.
Yathākammūpageti yaṃ yaṃ kammaṃ upacitaṃ, tena tena upagate. Kāyaduccaritenātiādīsu duṭṭhu caritaṃ kilesapūtikattāti duccaritaṃ. Kāyena duccaritaṃ, kāyato vā uppannaṃ duccaritanti kāyaduccaritaṃ. Itaresupi eseva nayo. Samannāgatāti samaṅgibhūtā. Ariyānaṃ upavādakāti buddhapaccekabuddhasāvakānaṃ ariyānaṃ antamaso gihisotāpannānampi anatthakāmā hutvā antimavatthunā vā guṇaparidhaṃsanena vā upavādakā, akkosakā garahakāti vuttaṃ hoti. Micchādiṭṭhikāti viparītadassanā . Micchādiṭṭhikammasamādānāti micchādiṭṭhivasena samādinnanānāvidhakammā, yepi micchādiṭṭhimūlakesu kāyakammādīsu aññepi samādāpenti.
гааяасса бхзд̣̇аад̇и убаад̣̇иннагканд̇хабарижжааг̇аа. барам̣ маран̣аад̇и д̇ад̣̇ананд̇арам̣ абхиниб̣б̣ад̇д̇агканд̇хаг̇г̇ахан̣аа. ат̇а ваа гааяасса бхзд̣̇аад̇и ж̇ийвид̇инд̣̇рияассуубажчзд̣̇аа. барам̣ маран̣аад̇и жуд̇ижид̇д̇ад̇о уд̣̇д̇хам̣. абааяанд̇и звамаад̣̇и саб̣б̣ам̣ нираяавзважанамзва. нираяо хи саг̇г̇амогкахзд̇убхууд̇аа бун̃н̃асаммад̇аа аяаа абзд̇ад̇д̇аа, сукаанам̣ ваа ааяасса абхааваа абааяо. д̣̇угкасса г̇ад̇и бадисаран̣анд̇и д̣̇уг̇г̇ад̇и, д̣̇осаб̣ахулад̇ааяа ваа д̣̇удтзна гаммзна ниб̣б̣ад̇д̇аа г̇ад̇ийд̇и д̣̇уг̇г̇ад̇и. вивасаа нибад̇анд̇и д̇ад̇т̇а д̣̇уггаддагааринод̇и винибаад̇о, винассанд̇аа ваа зд̇т̇а бад̇анд̇и самбхиж̇ж̇амаанан̇г̇абажжан̇г̇аад̇и винибаад̇о. над̇т̇и зд̇т̇а ассаад̣̇асан̃н̃ид̇о аяод̇и нираяо.
Kāyassa bhedāti upādinnakkhandhapariccāgā. Paraṃ maraṇāti tadanantaraṃ abhinibbattakkhandhaggahaṇā. Atha vā kāyassa bhedāti jīvitindriyassūpacchedā. Paraṃ maraṇāti cuticittato uddhaṃ. Apāyanti evamādi sabbaṃ nirayavevacanameva. Nirayo hi saggamokkhahetubhūtā puññasammatā ayā apetattā, sukhānaṃ vā āyassa abhāvā apāyo. Dukkhassa gati paṭisaraṇanti duggati, dosabahulatāya vā duṭṭhena kammena nibbattā gatīti duggati. Vivasā nipatanti tattha dukkaṭṭakārinoti vinipāto, vinassantā vā ettha patanti sambhijjamānaṅgapaccaṅgāti vinipāto. Natthi ettha assādasaññito ayoti nirayo.
