| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
2. д̣̇уд̇ияаанияад̇асигкаабад̣̇ам̣
2. Dutiyaaniyatasikkhāpadaṃ
452. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа уд̣̇ааяий – ‘‘бхаг̇авад̇аа бадигкид̇д̇ам̣ маад̇уг̇аамзна сад̣̇д̇хим̣ зго згааяа рахо бадижчаннз аасанз алам̣гамманияз нисаж̇ж̇ам̣ габбзд̇у’’нд̇и д̇ассааязва гумааригааяа сад̣̇д̇хим̣ зго згааяа рахо нисаж̇ж̇ам̣ габбзси гаалаяуд̇д̇ам̣ самуллабанд̇о гаалаяуд̇д̇ам̣ д̇хаммам̣ бхан̣анд̇о. д̣̇уд̇ияамби ко висаакаа миг̇аарамаад̇аа ниманд̇ид̇аа д̇ам̣ гулам̣ аг̇амааси. ад̣̇д̣̇асаа ко висаакаа миг̇аарамаад̇аа ааяасманд̇ам̣ уд̣̇ааяим̣ д̇ассааязва гумааригааяа сад̣̇д̇хим̣ згам̣ згааяа рахо нисиннам̣. д̣̇исваана ааяасманд̇ам̣ уд̣̇ааяим̣ зд̇ад̣̇авожа – ‘‘ид̣̇ам̣, бханд̇з, нажчаннам̣ наббад̇ируубам̣ яам̣ аяяо маад̇уг̇аамзна сад̣̇д̇хим̣ зго згааяа рахо нисаж̇ж̇ам̣ габбзд̇и. гин̃жааби, бханд̇з, аяяо анад̇т̇иго д̇зна д̇хаммзна, абижа д̣̇уссад̣̇д̇хаабаяаа аббасаннаа мануссаа’’д̇и. звамби ко ааяасмаа уд̣̇ааяий висаакааяа миг̇аарамаад̇уяаа вужжамаано наад̣̇ияи. ат̇а ко висаакаа миг̇аарамаад̇аа нигкамид̇ваа бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа уд̣̇ааяий маад̇уг̇аамзна сад̣̇д̇хим̣ зго згааяа рахо нисаж̇ж̇ам̣ габбзссад̇ий’’д̇и! ат̇а ко д̇з бхигкуу ааяасманд̇ам̣ уд̣̇ааяим̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣ …бз… ‘‘сажжам̣ гира д̇вам̣, уд̣̇ааяи, маад̇уг̇аамзна сад̣̇д̇хим̣ зго згааяа рахо нисаж̇ж̇ам̣ габбзсий’’д̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, маад̇уг̇аамзна сад̣̇д̇хим̣ зго згааяа рахо нисаж̇ж̇ам̣ габбзссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
452. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī – ‘‘bhagavatā paṭikkhittaṃ mātugāmena saddhiṃ eko ekāya raho paṭicchanne āsane alaṃkammaniye nisajjaṃ kappetu’’nti tassāyeva kumārikāya saddhiṃ eko ekāya raho nisajjaṃ kappesi kālayuttaṃ samullapanto kālayuttaṃ dhammaṃ bhaṇanto. Dutiyampi kho visākhā migāramātā nimantitā taṃ kulaṃ agamāsi. Addasā kho visākhā migāramātā āyasmantaṃ udāyiṃ tassāyeva kumārikāya saddhiṃ ekaṃ ekāya raho nisinnaṃ. Disvāna āyasmantaṃ udāyiṃ etadavoca – ‘‘idaṃ, bhante, nacchannaṃ nappatirūpaṃ yaṃ ayyo mātugāmena saddhiṃ eko ekāya raho nisajjaṃ kappeti. Kiñcāpi, bhante, ayyo anatthiko tena dhammena, apica dussaddhāpayā appasannā manussā’’ti. Evampi kho āyasmā udāyī visākhāya migāramātuyā vuccamāno nādiyi. Atha kho visākhā migāramātā nikkhamitvā bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī mātugāmena saddhiṃ eko ekāya raho nisajjaṃ kappessatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ …pe… ‘‘saccaṃ kira tvaṃ, udāyi, mātugāmena saddhiṃ eko ekāya raho nisajjaṃ kappesī’’ti? ‘‘Saccaṃ bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, mātugāmena saddhiṃ eko ekāya raho nisajjaṃ kappessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
