| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. ဒုတိယအနိစ္စသုတ္တဝဏ္ဏနာ
4. Dutiyaaniccasuttavaṇṇanā
၄၆. ပုဗ္ဗန္တံ အတီတခန္ဓကောဋ္ဌာသံ။ အနုဂတာတိ သသ္သတာဒီနိ ကပ္ပေတ္ဝာ ဂဟဏဝသေန အနုဂတာ။ အဋ္ဌာရသ ဒိဋ္ဌိယောတိ စတသ္သော သသ္သတဒိဋ္ဌိယော, စတသ္သော ဧကစ္စသသ္သတဒိဋ္ဌိယော, စတသ္သော အန္တာနန္တိကဒိဋ္ဌိယော, စတသ္သော အမရာဝိက္ခေပဒိဋ္ဌိယော, ဒ္ဝေ အဓိစ္စသမုပ္ပန္နဒိဋ္ဌိယောတိ ဧဝံ အဋ္ဌာရသ ဒိဋ္ဌိယော န ဟောန္တိ ပစ္စယဃာတေန။ အပရန္တန္တိ အနာဂတံ ခန္ဓကောဋ္ဌာသံ သသ္သတာဒိဘာဝံ ကပ္ပေတ္ဝာ ဂဟဏဝသေန အနုဂတာ။ သောဠသ သညီဝာဒာ, အဋ္ဌ အသညီဝာဒာ, အဋ္ဌ နေဝသညီနာသညီဝာဒာ, သတ္တ ဥစ္ဆေဒဝာဒာ, ပဉ္စ ပရမဒိဋ္ဌဓမ္မနိဗ္ဗာနဝာဒာတိ ဧဝံ စတုစတ္တာလီသ ဒိဋ္ဌိယော န ဟောန္တိ ပစ္စယဃာတေန။ သသ္သတဒိဋ္ဌိထာမသော စေဝ သီလဗ္ဗတဒိဋ္ဌိပရာမာသော စ န ဟောတိ ပစ္စယဃာတေန။ တေနာဟ ‘‘ဧတ္တာဝတာ ပဌမမဂ္ဂော ဒသ္သိတော’’တိ အနဝသေသဒိဋ္ဌိပဟာနကိတ္တနတော။ ပဟီနာ ဝိက္ခမ္ဘိတာ။ ဣဒံ ပနာတိ ‘‘ရူပသ္မိ’’န္တိအာဒိ။
46.Pubbantaṃ atītakhandhakoṭṭhāsaṃ. Anugatāti sassatādīni kappetvā gahaṇavasena anugatā. Aṭṭhārasa diṭṭhiyoti catasso sassatadiṭṭhiyo, catasso ekaccasassatadiṭṭhiyo, catasso antānantikadiṭṭhiyo, catasso amarāvikkhepadiṭṭhiyo, dve adhiccasamuppannadiṭṭhiyoti evaṃ aṭṭhārasa diṭṭhiyo na honti paccayaghātena. Aparantanti anāgataṃ khandhakoṭṭhāsaṃ sassatādibhāvaṃ kappetvā gahaṇavasena anugatā. Soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca paramadiṭṭhadhammanibbānavādāti evaṃ catucattālīsa diṭṭhiyo na honti paccayaghātena. Sassatadiṭṭhithāmaso ceva sīlabbatadiṭṭhiparāmāso ca na hoti paccayaghātena. Tenāha ‘‘ettāvatā paṭhamamaggo dassito’’ti anavasesadiṭṭhipahānakittanato. Pahīnā vikkhambhitā. Idaṃ panāti ‘‘rūpasmi’’ntiādi.
ဒုတိယအနိစ္စသုတ္တဝဏ္ဏနာ နိဋ္ဌိတာ။
Dutiyaaniccasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. ဒုတိယအနိစ္စသုတ္တံ • 4. Dutiyaaniccasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ဒုတိယအနိစ္စသုတ္တဝဏ္ဏနာ • 4. Dutiyaaniccasuttavaṇṇanā
