| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਦੁਤਿਯਅਨਾਗਤਭਯਸੁਤ੍ਤਂ
8. Dutiyaanāgatabhayasuttaṃ
੭੮. ‘‘ਪਞ੍ਚਿਮਾਨਿ , ਭਿਕ੍ਖવੇ, ਅਨਾਗਤਭਯਾਨਿ ਸਮ੍ਪਸ੍ਸਮਾਨੇਨ ਅਲਮੇવ ਭਿਕ੍ਖੁਨਾ ਅਪ੍ਪਮਤ੍ਤੇਨ ਆਤਾਪਿਨਾ ਪਹਿਤਤ੍ਤੇਨ વਿਹਰਿਤੁਂ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ। ਕਤਮਾਨਿ ਪਞ੍ਚ? ਇਧ, ਭਿਕ੍ਖવੇ, ਭਿਕ੍ਖੁ ਇਤਿ ਪਟਿਸਞ੍ਚਿਕ੍ਖਤਿ – ‘ਅਹਂ ਖੋ ਏਤਰਹਿ ਦਹਰੋ ਯੁવਾ ਸੁਸੁਕਾਲ਼ਕੇਸੋ ਭਦ੍ਰੇਨ ਯੋਬ੍ਬਨੇਨ ਸਮਨ੍ਨਾਗਤੋ ਪਠਮੇਨ વਯਸਾ । ਹੋਤਿ ਖੋ ਪਨ ਸੋ ਸਮਯੋ ਯਂ ਇਮਂ ਕਾਯਂ ਜਰਾ ਫੁਸਤਿ। ਜਿਣ੍ਣੇਨ ਖੋ ਪਨ ਜਰਾਯ ਅਭਿਭੂਤੇਨ ਨ ਸੁਕਰਂ ਬੁਦ੍ਧਾਨਂ ਸਾਸਨਂ ਮਨਸਿ ਕਾਤੁਂ, ਨ ਸੁਕਰਾਨਿ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਿਤੁਂ। ਪੁਰਾ ਮਂ ਸੋ ਧਮ੍ਮੋ ਆਗਚ੍ਛਤਿ ਅਨਿਟ੍ਠੋ ਅਕਨ੍ਤੋ ਅਮਨਾਪੋ; ਹਨ੍ਦਾਹਂ ਪਟਿਕਚ੍ਚੇવ 1 વੀਰਿਯਂ ਆਰਭਾਮਿ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ, ਯੇਨਾਹਂ ਧਮ੍ਮੇਨ ਸਮਨ੍ਨਾਗਤੋ ਜਿਣ੍ਣਕੋਪਿ ਫਾਸੁਂ 2 વਿਹਰਿਸ੍ਸਾਮੀ’ਤਿ। ਇਦਂ, ਭਿਕ੍ਖવੇ, ਪਠਮਂ ਅਨਾਗਤਭਯਂ ਸਮ੍ਪਸ੍ਸਮਾਨੇਨ ਅਲਮੇવ ਭਿਕ੍ਖੁਨਾ ਅਪ੍ਪਮਤ੍ਤੇਨ ਆਤਾਪਿਨਾ ਪਹਿਤਤ੍ਤੇਨ વਿਹਰਿਤੁਂ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ।
78. ‘‘Pañcimāni , bhikkhave, anāgatabhayāni sampassamānena alameva bhikkhunā appamattena ātāpinā pahitattena viharituṃ appattassa pattiyā anadhigatassa adhigamāya asacchikatassa sacchikiriyāya. Katamāni pañca? Idha, bhikkhave, bhikkhu iti paṭisañcikkhati – ‘ahaṃ kho etarahi daharo yuvā susukāḷakeso bhadrena yobbanena samannāgato paṭhamena vayasā . Hoti kho pana so samayo yaṃ imaṃ kāyaṃ jarā phusati. Jiṇṇena kho pana jarāya abhibhūtena na sukaraṃ buddhānaṃ sāsanaṃ manasi kātuṃ, na sukarāni araññavanapatthāni pantāni senāsanāni paṭisevituṃ. Purā maṃ so dhammo āgacchati aniṭṭho akanto amanāpo; handāhaṃ paṭikacceva 3 vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṃ dhammena samannāgato jiṇṇakopi phāsuṃ 4 viharissāmī’ti. Idaṃ, bhikkhave, paṭhamaṃ anāgatabhayaṃ sampassamānena alameva bhikkhunā appamattena ātāpinā pahitattena viharituṃ appattassa pattiyā anadhigatassa adhigamāya asacchikatassa sacchikiriyāya.