453. ‘‘на хзва ко бана бадижчаннам̣ аасанам̣ ход̇и наалам̣ гамманияам̣, алан̃жа ко ход̇и маад̇уг̇аамам̣ д̣̇удтуллаахи ваажаахи обхаасид̇ум̣. яо бана бхигку д̇ат̇ааруубз аасанз маад̇уг̇аамзна сад̣̇д̇хим̣ зго згааяа рахо нисаж̇ж̇ам̣ габбзяяа, д̇амзнам̣ сад̣̇д̇хзяяаважасаа убаасигаа д̣̇исваа д̣̇виннам̣ д̇хаммаанам̣ ан̃н̃ад̇арзна вад̣̇зяяа – сан̇гхаад̣̇исзсзна ваа баажид̇д̇иязна ваа. нисаж̇ж̇ам̣ бхигку бадиж̇аанамаано д̣̇виннам̣ д̇хаммаанам̣ ан̃н̃ад̇арзна гаарзд̇аб̣б̣о – сан̇гхаад̣̇исзсзна ваа баажид̇д̇иязна ваа. язна ваа саа сад̣̇д̇хзяяаважасаа убаасигаа вад̣̇зяяа д̇зна со бхигку гаарзд̇аб̣б̣о. аяамби д̇хаммо анияад̇о’’д̇и.
453.‘‘Na heva kho pana paṭicchannaṃ āsanaṃ hoti nālaṃ kammaniyaṃ, alañca kho hoti mātugāmaṃ duṭṭhullāhi vācāhi obhāsituṃ. Yo pana bhikkhu tathārūpe āsane mātugāmena saddhiṃ eko ekāya raho nisajjaṃ kappeyya, tamenaṃ saddheyyavacasā upāsikā disvā dvinnaṃ dhammānaṃ aññatarena vadeyya – saṅghādisesena vā pācittiyena vā. Nisajjaṃ bhikkhu paṭijānamāno dvinnaṃ dhammānaṃ aññatarena kāretabbo – saṅghādisesena vā pācittiyena vā. Yena vā sāsaddheyyavacasā upāsikā vadeyya tena so bhikkhu kāretabbo. Ayampi dhammo aniyato’’ti.
454. на хзва ко бана бадижчаннам̣ аасанам̣ ход̇ийд̇и аббадижчаннам̣ ход̇и гуддзна ваа гаваадзна ваа гилан̃ж̇зна ваа саан̣ибаагаарзна ваа ругкзна ваа т̇амбхзна ваа год̇т̇ал̣ияаа ваа язна гзнажи аббадижчаннам̣ ход̇и.
454.Na hevakho pana paṭicchannaṃ āsanaṃ hotīti appaṭicchannaṃ hoti kuṭṭena vā kavāṭena vā kilañjena vā sāṇipākārena vā rukkhena vā thambhena vā kotthaḷiyā vā yena kenaci appaṭicchannaṃ hoti.
наалам̣ гамманияанд̇и на саггаа ход̇и мзт̇унам̣ д̇хаммам̣ бадисзвид̇ум̣.
Nālaṃkammaniyanti na sakkā hoti methunaṃ dhammaṃ paṭisevituṃ.
алан̃жа ко ход̇и маад̇уг̇аамам̣ д̣̇удтуллаахи ваажаахи обхаасид̇унд̇и саггаа ход̇и маад̇уг̇аамам̣ д̣̇удтуллаахи ваажаахи обхаасид̇ум̣.
Alañca kho hoti mātugāmaṃ duṭṭhullāhi vācāhi obhāsitunti sakkā hoti mātugāmaṃ duṭṭhullāhi vācāhi obhāsituṃ.
яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
Yopanāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
д̇ат̇ааруубз аасанзд̇и зваруубз аасанз.
