| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬. দুতিযআনন্দসুত্তং
6. Dutiyaānandasuttaṃ
৩৮. সাৰত্থিনিদানং । একমন্তং নিসিন্নং খো আযস্মন্তং আনন্দং ভগৰা এতদৰোচ –
38. Sāvatthinidānaṃ . Ekamantaṃ nisinnaṃ kho āyasmantaṃ ānandaṃ bhagavā etadavoca –
‘‘সচে তং, আনন্দ, এৰং পুচ্ছেয্যুং – ‘কতমেসং, আৰুসো আনন্দ, ধম্মানং উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ? কতমেসং ধম্মানং উপ্পাদো পঞ্ঞাযিস্সতি, ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি? কতমেসং ধম্মানং উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতী’তি? এৰং পুট্ঠো ত্ৰং, আনন্দ, কিন্তি ব্যাকরেয্যাসী’’তি? ‘‘সচে মং, ভন্তে, এৰং পুচ্ছেয্যুং – ‘কতমেসং, আৰুসো আনন্দ, ধম্মানং উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ? কতমেসং ধম্মানং উপ্পাদো পঞ্ঞাযিস্সতি , ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি ? কতমেসং ধম্মানং উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতী’তি? এৰং পুট্ঠোহং, ভন্তে, এৰং ব্যাকরেয্যং – ‘যং খো, আৰুসো, রূপং অতীতং নিরুদ্ধং ৰিপরিণতং; তস্স উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ। যা ৰেদনা অতীতা নিরুদ্ধা ৰিপরিণতা; তস্সা উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতায অঞ্ঞথত্তং পঞ্ঞাযিত্থ। যা সঞ্ঞা… যে সঙ্খারা অতীতা নিরুদ্ধা ৰিপরিণতা; তেসং উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ। যং ৰিঞ্ঞাণং অতীতং নিরুদ্ধং ৰিপরিণতং; তস্স উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ। ইমেসং খো, আৰুসো, ধম্মানং উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ’’’।
‘‘Sace taṃ, ānanda, evaṃ puccheyyuṃ – ‘katamesaṃ, āvuso ānanda, dhammānaṃ uppādo paññāyittha, vayo paññāyittha, ṭhitassa aññathattaṃ paññāyittha? Katamesaṃ dhammānaṃ uppādo paññāyissati, vayo paññāyissati, ṭhitassa aññathattaṃ paññāyissati? Katamesaṃ dhammānaṃ uppādo paññāyati, vayo paññāyati, ṭhitassa aññathattaṃ paññāyatī’ti? Evaṃ puṭṭho tvaṃ, ānanda, kinti byākareyyāsī’’ti? ‘‘Sace maṃ, bhante, evaṃ puccheyyuṃ – ‘katamesaṃ, āvuso ānanda, dhammānaṃ uppādo paññāyittha, vayo paññāyittha, ṭhitassa aññathattaṃ paññāyittha? Katamesaṃ dhammānaṃ uppādo paññāyissati , vayo paññāyissati, ṭhitassa aññathattaṃ paññāyissati ? Katamesaṃ dhammānaṃ uppādo paññāyati, vayo paññāyati, ṭhitassa aññathattaṃ paññāyatī’ti? Evaṃ puṭṭhohaṃ, bhante, evaṃ byākareyyaṃ – ‘yaṃ kho, āvuso, rūpaṃ atītaṃ niruddhaṃ vipariṇataṃ; tassa uppādo paññāyittha, vayo paññāyittha, ṭhitassa aññathattaṃ paññāyittha. Yā vedanā atītā niruddhā vipariṇatā; tassā uppādo paññāyittha, vayo paññāyittha, ṭhitāya aññathattaṃ paññāyittha. Yā saññā… ye saṅkhārā atītā niruddhā vipariṇatā; tesaṃ uppādo paññāyittha, vayo paññāyittha, ṭhitassa aññathattaṃ paññāyittha. Yaṃ viññāṇaṃ atītaṃ niruddhaṃ vipariṇataṃ; tassa uppādo paññāyittha, vayo paññāyittha, ṭhitassa aññathattaṃ paññāyittha. Imesaṃ kho, āvuso, dhammānaṃ uppādo paññāyittha, vayo paññāyittha, ṭhitassa aññathattaṃ paññāyittha’’’.