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਇਤਿ ਪਟਿਸਞ੍ਚਿਕ੍ਖਤਿ – ‘ਅਹਂ ਖੋ ਏਤਰਹਿ ਅਪ੍ਪਾਬਾਧੋ ਅਪ੍ਪਾਤਙ੍ਕੋ ਸਮવੇਪਾਕਿਨਿਯਾ ਗਹਣਿਯਾ ਸਮਨ੍ਨਾਗਤੋ ਨਾਤਿਸੀਤਾਯ ਨਾਚ੍ਚੁਣ੍ਹਾਯ ਮਜ੍ਝਿਮਾਯ ਪਧਾਨਕ੍ਖਮਾਯ। ਹੋਤਿ ਖੋ ਪਨ ਸੋ ਸਮਯੋ ਯਂ ਇਮਂ ਕਾਯਂ ਬ੍ਯਾਧਿ ਫੁਸਤਿ। ਬ੍ਯਾਧਿਤੇਨ ਖੋ ਪਨ ਬ੍ਯਾਧਿਨਾ ਅਭਿਭੂਤੇਨ 5 ਨ ਸੁਕਰਂ ਬੁਦ੍ਧਾਨਂ ਸਾਸਨਂ ਮਨਸਿ ਕਾਤੁਂ, ਨ ਸੁਕਰਾਨਿ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਿਤੁਂ। ਪੁਰਾ ਮਂ ਸੋ ਧਮ੍ਮੋ ਆਗਚ੍ਛਤਿ ਅਨਿਟ੍ਠੋ ਅਕਨ੍ਤੋ ਅਮਨਾਪੋ; ਹਨ੍ਦਾਹਂ ਪਟਿਕਚ੍ਚੇવ વੀਰਿਯਂ ਆਰਭਾਮਿ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ , ਯੇਨਾਹਂ ਧਮ੍ਮੇਨ ਸਮਨ੍ਨਾਗਤੋ ਬ੍ਯਾਧਿਤੋਪਿ ਫਾਸੁਂ વਿਹਰਿਸ੍ਸਾਮੀ’ਤਿ। ਇਦਂ, ਭਿਕ੍ਖવੇ, ਦੁਤਿਯਂ ਅਨਾਗਤਭਯਂ ਸਮ੍ਪਸ੍ਸਮਾਨੇਨ ਅਲਮੇવ ਭਿਕ੍ਖੁਨਾ ਅਪ੍ਪਮਤ੍ਤੇਨ ਆਤਾਪਿਨਾ ਪਹਿਤਤ੍ਤੇਨ વਿਹਰਿਤੁਂ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ।
‘‘Puna caparaṃ, bhikkhave, bhikkhu iti paṭisañcikkhati – ‘ahaṃ kho etarahi appābādho appātaṅko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya. Hoti kho pana so samayo yaṃ imaṃ kāyaṃ byādhi phusati. Byādhitena kho pana byādhinā abhibhūtena 6 na sukaraṃ buddhānaṃ sāsanaṃ manasi kātuṃ, na sukarāni araññavanapatthāni pantāni senāsanāni paṭisevituṃ. Purā maṃ so dhammo āgacchati aniṭṭho akanto amanāpo; handāhaṃ paṭikacceva vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāya , yenāhaṃ dhammena samannāgato byādhitopi phāsuṃ viharissāmī’ti. Idaṃ, bhikkhave, dutiyaṃ anāgatabhayaṃ sampassamānena alameva bhikkhunā appamattena ātāpinā pahitattena viharituṃ appattassa pattiyā anadhigatassa adhigamāya asacchikatassa sacchikiriyāya.