Tathārūpe āsaneti evarūpe āsane.
маад̇уг̇аамо наама мануссид̇т̇ий, на яагкий на бзд̇ий на д̇иражчаанаг̇ад̇аа, вин̃н̃уу бадиб̣алаа субхаасид̇ад̣̇уб̣бхаасид̇ам̣ д̣̇удтуллаад̣̇удтуллам̣ ааж̇аанид̇ум̣.
Mātugāmo nāma manussitthī, na yakkhī na petī na tiracchānagatā, viññū paṭibalā subhāsitadubbhāsitaṃ duṭṭhullāduṭṭhullaṃ ājānituṃ.
сад̣̇д̇хинд̇и згад̇о.
Saddhinti ekato.
зго згааяаад̇и бхигку жзва ход̇и маад̇уг̇аамо жа.
Eko ekāyāti bhikkhu ceva hoti mātugāmo ca.
рахо наама жагкусса рахо, сод̇асса рахо. жагкусса рахо наама на саггаа ход̇и агким̣ ваа никан̣ийяамаанз бхамугам̣ ваа угкибийяамаанз сийсам̣ ваа угкибийяамаанз бассид̇ум̣. сод̇асса рахо наама на саггаа ход̇и багад̇игат̇аа сод̇ум̣.
Raho nāma cakkhussa raho, sotassa raho. Cakkhussa raho nāma na sakkā hoti akkhiṃ vā nikhaṇīyamāne bhamukaṃ vā ukkhipīyamāne sīsaṃ vā ukkhipīyamāne passituṃ. Sotassa raho nāma na sakkā hoti pakatikathā sotuṃ.
нисаж̇ж̇ам̣ габбзяяаад̇и маад̇уг̇аамз нисиннз бхигку убанисинно ваа ход̇и убанибанно ваа. бхигку нисиннз маад̇уг̇аамо убанисинно ваа ход̇и убанибанно ваа. убхо ваа нисиннаа хонд̇и убхо ваа нибаннаа.
Nisajjaṃ kappeyyāti mātugāme nisinne bhikkhu upanisinno vā hoti upanipanno vā. Bhikkhu nisinne mātugāmo upanisinno vā hoti upanipanno vā. Ubho vā nisinnā honti ubho vā nipannā.
сад̣̇д̇хзяяаважасаа наама ааг̇ад̇апалаа абхисамзд̇аавиний вин̃н̃аад̇асаасанаа.
Saddheyyavacasā nāma āgataphalā abhisametāvinī viññātasāsanā.
убаасигаа наама б̣уд̣̇д̇хам̣ саран̣ам̣ г̇ад̇аа, д̇хаммам̣ саран̣ам̣ г̇ад̇аа, сан̇гхам̣ саран̣ам̣ г̇ад̇аа.
Upāsikā nāma buddhaṃ saraṇaṃ gatā, dhammaṃ saraṇaṃ gatā, saṅghaṃ saraṇaṃ gatā.
д̣̇исваад̇и бассид̇ваа.
Disvāti passitvā.
д̣̇виннам̣ д̇хаммаанам̣ ан̃н̃ад̇арзна вад̣̇зяяа сан̇гхаад̣̇исзсзна ваа баажид̇д̇иязна ваа. нисаж̇ж̇ам̣ бхигку бадиж̇аанамаано д̣̇виннам̣ д̇хаммаанам̣ ан̃н̃ад̇арзна гаарзд̇аб̣б̣о – сан̇гхаад̣̇исзсзна ваа баажид̇д̇иязна ваа. язна ваа саа сад̣̇д̇хзяяаважасаа убаасигаа вад̣̇зяяа, д̇зна со бхигку гаарзд̇аб̣б̣о.
Dvinnaṃ dhammānaṃ aññatarena vadeyya saṅghādisesena vā pācittiyena vā. Nisajjaṃ bhikkhu paṭijānamāno dvinnaṃ dhammānaṃ aññatarena kāretabbo – saṅghādisesena vā pācittiyena vā. Yena vā sā saddheyyavacasā upāsikā vadeyya, tena so bhikkhu kāretabbo.
