| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. ទុតិយអនិច្ចសុត្តវណ្ណនា
4. Dutiyaaniccasuttavaṇṇanā
៤៦. បុព្ពន្តំ អតីតខន្ធកោដ្ឋាសំ។ អនុគតាតិ សស្សតាទីនិ កប្បេត្វា គហណវសេន អនុគតា។ អដ្ឋារស ទិដ្ឋិយោតិ ចតស្សោ សស្សតទិដ្ឋិយោ, ចតស្សោ ឯកច្ចសស្សតទិដ្ឋិយោ, ចតស្សោ អន្តានន្តិកទិដ្ឋិយោ, ចតស្សោ អមរាវិក្ខេបទិដ្ឋិយោ, ទ្វេ អធិច្ចសមុប្បន្នទិដ្ឋិយោតិ ឯវំ អដ្ឋារស ទិដ្ឋិយោ ន ហោន្តិ បច្ចយឃាតេន។ អបរន្តន្តិ អនាគតំ ខន្ធកោដ្ឋាសំ សស្សតាទិភាវំ កប្បេត្វា គហណវសេន អនុគតា។ សោឡស សញ្ញីវាទា, អដ្ឋ អសញ្ញីវាទា, អដ្ឋ នេវសញ្ញីនាសញ្ញីវាទា, សត្ត ឧច្ឆេទវាទា, បញ្ច បរមទិដ្ឋធម្មនិព្ពានវាទាតិ ឯវំ ចតុចត្តាលីស ទិដ្ឋិយោ ន ហោន្តិ បច្ចយឃាតេន។ សស្សតទិដ្ឋិថាមសោ ចេវ សីលព្ពតទិដ្ឋិបរាមាសោ ច ន ហោតិ បច្ចយឃាតេន។ តេនាហ ‘‘ឯត្តាវតា បឋមមគ្គោ ទស្សិតោ’’តិ អនវសេសទិដ្ឋិបហានកិត្តនតោ។ បហីនា វិក្ខម្ភិតា។ ឥទំ បនាតិ ‘‘រូបស្មិ’’ន្តិអាទិ។
46.Pubbantaṃ atītakhandhakoṭṭhāsaṃ. Anugatāti sassatādīni kappetvā gahaṇavasena anugatā. Aṭṭhārasa diṭṭhiyoti catasso sassatadiṭṭhiyo, catasso ekaccasassatadiṭṭhiyo, catasso antānantikadiṭṭhiyo, catasso amarāvikkhepadiṭṭhiyo, dve adhiccasamuppannadiṭṭhiyoti evaṃ aṭṭhārasa diṭṭhiyo na honti paccayaghātena. Aparantanti anāgataṃ khandhakoṭṭhāsaṃ sassatādibhāvaṃ kappetvā gahaṇavasena anugatā. Soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca paramadiṭṭhadhammanibbānavādāti evaṃ catucattālīsa diṭṭhiyo na honti paccayaghātena. Sassatadiṭṭhithāmaso ceva sīlabbatadiṭṭhiparāmāso ca na hoti paccayaghātena. Tenāha ‘‘ettāvatā paṭhamamaggo dassito’’ti anavasesadiṭṭhipahānakittanato. Pahīnā vikkhambhitā. Idaṃ panāti ‘‘rūpasmi’’ntiādi.
ទុតិយអនិច្ចសុត្តវណ្ណនា និដ្ឋិតា។
Dutiyaaniccasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. ទុតិយអនិច្ចសុត្តំ • 4. Dutiyaaniccasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. ទុតិយអនិច្ចសុត្តវណ្ណនា • 4. Dutiyaaniccasuttavaṇṇanā