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਇਤਿ ਪਟਿਸਞ੍ਚਿਕ੍ਖਤਿ – ‘ਏਤਰਹਿ ਖੋ ਸੁਭਿਕ੍ਖਂ ਸੁਸਸ੍ਸਂ ਸੁਲਭਪਿਣ੍ਡਂ , ਸੁਕਰਂ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ। ਹੋਤਿ ਖੋ ਪਨ ਸੋ ਸਮਯੋ ਯਂ ਦੁਬ੍ਭਿਕ੍ਖਂ ਹੋਤਿ ਦੁਸ੍ਸਸ੍ਸਂ ਦੁਲ੍ਲਭਪਿਣ੍ਡਂ, ਨ ਸੁਕਰਂ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ। ਦੁਬ੍ਭਿਕ੍ਖੇ ਖੋ ਪਨ ਮਨੁਸ੍ਸਾ ਯੇਨ ਸੁਭਿਕ੍ਖਂ ਤੇਨ ਸਙ੍ਕਮਨ੍ਤਿ 7। ਤਤ੍ਥ ਸਙ੍ਗਣਿਕવਿਹਾਰੋ ਹੋਤਿ ਆਕਿਣ੍ਣવਿਹਾਰੋ। ਸਙ੍ਗਣਿਕવਿਹਾਰੇ ਖੋ ਪਨ ਸਤਿ ਆਕਿਣ੍ਣવਿਹਾਰੇ ਨ ਸੁਕਰਂ ਬੁਦ੍ਧਾਨਂ ਸਾਸਨਂ ਮਨਸਿ ਕਾਤੁਂ, ਨ ਸੁਕਰਾਨਿ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਿਤੁਂ। ਪੁਰਾ ਮਂ ਸੋ ਧਮ੍ਮੋ ਆਗਚ੍ਛਤਿ ਅਨਿਟ੍ਠੋ ਅਕਨ੍ਤੋ ਅਮਨਾਪੋ; ਹਨ੍ਦਾਹਂ ਪਟਿਕਚ੍ਚੇવ વੀਰਿਯਂ ਆਰਭਾਮਿ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ, ਯੇਨਾਹਂ ਧਮ੍ਮੇਨ ਸਮਨ੍ਨਾਗਤੋ ਦੁਬ੍ਭਿਕ੍ਖੇਪਿ ਫਾਸੁ વਿਹਰਿਸ੍ਸਾਮੀ’ਤਿ। ਇਦਂ, ਭਿਕ੍ਖવੇ, ਤਤਿਯਂ ਅਨਾਗਤਭਯਂ ਸਮ੍ਪਸ੍ਸਮਾਨੇਨ ਅਲਮੇવ ਭਿਕ੍ਖੁਨਾ ਅਪ੍ਪਮਤ੍ਤੇਨ ਆਤਾਪਿਨਾ ਪਹਿਤਤ੍ਤੇਨ વਿਹਰਿਤੁਂ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ।
‘‘Puna caparaṃ, bhikkhave, bhikkhu iti paṭisañcikkhati – ‘etarahi kho subhikkhaṃ susassaṃ sulabhapiṇḍaṃ , sukaraṃ uñchena paggahena yāpetuṃ. Hoti kho pana so samayo yaṃ dubbhikkhaṃ hoti dussassaṃ dullabhapiṇḍaṃ, na sukaraṃ uñchena paggahena yāpetuṃ. Dubbhikkhe kho pana manussā yena subhikkhaṃ tena saṅkamanti 8. Tattha saṅgaṇikavihāro hoti ākiṇṇavihāro. Saṅgaṇikavihāre kho pana sati ākiṇṇavihāre na sukaraṃ buddhānaṃ sāsanaṃ manasi kātuṃ, na sukarāni araññavanapatthāni pantāni senāsanāni paṭisevituṃ. Purā maṃ so dhammo āgacchati aniṭṭho akanto amanāpo; handāhaṃ paṭikacceva vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṃ dhammena samannāgato dubbhikkhepi phāsu viharissāmī’ti. Idaṃ, bhikkhave, tatiyaṃ anāgatabhayaṃ sampassamānena alameva bhikkhunā appamattena ātāpinā pahitattena viharituṃ appattassa pattiyā anadhigatassa adhigamāya asacchikatassa sacchikiriyāya.