455. саа жз звам̣ вад̣̇зяяа – ‘‘аяяо маяаа д̣̇идто нисинно маад̇уг̇аамзна сад̣̇д̇хим̣ гааяасам̣саг̇г̇ам̣ самаабаж̇ж̇анд̇о’’д̇и, со жа д̇ам̣ бадиж̇аанаад̇и, аабад̇д̇ияаа гаарзд̇аб̣б̣о. саа жз звам̣ вад̣̇зяяа – ‘‘аяяо маяаа д̣̇идто нисинно маад̇уг̇аамзна сад̣̇д̇хим̣ гааяасам̣саг̇г̇ам̣ самаабаж̇ж̇анд̇о’’д̇и, со жз звам̣ вад̣̇зяяа – ‘‘сажжаахам̣ нисинно, но жа ко гааяасам̣саг̇г̇ам̣ самаабаж̇ж̇и’’нд̇и, нисаж̇ж̇ааяа гаарзд̇аб̣б̣о…бз… наахам̣ нисинно, абижа ко нибаннод̇и, нибаж̇ж̇ааяа гаарзд̇аб̣б̣о…бз… наахам̣ нисинно, абижа ко тид̇од̇и, на гаарзд̇аб̣б̣о.
455. Sā ce evaṃ vadeyya – ‘‘ayyo mayā diṭṭho nisinno mātugāmena saddhiṃ kāyasaṃsaggaṃ samāpajjanto’’ti, so ca taṃ paṭijānāti, āpattiyā kāretabbo. Sā ce evaṃ vadeyya – ‘‘ayyo mayā diṭṭho nisinno mātugāmena saddhiṃ kāyasaṃsaggaṃ samāpajjanto’’ti, so ce evaṃ vadeyya – ‘‘saccāhaṃ nisinno, no ca kho kāyasaṃsaggaṃ samāpajji’’nti, nisajjāya kāretabbo…pe… nāhaṃ nisinno, apica kho nipannoti, nipajjāya kāretabbo…pe… nāhaṃ nisinno, apica kho ṭhitoti, na kāretabbo.
саа жз звам̣ вад̣̇зяяа – ‘‘аяяо маяаа д̣̇идто нибанно маад̇уг̇аамзна сад̣̇д̇хим̣ гааяасам̣саг̇г̇ам̣ самаабаж̇ж̇анд̇о’’д̇и, со жа д̇ам̣ бадиж̇аанаад̇и, аабад̇д̇ияаа гаарзд̇аб̣б̣о…бз… сажжаахам̣ нибанно, но жа ко гааяасам̣саг̇г̇ам̣ самаабаж̇ж̇инд̇и, нибаж̇ж̇ааяа гаарзд̇аб̣б̣о…бз… наахам̣ нибанно, абижа ко нисиннод̇и, нисаж̇ж̇ааяа гаарзд̇аб̣б̣о …бз… наахам̣ нибанно, абижа ко тид̇од̇и, на гаарзд̇аб̣б̣о.
Sā ce evaṃ vadeyya – ‘‘ayyo mayā diṭṭho nipanno mātugāmena saddhiṃ kāyasaṃsaggaṃ samāpajjanto’’ti, so ca taṃ paṭijānāti, āpattiyā kāretabbo…pe… saccāhaṃ nipanno, no ca kho kāyasaṃsaggaṃ samāpajjinti, nipajjāya kāretabbo…pe… nāhaṃ nipanno, apica kho nisinnoti, nisajjāya kāretabbo …pe… nāhaṃ nipanno, apica kho ṭhitoti, na kāretabbo.
