| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. д̣̇уд̇ияааахунзяяасуд̇д̇ам̣
8. Dutiyaāhuneyyasuttaṃ
58. ‘‘адтахи, бхигкавз, д̇хаммзхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логасса. гад̇амзхи адтахи? ид̇ха, бхигкавз, бхигку сийлаваа ход̇и …бз… самаад̣̇ааяа сигкад̇и сигкаабад̣̇зсу; б̣ахуссуд̇о ход̇и…бз… д̣̇идтияаа суббадивид̣̇д̇хаа; аарад̣̇д̇хавийрияо вихарад̇и т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу; ааран̃н̃иго ход̇и банд̇асзнаасано; арад̇ирад̇исахо ход̇и, уббаннам̣ арад̇им̣ абхибхуяяа абхибхуяяа вихарад̇и; бхаяабхзравасахо ход̇и, уббаннам̣ бхаяабхзравам̣ абхибхуяяа абхибхуяяа вихарад̇и ; жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий; аасаваанам̣ каяаа…бз… сажчигад̇ваа убасамбаж̇ж̇а вихарад̇и. имзхи ко, бхигкавз, адтахи д̇хаммзхи саманнааг̇ад̇о бхигку аахунзяяо…бз… ануд̇д̇арам̣ бун̃н̃агкзд̇д̇ам̣ логассаа’’д̇и. адтамам̣.
58. ‘‘Aṭṭhahi, bhikkhave, dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassa. Katamehi aṭṭhahi? Idha, bhikkhave, bhikkhu sīlavā hoti …pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; āraddhavīriyo viharati thāmavā daḷhaparakkamo anikkhittadhuro kusalesu dhammesu; āraññiko hoti pantasenāsano; aratiratisaho hoti, uppannaṃ aratiṃ abhibhuyya abhibhuyya viharati; bhayabheravasaho hoti, uppannaṃ bhayabheravaṃ abhibhuyya abhibhuyya viharati ; catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī; āsavānaṃ khayā…pe… sacchikatvā upasampajja viharati. Imehi kho, bhikkhave, aṭṭhahi dhammehi samannāgato bhikkhu āhuneyyo…pe… anuttaraṃ puññakkhettaṃ lokassā’’ti. Aṭṭhamaṃ.
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-8. бхаяасуд̇д̇аад̣̇иван̣н̣анаа • 6-8. Bhayasuttādivaṇṇanā