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਇਤਿ ਪਟਿਸਞ੍ਚਿਕ੍ਖਤਿ – ‘ਏਤਰਹਿ ਖੋ ਮਨੁਸ੍ਸਾ ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਖੀਰੋਦਕੀਭੂਤਾ ਅਞ੍ਞਮਞ੍ਞਂ ਪਿਯਚਕ੍ਖੂਹਿ ਸਮ੍ਪਸ੍ਸਨ੍ਤਾ વਿਹਰਨ੍ਤਿ। ਹੋਤਿ ਖੋ ਪਨ ਸੋ ਸਮਯੋ ਯਂ ਭਯਂ ਹੋਤਿ ਅਟવਿਸਙ੍ਕੋਪੋ, ਚਕ੍ਕਸਮਾਰੂਲ਼੍ਹਾ ਜਾਨਪਦਾ ਪਰਿਯਾਯਨ੍ਤਿ। ਭਯੇ ਖੋ ਪਨ ਸਤਿ ਮਨੁਸ੍ਸਾ ਯੇਨ ਖੇਮਂ ਤੇਨ ਸਙ੍ਕਮਨ੍ਤਿ। ਤਤ੍ਥ ਸਙ੍ਗਣਿਕવਿਹਾਰੋ ਹੋਤਿ ਆਕਿਣ੍ਣવਿਹਾਰੋ। ਸਙ੍ਗਣਿਕવਿਹਾਰੇ ਖੋ ਪਨ ਸਤਿ ਆਕਿਣ੍ਣવਿਹਾਰੇ ਨ ਸੁਕਰਂ ਬੁਦ੍ਧਾਨਂ ਸਾਸਨਂ ਮਨਸਿ ਕਾਤੁਂ, ਨ ਸੁਕਰਾਨਿ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਿਤੁਂ। ਪੁਰਾ ਮਂ ਸੋ ਧਮ੍ਮੋ ਆਗਚ੍ਛਤਿ ਅਨਿਟ੍ਠੋ ਅਕਨ੍ਤੋ ਅਮਨਾਪੋ; ਹਨ੍ਦਾਹਂ ਪਟਿਕਚ੍ਚੇવ વੀਰਿਯਂ ਆਰਭਾਮਿ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ, ਯੇਨਾਹਂ ਧਮ੍ਮੇਨ ਸਮਨ੍ਨਾਗਤੋ ਭਯੇਪਿ ਫਾਸੁਂ વਿਹਰਿਸ੍ਸਾਮੀ’ਤਿ। ਇਦਂ, ਭਿਕ੍ਖવੇ, ਚਤੁਤ੍ਥਂ ਅਨਾਗਤਭਯਂ ਸਮ੍ਪਸ੍ਸਮਾਨੇਨ ਅਲਮੇવ ਭਿਕ੍ਖੁਨਾ ਅਪ੍ਪਮਤ੍ਤੇਨ ਆਤਾਪਿਨਾ ਪਹਿਤਤ੍ਤੇਨ વਿਹਰਿਤੁਂ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ।
‘‘Puna caparaṃ, bhikkhave, bhikkhu iti paṭisañcikkhati – ‘etarahi kho manussā samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharanti. Hoti kho pana so samayo yaṃ bhayaṃ hoti aṭavisaṅkopo, cakkasamārūḷhā jānapadā pariyāyanti. Bhaye kho pana sati manussā yena khemaṃ tena saṅkamanti. Tattha saṅgaṇikavihāro hoti ākiṇṇavihāro. Saṅgaṇikavihāre kho pana sati ākiṇṇavihāre na sukaraṃ buddhānaṃ sāsanaṃ manasi kātuṃ, na sukarāni araññavanapatthāni pantāni senāsanāni paṭisevituṃ. Purā maṃ so dhammo āgacchati aniṭṭho akanto amanāpo; handāhaṃ paṭikacceva vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṃ dhammena samannāgato bhayepi phāsuṃ viharissāmī’ti. Idaṃ, bhikkhave, catutthaṃ anāgatabhayaṃ sampassamānena alameva bhikkhunā appamattena ātāpinā pahitattena viharituṃ appattassa pattiyā anadhigatassa adhigamāya asacchikatassa sacchikiriyāya.