саа жз звам̣ вад̣̇зяяа – ‘‘аяяасса маяаа суд̇ам̣ нисиннасса маад̇уг̇аамам̣ д̣̇удтуллаахи ваажаахи обхаасанд̇ассаа’’д̇и, со жа д̇ам̣ бадиж̇аанаад̇и, аабад̇д̇ияаа гаарзд̇аб̣б̣о. саа жз звам̣ вад̣̇зяяа – ‘‘аяяасса маяаа суд̇ам̣ нисиннасса маад̇уг̇аамам̣ д̣̇удтуллаахи ваажаахи обхаасанд̇ассаа’’д̇и, со жз звам̣ вад̣̇зяяа – ‘‘сажжаахам̣ нисинно, но жа ко д̣̇удтуллаахи ваажаахи обхааси’’нд̇и, нисаж̇ж̇ааяа гаарзд̇аб̣б̣о…бз… наахам̣ нисинно, абижа ко нибаннод̇и, нибаж̇ж̇ааяа гаарзд̇аб̣б̣о…бз… наахам̣ нисинно, абижа ко тид̇од̇и, на гаарзд̇аб̣б̣о.
Sā ce evaṃ vadeyya – ‘‘ayyassa mayā sutaṃ nisinnassa mātugāmaṃ duṭṭhullāhi vācāhi obhāsantassā’’ti, so ca taṃ paṭijānāti, āpattiyā kāretabbo. Sā ce evaṃ vadeyya – ‘‘ayyassa mayā sutaṃ nisinnassa mātugāmaṃ duṭṭhullāhi vācāhi obhāsantassā’’ti, so ce evaṃ vadeyya – ‘‘saccāhaṃ nisinno, no ca kho duṭṭhullāhi vācāhi obhāsi’’nti, nisajjāya kāretabbo…pe… nāhaṃ nisinno, apica kho nipannoti, nipajjāya kāretabbo…pe… nāhaṃ nisinno, apica kho ṭhitoti, na kāretabbo.
саа жз звам̣ вад̣̇зяяа – ‘‘аяяасса маяаа суд̇ам̣ нибаннасса маад̇уг̇аамам̣ д̣̇удтуллаахи ваажаахи обхаасанд̇ассаа’’д̇и, со жа д̇ам̣ бадиж̇аанаад̇и, аабад̇д̇ияаа гаарзд̇аб̣б̣о…бз… сажжаахам̣ нибанно но жа ко д̣̇удтуллаахи ваажаахи обхаасинд̇и, нибаж̇ж̇ааяа гаарзд̇аб̣б̣о…бз… наахам̣ нибанно, абижа ко нисиннод̇и, нисаж̇ж̇ааяа гаарзд̇аб̣б̣о…бз… наахам̣ нибанно, абижа ко тид̇од̇и, на гаарзд̇аб̣б̣о.
Sā ce evaṃ vadeyya – ‘‘ayyassa mayā sutaṃ nipannassa mātugāmaṃ duṭṭhullāhi vācāhi obhāsantassā’’ti, so ca taṃ paṭijānāti, āpattiyā kāretabbo…pe… saccāhaṃ nipanno no ca kho duṭṭhullāhi vācāhi obhāsinti, nipajjāya kāretabbo…pe… nāhaṃ nipanno, apica kho nisinnoti, nisajjāya kāretabbo…pe… nāhaṃ nipanno, apica kho ṭhitoti, na kāretabbo.
456. саа жз звам̣ вад̣̇зяяа – ‘‘аяяо маяаа д̣̇идто маад̇уг̇аамзна сад̣̇д̇хим̣ зго згааяа рахо нисинно’’д̇и, со жа д̇ам̣ бадиж̇аанаад̇и, нисаж̇ж̇ааяа гаарзд̇аб̣б̣о…бз… наахам̣ нисинно, абижа ко нибаннод̇и, нибаж̇ж̇ааяа гаарзд̇аб̣б̣о…бз… наахам̣ нисинно, абижа ко тид̇од̇и, на гаарзд̇аб̣б̣о.
456. Sā ce evaṃ vadeyya – ‘‘ayyo mayā diṭṭho mātugāmena saddhiṃ eko ekāya raho nisinno’’ti, so ca taṃ paṭijānāti, nisajjāya kāretabbo…pe… nāhaṃ nisinno, apica kho nipannoti, nipajjāya kāretabbo…pe… nāhaṃ nisinno, apica kho ṭhitoti, na kāretabbo.