‘‘যং খো, আৰুসো, রূপং অজাতং অপাতুভূতং; তস্স উপ্পাদো পঞ্ঞাযিস্সতি, ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি। যা ৰেদনা অজাতা অপাতুভূতা; তস্সা উপ্পাদো পঞ্ঞাযিস্সতি, ৰযো পঞ্ঞাযিস্সতি, ঠিতায অঞ্ঞথত্তং পঞ্ঞাযিস্সতি। যা সঞ্ঞা…পে॰… যে সঙ্খারা অজাতা অপাতুভূতা; তেসং উপ্পাদো পঞ্ঞাযিস্সতি, ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি। যং ৰিঞ্ঞাণং অজাতং অপাতুভূতং; তস্স উপ্পাদো পঞ্ঞাযিস্সতি, ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি। ইমেসং খো, আৰুসো , ধম্মানং উপ্পাদো পঞ্ঞাযিস্সতি, ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি।
‘‘Yaṃ kho, āvuso, rūpaṃ ajātaṃ apātubhūtaṃ; tassa uppādo paññāyissati, vayo paññāyissati, ṭhitassa aññathattaṃ paññāyissati. Yā vedanā ajātā apātubhūtā; tassā uppādo paññāyissati, vayo paññāyissati, ṭhitāya aññathattaṃ paññāyissati. Yā saññā…pe… ye saṅkhārā ajātā apātubhūtā; tesaṃ uppādo paññāyissati, vayo paññāyissati, ṭhitassa aññathattaṃ paññāyissati. Yaṃ viññāṇaṃ ajātaṃ apātubhūtaṃ; tassa uppādo paññāyissati, vayo paññāyissati, ṭhitassa aññathattaṃ paññāyissati. Imesaṃ kho, āvuso , dhammānaṃ uppādo paññāyissati, vayo paññāyissati, ṭhitassa aññathattaṃ paññāyissati.
‘‘যং খো, আৰুসো, রূপং জাতং পাতুভূতং; তস্স উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতি। যা ৰেদনা জাতা পাতুভূতা…পে॰… যা সঞ্ঞা… যে সঙ্খারা জাতা পাতুভূতা; তেসং উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতি। যং ৰিঞ্ঞাণং জাতং পাতুভূতং তস্স উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতি। ইমেসং খো, আৰুসো, ধম্মানং উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতী’তি। এৰং পুট্ঠোহং, ভন্তে, এৰং ব্যাকরেয্য’’ন্তি।
‘‘Yaṃ kho, āvuso, rūpaṃ jātaṃ pātubhūtaṃ; tassa uppādo paññāyati, vayo paññāyati, ṭhitassa aññathattaṃ paññāyati. Yā vedanā jātā pātubhūtā…pe… yā saññā… ye saṅkhārā jātā pātubhūtā; tesaṃ uppādo paññāyati, vayo paññāyati, ṭhitassa aññathattaṃ paññāyati. Yaṃ viññāṇaṃ jātaṃ pātubhūtaṃ tassa uppādo paññāyati, vayo paññāyati, ṭhitassa aññathattaṃ paññāyati. Imesaṃ kho, āvuso, dhammānaṃ uppādo paññāyati, vayo paññāyati, ṭhitassa aññathattaṃ paññāyatī’ti. Evaṃ puṭṭhohaṃ, bhante, evaṃ byākareyya’’nti.