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਇਤਿ ਪਟਿਸਞ੍ਚਿਕ੍ਖਤਿ – ‘ਏਤਰਹਿ ਖੋ ਸਙ੍ਘੋ ਸਮਗ੍ਗੋ ਸਮ੍ਮੋਦਮਾਨੋ ਅવਿવਦਮਾਨੋ ਏਕੁਦ੍ਦੇਸੋ ਫਾਸੁ વਿਹਰਤਿ। ਹੋਤਿ ਖੋ ਪਨ ਸੋ ਸਮਯੋ ਯਂ ਸਙ੍ਘੋ ਭਿਜ੍ਜਤਿ। ਸਙ੍ਘੇ ਖੋ ਪਨ ਭਿਨ੍ਨੇ ਨ ਸੁਕਰਂ ਬੁਦ੍ਧਾਨਂ ਸਾਸਨਂ ਮਨਸਿ ਕਾਤੁਂ, ਨ ਸੁਕਰਾਨਿ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਿਤੁਂ। ਪੁਰਾ ਮਂ ਸੋ ਧਮ੍ਮੋ ਆਗਚ੍ਛਤਿ ਅਨਿਟ੍ਠੋ ਅਕਨ੍ਤੋ ਅਮਨਾਪੋ; ਹਨ੍ਦਾਹਂ ਪਟਿਕਚ੍ਚੇવ વੀਰਿਯਂ ਆਰਭਾਮਿ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ, ਯੇਨਾਹਂ ਧਮ੍ਮੇਨ ਸਮਨ੍ਨਾਗਤੋ ਭਿਨ੍ਨੇਪਿ ਸਙ੍ਘੇ ਫਾਸੁਂ વਿਹਰਿਸ੍ਸਾਮੀ’ਤਿ। ਇਦਂ, ਭਿਕ੍ਖવੇ, ਪਞ੍ਚਮਂ ਅਨਾਗਤਭਯਂ ਸਮ੍ਪਸ੍ਸਮਾਨੇਨ ਅਲਮੇવ ਭਿਕ੍ਖੁਨਾ ਅਪ੍ਪਮਤ੍ਤੇਨ ਆਤਾਪਿਨਾ ਪਹਿਤਤ੍ਤੇਨ વਿਹਰਿਤੁਂ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ।
‘‘Puna caparaṃ, bhikkhave, bhikkhu iti paṭisañcikkhati – ‘etarahi kho saṅgho samaggo sammodamāno avivadamāno ekuddeso phāsu viharati. Hoti kho pana so samayo yaṃ saṅgho bhijjati. Saṅghe kho pana bhinne na sukaraṃ buddhānaṃ sāsanaṃ manasi kātuṃ, na sukarāni araññavanapatthāni pantāni senāsanāni paṭisevituṃ. Purā maṃ so dhammo āgacchati aniṭṭho akanto amanāpo; handāhaṃ paṭikacceva vīriyaṃ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaṃ dhammena samannāgato bhinnepi saṅghe phāsuṃ viharissāmī’ti. Idaṃ, bhikkhave, pañcamaṃ anāgatabhayaṃ sampassamānena alameva bhikkhunā appamattena ātāpinā pahitattena viharituṃ appattassa pattiyā anadhigatassa adhigamāya asacchikatassa sacchikiriyāya.
‘‘ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਅਨਾਗਤਭਯਾਨਿ ਸਮ੍ਪਸ੍ਸਮਾਨੇਨ ਅਲਮੇવ ਭਿਕ੍ਖੁਨਾ ਅਪ੍ਪਮਤ੍ਤੇਨ ਆਤਾਪਿਨਾ ਪਹਿਤਤ੍ਤੇਨ વਿਹਰਿਤੁਂ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯਾ’’ਤਿ। ਅਟ੍ਠਮਂ।
‘‘Imāni kho, bhikkhave, pañca anāgatabhayāni sampassamānena alameva bhikkhunā appamattena ātāpinā pahitattena viharituṃ appattassa pattiyā anadhigatassa adhigamāya asacchikatassa sacchikiriyāyā’’ti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਦੁਤਿਯਅਨਾਗਤਭਯਸੁਤ੍ਤવਣ੍ਣਨਾ • 8. Dutiyaanāgatabhayasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੮. ਪਠਮਅਨਾਗਤਭਯਸੁਤ੍ਤਾਦਿવਣ੍ਣਨਾ • 7-8. Paṭhamaanāgatabhayasuttādivaṇṇanā
