| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. දුතියඅනායුස්‌සාසුත්‌තං
6. Dutiyaanāyussāsuttaṃ
126. ‘‘පඤ්‌චිමෙ, භික්‌ඛවෙ, ධම්‌මා අනායුස්‌සා. කතමෙ පඤ්‌ච? අසප්‌පායකාරී හොති, සප්‌පායෙ මත්‌තං න ජානාති, අපරිණතභොජී ච හොති, දුස්‌සීලො ච, පාපමිත්‌තො ච. ඉමෙ ඛො, භික්‌ඛවෙ, පඤ්‌ච ධම්‌මා අනායුස්‌සා.
126. ‘‘Pañcime, bhikkhave, dhammā anāyussā. Katame pañca? Asappāyakārī hoti, sappāye mattaṃ na jānāti, apariṇatabhojī ca hoti, dussīlo ca, pāpamitto ca. Ime kho, bhikkhave, pañca dhammā anāyussā.
‘‘පඤ්‌චිමෙ, භික්‌ඛවෙ, ධම්‌මා ආයුස්‌සා. කතමෙ පඤ්‌ච ? සප්‌පායකාරී හොති, සප්‌පායෙ මත්‌තං ජානාති, පරිණතභොජී ච හොති, සීලවා ච, කල්‍යාණමිත්‌තො ච. ඉමෙ ඛො, භික්‌ඛවෙ, පඤ්‌ච ධම්‌මා ආයුස්‌සා’’ති. ඡට්‌ඨං.
‘‘Pañcime, bhikkhave, dhammā āyussā. Katame pañca ? Sappāyakārī hoti, sappāye mattaṃ jānāti, pariṇatabhojī ca hoti, sīlavā ca, kalyāṇamitto ca. Ime kho, bhikkhave, pañca dhammā āyussā’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5-6. අනායුස්‌සාසුත්‌තද්‌වයවණ්‌ණනා • 5-6. Anāyussāsuttadvayavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / (13) 3. ගිලානවග්‌ගො • (13) 3. Gilānavaggo
