| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. দুতিযঅনাযুস্সাসুত্তং
6. Dutiyaanāyussāsuttaṃ
১২৬. ‘‘পঞ্চিমে, ভিক্খৰে, ধম্মা অনাযুস্সা। কতমে পঞ্চ? অসপ্পাযকারী হোতি, সপ্পাযে মত্তং ন জানাতি, অপরিণতভোজী চ হোতি, দুস্সীলো চ, পাপমিত্তো চ। ইমে খো, ভিক্খৰে, পঞ্চ ধম্মা অনাযুস্সা।
126. ‘‘Pañcime, bhikkhave, dhammā anāyussā. Katame pañca? Asappāyakārī hoti, sappāye mattaṃ na jānāti, apariṇatabhojī ca hoti, dussīlo ca, pāpamitto ca. Ime kho, bhikkhave, pañca dhammā anāyussā.
‘‘পঞ্চিমে, ভিক্খৰে, ধম্মা আযুস্সা। কতমে পঞ্চ ? সপ্পাযকারী হোতি, সপ্পাযে মত্তং জানাতি, পরিণতভোজী চ হোতি, সীলৰা চ, কল্যাণমিত্তো চ। ইমে খো, ভিক্খৰে, পঞ্চ ধম্মা আযুস্সা’’তি। ছট্ঠং।
‘‘Pañcime, bhikkhave, dhammā āyussā. Katame pañca ? Sappāyakārī hoti, sappāye mattaṃ jānāti, pariṇatabhojī ca hoti, sīlavā ca, kalyāṇamitto ca. Ime kho, bhikkhave, pañca dhammā āyussā’’ti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫-৬. অনাযুস্সাসুত্তদ্ৰযৰণ্ণনা • 5-6. Anāyussāsuttadvayavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / (১৩) ৩. গিলানৰগ্গো • (13) 3. Gilānavaggo