‘‘সাধু , সাধু, আনন্দ! যং খো, আনন্দ, রূপং অতীতং নিরুদ্ধং ৰিপরিণতং; তস্স উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ। যা ৰেদনা … যা সঞ্ঞা… যে সঙ্খারা… যং ৰিঞ্ঞাণং অতীতং নিরুদ্ধং ৰিপরিণতং; তস্স উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ। ইমেসং খো, আনন্দ, ধম্মানং উপ্পাদো পঞ্ঞাযিত্থ, ৰযো পঞ্ঞাযিত্থ, ঠিতস্স অঞ্ঞথত্তং পঞ্ঞাযিত্থ।
‘‘Sādhu , sādhu, ānanda! Yaṃ kho, ānanda, rūpaṃ atītaṃ niruddhaṃ vipariṇataṃ; tassa uppādo paññāyittha, vayo paññāyittha, ṭhitassa aññathattaṃ paññāyittha. Yā vedanā … yā saññā… ye saṅkhārā… yaṃ viññāṇaṃ atītaṃ niruddhaṃ vipariṇataṃ; tassa uppādo paññāyittha, vayo paññāyittha, ṭhitassa aññathattaṃ paññāyittha. Imesaṃ kho, ānanda, dhammānaṃ uppādo paññāyittha, vayo paññāyittha, ṭhitassa aññathattaṃ paññāyittha.
‘‘যং খো, আনন্দ, রূপং অজাতং অপাতুভূতং; তস্স উপ্পাদো পঞ্ঞাযিস্সতি, ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি। যা ৰেদনা… যা সঞ্ঞা… যে সঙ্খারা… যং ৰিঞ্ঞাণং অজাতং অপাতুভূতং; তস্স উপ্পাদো পঞ্ঞাযিস্সতি , ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি। ইমেসং খো, আনন্দ, ধম্মানং উপ্পাদো পঞ্ঞাযিস্সতি, ৰযো পঞ্ঞাযিস্সতি, ঠিতস্স অঞ্ঞথত্তং পঞ্ঞাযিস্সতি।
‘‘Yaṃ kho, ānanda, rūpaṃ ajātaṃ apātubhūtaṃ; tassa uppādo paññāyissati, vayo paññāyissati, ṭhitassa aññathattaṃ paññāyissati. Yā vedanā… yā saññā… ye saṅkhārā… yaṃ viññāṇaṃ ajātaṃ apātubhūtaṃ; tassa uppādo paññāyissati , vayo paññāyissati, ṭhitassa aññathattaṃ paññāyissati. Imesaṃ kho, ānanda, dhammānaṃ uppādo paññāyissati, vayo paññāyissati, ṭhitassa aññathattaṃ paññāyissati.
‘‘যং খো, আনন্দ, রূপং জাতং পাতুভূতং; তস্স উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতি। যা ৰেদনা জাতা পাতুভূতা… যা সঞ্ঞা… যে সঙ্খারা… যং ৰিঞ্ঞাণং জাতং পাতুভূতং; তস্স উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতি। ইমেসং খো, আনন্দ, ধম্মানং উপ্পাদো পঞ্ঞাযতি, ৰযো পঞ্ঞাযতি, ঠিতস্স অঞ্ঞথত্তং পঞ্ঞাযতীতি। এৰং পুট্ঠো ত্ৰং, আনন্দ, এৰং ব্যাকরেয্যাসী’’তি। ছট্ঠং।
‘‘Yaṃ kho, ānanda, rūpaṃ jātaṃ pātubhūtaṃ; tassa uppādo paññāyati, vayo paññāyati, ṭhitassa aññathattaṃ paññāyati. Yā vedanā jātā pātubhūtā… yā saññā… ye saṅkhārā… yaṃ viññāṇaṃ jātaṃ pātubhūtaṃ; tassa uppādo paññāyati, vayo paññāyati, ṭhitassa aññathattaṃ paññāyati. Imesaṃ kho, ānanda, dhammānaṃ uppādo paññāyati, vayo paññāyati, ṭhitassa aññathattaṃ paññāyatīti. Evaṃ puṭṭho tvaṃ, ānanda, evaṃ byākareyyāsī’’ti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫-৬. আনন্দসুত্তাদিৰণ্ণনা • 5-6. Ānandasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫-৬. আনন্দসুত্তাদিৰণ্ণনা • 5-6. Ānandasuttādivaṇṇanā