ат̇а ваа абааяаг̇г̇ахан̣зна д̇иражчаанаяоним̣ д̣̇ийбзд̇и. д̇иражчаанаяони хи абааяо суг̇ад̇ид̇о абзд̇ад̇д̇аа , на д̣̇уг̇г̇ад̇и махзсагкаанам̣ нааг̇арааж̇аад̣̇ийнам̣ самбхавад̇о. д̣̇уг̇г̇ад̇иг̇г̇ахан̣зна бзд̇д̇ивисаяан̃жа. со хи абааяо жзва д̣̇уг̇г̇ад̇и жа суг̇ад̇ид̇о абзд̇ад̇д̇аа д̣̇угкасса жа г̇ад̇ибхууд̇ад̇д̇аа, на д̇у винибаад̇о асурасад̣̇исам̣ авинибад̇ид̇ад̇д̇аа. винибаад̇аг̇г̇ахан̣зна асурагааяам̣. со хи яат̇аавуд̇д̇зна ад̇т̇зна абааяо жзва д̣̇уг̇г̇ад̇и жа саб̣б̣асамуссаязхи винибад̇ид̇ад̇д̇аа винибаад̇од̇и вужжад̇и. нираяаг̇г̇ахан̣зна авийжиаад̣̇игаманзгаббагаарам̣ нираяамзваад̇и. убабаннаад̇и убаг̇ад̇аа, д̇ад̇т̇а абхиниб̣б̣ад̇д̇аад̇и ад̇хиббааяо. вуд̇д̇авибарияааязна суггабагко взд̣̇ид̇аб̣б̣о. аяам̣ бана висзсо – д̇ад̇т̇а суг̇ад̇иг̇г̇ахан̣зна мануссааг̇ад̇иби сан̇г̇аяхад̇и, саг̇г̇аг̇г̇ахан̣зна д̣̇зваг̇ад̇иязва. д̇ад̇т̇а сунд̣̇араа г̇ад̇ийд̇и суг̇ад̇и. руубаад̣̇ийхи висаязхи судту аг̇г̇од̇и саг̇г̇о. со саб̣б̣оби луж̇ж̇анаббалуж̇ж̇анадтзна логод̇и аяамзд̇т̇а сан̇кзбо. вид̇т̇ааро бана саб̣б̣аагаарзна висуд̣̇д̇химаг̇г̇асам̣ван̣н̣анаад̇о г̇ахзд̇аб̣б̣о. д̇ад̇ияаад̣̇ийни уд̇д̇аанад̇т̇аани.
Atha vā apāyaggahaṇena tiracchānayoniṃ dīpeti. Tiracchānayoni hi apāyo sugatito apetattā , na duggati mahesakkhānaṃ nāgarājādīnaṃ sambhavato. Duggatiggahaṇena pettivisayañca. So hi apāyo ceva duggati ca sugatito apetattā dukkhassa ca gatibhūtattā, na tu vinipāto asurasadisaṃ avinipatitattā. Vinipātaggahaṇena asurakāyaṃ. So hi yathāvuttena atthena apāyo ceva duggati ca sabbasamussayehi vinipatitattā vinipātoti vuccati. Nirayaggahaṇena avīciādikamanekappakāraṃ nirayamevāti. Upapannāti upagatā, tattha abhinibbattāti adhippāyo. Vuttavipariyāyena sukkapakkho veditabbo. Ayaṃ pana viseso – tattha sugatiggahaṇena manussāgatipi saṅgayhati, saggaggahaṇena devagatiyeva. Tattha sundarā gatīti sugati. Rūpādīhi visayehi suṭṭhu aggoti saggo. So sabbopi lujjanappalujjanaṭṭhena lokoti ayamettha saṅkhepo. Vitthāro pana sabbākārena visuddhimaggasaṃvaṇṇanāto gahetabbo. Tatiyādīni uttānatthāni.
д̣̇уд̇ияааахунзяяасуд̇д̇аад̣̇иван̣н̣анаа нидтид̇аа.
Dutiyaāhuneyyasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
2. д̣̇уд̇ияааахунзяяасуд̇д̇ам̣ • 2. Dutiyaāhuneyyasuttaṃ
3. инд̣̇рияасуд̇д̇ам̣ • 3. Indriyasuttaṃ
4. б̣аласуд̇д̇ам̣ • 4. Balasuttaṃ
5. батамаааж̇аанийяасуд̇д̇ам̣ • 5. Paṭhamaājānīyasuttaṃ
6. д̣̇уд̇ияаааж̇аанийяасуд̇д̇ам̣ • 6. Dutiyaājānīyasuttaṃ
7. д̇ад̇ияаааж̇аанийяасуд̇д̇ам̣ • 7. Tatiyaājānīyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
2. д̣̇уд̇ияааахунзяяасуд̇д̇аван̣н̣анаа • 2. Dutiyaāhuneyyasuttavaṇṇanā
5-7. ааж̇аанийяасуд̇д̇ад̇д̇аяаван̣н̣анаа • 5-7. Ājānīyasuttattayavaṇṇanā
