| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. து³தியஅனிச்சஸுத்தங்
4. Dutiyaaniccasuttaṃ
46. ஸாவத்தி²னிதா³னங். ‘‘ரூபங், பி⁴க்க²வே, அனிச்சங். யத³னிச்சங் தங் து³க்க²ங்; யங் து³க்க²ங் தத³னத்தா; யத³னத்தா தங் ‘நேதங் மம, நேஸோஹமஸ்மி, ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங். வேத³னா அனிச்சா… ஸஞ்ஞா அனிச்சா… ஸங்கா²ரா அனிச்சா… விஞ்ஞாணங் அனிச்சங். யத³னிச்சங் தங் து³க்க²ங்; யங் து³க்க²ங் தத³னத்தா; யத³னத்தா தங் ‘நேதங் மம, நேஸோஹமஸ்மி, ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங்’’.
46. Sāvatthinidānaṃ. ‘‘Rūpaṃ, bhikkhave, aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Vedanā aniccā… saññā aniccā… saṅkhārā aniccā… viññāṇaṃ aniccaṃ. Yadaniccaṃ taṃ dukkhaṃ; yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ’’.
‘‘ஏவமேதங் யதா²பூ⁴தங் ஸம்மப்பஞ்ஞாய பஸ்ஸதோ புப்³ப³ந்தானுதி³ட்டி²யோ ந ஹொந்தி. புப்³ப³ந்தானுதி³ட்டீ²னங் அஸதி, அபரந்தானுதி³ட்டி²யோ ந ஹொந்தி. அபரந்தானுதி³ட்டீ²னங் அஸதி, தா²மஸோ 1 பராமாஸோ ந ஹோதி. தா²மஸே 2 பராமாஸே அஸதி ரூபஸ்மிங்… வேத³னாய … ஸஞ்ஞாய… ஸங்கா²ரேஸு… விஞ்ஞாணஸ்மிங் சித்தங் விரஜ்ஜதி விமுச்சதி அனுபாதா³ய ஆஸவேஹி. விமுத்தத்தா டி²தங். டி²தத்தா ஸந்துஸிதங். ஸந்துஸிதத்தா ந பரிதஸ்ஸதி. அபரிதஸ்ஸங் பச்சத்தஞ்ஞேவ பரினிப்³பா³யதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி. சதுத்த²ங்.
‘‘Evametaṃ yathābhūtaṃ sammappaññāya passato pubbantānudiṭṭhiyo na honti. Pubbantānudiṭṭhīnaṃ asati, aparantānudiṭṭhiyo na honti. Aparantānudiṭṭhīnaṃ asati, thāmaso 3 parāmāso na hoti. Thāmase 4 parāmāse asati rūpasmiṃ… vedanāya … saññāya… saṅkhāresu… viññāṇasmiṃ cittaṃ virajjati vimuccati anupādāya āsavehi. Vimuttattā ṭhitaṃ. Ṭhitattā santusitaṃ. Santusitattā na paritassati. Aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Catutthaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. து³தியஅனிச்சஸுத்தவண்ணனா • 4. Dutiyaaniccasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. து³தியஅனிச்சஸுத்தவண்ணனா • 4. Dutiyaaniccasuttavaṇṇanā
