| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. দুতিযঅনিচ্চসুত্তৰণ্ণনা
4. Dutiyaaniccasuttavaṇṇanā
৪৬. পুব্বন্তং অতীতখন্ধকোট্ঠাসং। অনুগতাতি সস্সতাদীনি কপ্পেত্ৰা গহণৰসেন অনুগতা। অট্ঠারস দিট্ঠিযোতি চতস্সো সস্সতদিট্ঠিযো, চতস্সো একচ্চসস্সতদিট্ঠিযো, চতস্সো অন্তানন্তিকদিট্ঠিযো, চতস্সো অমরাৰিক্খেপদিট্ঠিযো, দ্ৰে অধিচ্চসমুপ্পন্নদিট্ঠিযোতি এৰং অট্ঠারস দিট্ঠিযো ন হোন্তি পচ্চযঘাতেন। অপরন্তন্তি অনাগতং খন্ধকোট্ঠাসং সস্সতাদিভাৰং কপ্পেত্ৰা গহণৰসেন অনুগতা। সোল়স সঞ্ঞীৰাদা, অট্ঠ অসঞ্ঞীৰাদা, অট্ঠ নেৰসঞ্ঞীনাসঞ্ঞীৰাদা, সত্ত উচ্ছেদৰাদা, পঞ্চ পরমদিট্ঠধম্মনিব্বানৰাদাতি এৰং চতুচত্তালীস দিট্ঠিযো ন হোন্তি পচ্চযঘাতেন। সস্সতদিট্ঠিথামসো চেৰ সীলব্বতদিট্ঠিপরামাসো চ ন হোতি পচ্চযঘাতেন। তেনাহ ‘‘এত্তাৰতা পঠমমগ্গো দস্সিতো’’তি অনৰসেসদিট্ঠিপহানকিত্তনতো। পহীনা ৰিক্খম্ভিতা। ইদং পনাতি ‘‘রূপস্মি’’ন্তিআদি।
46.Pubbantaṃ atītakhandhakoṭṭhāsaṃ. Anugatāti sassatādīni kappetvā gahaṇavasena anugatā. Aṭṭhārasa diṭṭhiyoti catasso sassatadiṭṭhiyo, catasso ekaccasassatadiṭṭhiyo, catasso antānantikadiṭṭhiyo, catasso amarāvikkhepadiṭṭhiyo, dve adhiccasamuppannadiṭṭhiyoti evaṃ aṭṭhārasa diṭṭhiyo na honti paccayaghātena. Aparantanti anāgataṃ khandhakoṭṭhāsaṃ sassatādibhāvaṃ kappetvā gahaṇavasena anugatā. Soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca paramadiṭṭhadhammanibbānavādāti evaṃ catucattālīsa diṭṭhiyo na honti paccayaghātena. Sassatadiṭṭhithāmaso ceva sīlabbatadiṭṭhiparāmāso ca na hoti paccayaghātena. Tenāha ‘‘ettāvatā paṭhamamaggo dassito’’ti anavasesadiṭṭhipahānakittanato. Pahīnā vikkhambhitā. Idaṃ panāti ‘‘rūpasmi’’ntiādi.
দুতিযঅনিচ্চসুত্তৰণ্ণনা নিট্ঠিতা।
Dutiyaaniccasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. দুতিযঅনিচ্চসুত্তং • 4. Dutiyaaniccasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. দুতিযঅনিচ্চসুত্তৰণ্ণনা • 4. Dutiyaaniccasuttavaṇṇanā
