| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๔. ทุติยอนิจฺจสุตฺตวณฺณนา
4. Dutiyaaniccasuttavaṇṇanā
๔๖. ปุพฺพนฺตํ อตีตขนฺธโกฎฺฐาสํฯ อนุคตาติ สสฺสตาทีนิ กเปฺปตฺวา คหณวเสน อนุคตาฯ อฎฺฐารส ทิฎฺฐิโยติ จตโสฺส สสฺสตทิฎฺฐิโย, จตโสฺส เอกจฺจสสฺสตทิฎฺฐิโย, จตโสฺส อนฺตานนฺติกทิฎฺฐิโย, จตโสฺส อมราวิเกฺขปทิฎฺฐิโย, เทฺว อธิจฺจสมุปฺปนฺนทิฎฺฐิโยติ เอวํ อฎฺฐารส ทิฎฺฐิโย น โหนฺติ ปจฺจยฆาเตนฯ อปรนฺตนฺติ อนาคตํ ขนฺธโกฎฺฐาสํ สสฺสตาทิภาวํ กเปฺปตฺวา คหณวเสน อนุคตาฯ โสฬส สญฺญีวาทา, อฎฺฐ อสญฺญีวาทา, อฎฺฐ เนวสญฺญีนาสญฺญีวาทา, สตฺต อุเจฺฉทวาทา, ปญฺจ ปรมทิฎฺฐธมฺมนิพฺพานวาทาติ เอวํ จตุจตฺตาลีส ทิฎฺฐิโย น โหนฺติ ปจฺจยฆาเตนฯ สสฺสตทิฎฺฐิถามโส เจว สีลพฺพตทิฎฺฐิปรามาโส จ น โหติ ปจฺจยฆาเตนฯ เตนาห ‘‘เอตฺตาวตา ปฐมมโคฺค ทสฺสิโต’’ติ อนวเสสทิฎฺฐิปหานกิตฺตนโตฯ ปหีนา วิกฺขมฺภิตาฯ อิทํ ปนาติ ‘‘รูปสฺมิ’’นฺติอาทิฯ
46.Pubbantaṃ atītakhandhakoṭṭhāsaṃ. Anugatāti sassatādīni kappetvā gahaṇavasena anugatā. Aṭṭhārasa diṭṭhiyoti catasso sassatadiṭṭhiyo, catasso ekaccasassatadiṭṭhiyo, catasso antānantikadiṭṭhiyo, catasso amarāvikkhepadiṭṭhiyo, dve adhiccasamuppannadiṭṭhiyoti evaṃ aṭṭhārasa diṭṭhiyo na honti paccayaghātena. Aparantanti anāgataṃ khandhakoṭṭhāsaṃ sassatādibhāvaṃ kappetvā gahaṇavasena anugatā. Soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca paramadiṭṭhadhammanibbānavādāti evaṃ catucattālīsa diṭṭhiyo na honti paccayaghātena. Sassatadiṭṭhithāmaso ceva sīlabbatadiṭṭhiparāmāso ca na hoti paccayaghātena. Tenāha ‘‘ettāvatā paṭhamamaggo dassito’’ti anavasesadiṭṭhipahānakittanato. Pahīnā vikkhambhitā. Idaṃ panāti ‘‘rūpasmi’’ntiādi.
ทุติยอนิจฺจสุตฺตวณฺณนา นิฎฺฐิตาฯ
Dutiyaaniccasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. ทุติยอนิจฺจสุตฺตํ • 4. Dutiyaaniccasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. ทุติยอนิจฺจสุตฺตวณฺณนา • 4. Dutiyaaniccasuttavaṇṇanā
