| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
4. දුතියඅනිච්‌චසුත්‌තවණ්‌ණනා
4. Dutiyaaniccasuttavaṇṇanā
46. පුබ්‌බන්‌තං අතීතඛන්‌ධකොට්‌ඨාසං. අනුගතාති සස්‌සතාදීනි කප්‌පෙත්‌වා ගහණවසෙන අනුගතා. අට්‌ඨාරස දිට්‌ඨියොති චතස්‌සො සස්‌සතදිට්‌ඨියො, චතස්‌සො එකච්‌චසස්‌සතදිට්‌ඨියො, චතස්‌සො අන්‌තානන්‌තිකදිට්‌ඨියො, චතස්‌සො අමරාවික්‌ඛෙපදිට්‌ඨියො, ද්‌වෙ අධිච්‌චසමුප්‌පන්‌නදිට්‌ඨියොති එවං අට්‌ඨාරස දිට්‌ඨියො න හොන්‌ති පච්‌චයඝාතෙන. අපරන්‌තන්‌ති අනාගතං ඛන්‌ධකොට්‌ඨාසං සස්‌සතාදිභාවං කප්‌පෙත්‌වා ගහණවසෙන අනුගතා. සොළස සඤ්‌ඤීවාදා, අට්‌ඨ අසඤ්‌ඤීවාදා, අට්‌ඨ නෙවසඤ්‌ඤීනාසඤ්‌ඤීවාදා, සත්‌ත උච්‌ඡෙදවාදා, පඤ්‌ච පරමදිට්‌ඨධම්‌මනිබ්‌බානවාදාති එවං චතුචත්‌තාලීස දිට්‌ඨියො න හොන්‌ති පච්‌චයඝාතෙන. සස්‌සතදිට්‌ඨිථාමසො චෙව සීලබ්‌බතදිට්‌ඨිපරාමාසො ච න හොති පච්‌චයඝාතෙන. තෙනාහ ‘‘එත්‌තාවතා පඨමමග්‌ගො දස්‌සිතො’’ති අනවසෙසදිට්‌ඨිපහානකිත්‌තනතො. පහීනා වික්‌ඛම්‌භිතා. ඉදං පනාති ‘‘රූපස්‌මි’’න්‌තිආදි.
46.Pubbantaṃ atītakhandhakoṭṭhāsaṃ. Anugatāti sassatādīni kappetvā gahaṇavasena anugatā. Aṭṭhārasa diṭṭhiyoti catasso sassatadiṭṭhiyo, catasso ekaccasassatadiṭṭhiyo, catasso antānantikadiṭṭhiyo, catasso amarāvikkhepadiṭṭhiyo, dve adhiccasamuppannadiṭṭhiyoti evaṃ aṭṭhārasa diṭṭhiyo na honti paccayaghātena. Aparantanti anāgataṃ khandhakoṭṭhāsaṃ sassatādibhāvaṃ kappetvā gahaṇavasena anugatā. Soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca paramadiṭṭhadhammanibbānavādāti evaṃ catucattālīsa diṭṭhiyo na honti paccayaghātena. Sassatadiṭṭhithāmaso ceva sīlabbatadiṭṭhiparāmāso ca na hoti paccayaghātena. Tenāha ‘‘ettāvatā paṭhamamaggo dassito’’ti anavasesadiṭṭhipahānakittanato. Pahīnā vikkhambhitā. Idaṃ panāti ‘‘rūpasmi’’ntiādi.
දුතියඅනිච්‌චසුත්‌තවණ්‌ණනා නිට්‌ඨිතා.
Dutiyaaniccasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. දුතියඅනිච්‌චසුත්‌තං • 4. Dutiyaaniccasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. දුතියඅනිච්‌චසුත්‌තවණ්‌ණනා • 4. Dutiyaaniccasuttavaṇṇanā