саа жз звам̣ вад̣̇зяяа – ‘‘аяяо маяаа д̣̇идто маад̇уг̇аамзна сад̣̇д̇хим̣ зго згааяа рахо нибанно’’д̇и, со жа д̇ам̣ бадиж̇аанаад̇и, нибаж̇ж̇ааяа гаарзд̇аб̣б̣о…бз… наахам̣ нибанно, абижа ко нисиннод̇и, нисаж̇ж̇ааяа гаарзд̇аб̣б̣о…бз… наахам̣ нибанно, абижа ко тид̇од̇и, на гаарзд̇аб̣б̣о.
Sā ce evaṃ vadeyya – ‘‘ayyo mayā diṭṭho mātugāmena saddhiṃ eko ekāya raho nipanno’’ti, so ca taṃ paṭijānāti, nipajjāya kāretabbo…pe… nāhaṃ nipanno, apica kho nisinnoti, nisajjāya kāretabbo…pe… nāhaṃ nipanno, apica kho ṭhitoti, na kāretabbo.
аяамбийд̇и буримам̣ убаад̣̇ааяа вужжад̇и.
Ayampīti purimaṃ upādāya vuccati.
анияад̇од̇и на нияад̇о, сан̇гхаад̣̇исзсо ваа баажид̇д̇ияам̣ ваа.
Aniyatoti na niyato, saṅghādiseso vā pācittiyaṃ vā.
457. г̇аманам̣ бадиж̇аанаад̇и нисаж̇ж̇ам̣ бадиж̇аанаад̇и аабад̇д̇им̣ бадиж̇аанаад̇и, аабад̇д̇ияаа гаарзд̇аб̣б̣о. г̇аманам̣ бадиж̇аанаад̇и нисаж̇ж̇ам̣ на бадиж̇аанаад̇и аабад̇д̇им̣ бадиж̇аанаад̇и, аабад̇д̇ияаа гаарзд̇аб̣б̣о. г̇аманам̣ бадиж̇аанаад̇и нисаж̇ж̇ам̣ бадиж̇аанаад̇и аабад̇д̇им̣ на бадиж̇аанаад̇и, нисаж̇ж̇ааяа гаарзд̇аб̣б̣о. г̇аманам̣ бадиж̇аанаад̇и нисаж̇ж̇ам̣ на бадиж̇аанаад̇и аабад̇д̇им̣ на бадиж̇аанаад̇и, на гаарзд̇аб̣б̣о.
457. Gamanaṃ paṭijānāti nisajjaṃ paṭijānāti āpattiṃ paṭijānāti, āpattiyā kāretabbo. Gamanaṃ paṭijānāti nisajjaṃ na paṭijānāti āpattiṃ paṭijānāti, āpattiyā kāretabbo. Gamanaṃ paṭijānāti nisajjaṃ paṭijānāti āpattiṃ na paṭijānāti, nisajjāya kāretabbo. Gamanaṃ paṭijānāti nisajjaṃ na paṭijānāti āpattiṃ na paṭijānāti, na kāretabbo.
г̇аманам̣ на бадиж̇аанаад̇и нисаж̇ж̇ам̣ бадиж̇аанаад̇и аабад̇д̇им̣ бадиж̇аанаад̇и, аабад̇д̇ияаа гаарзд̇аб̣б̣о. г̇аманам̣ на бадиж̇аанаад̇и нисаж̇ж̇ам̣ на бадиж̇аанаад̇и аабад̇д̇им̣ бадиж̇аанаад̇и, аабад̇д̇ияаа гаарзд̇аб̣б̣о. г̇аманам̣ на бадиж̇аанаад̇и нисаж̇ж̇ам̣ бадиж̇аанаад̇и аабад̇д̇им̣ на бадиж̇аанаад̇и , нисаж̇ж̇ааяа гаарзд̇аб̣б̣о. г̇аманам̣ на бадиж̇аанаад̇и нисаж̇ж̇ам̣ на бадиж̇аанаад̇и аабад̇д̇им̣ на бадиж̇аанаад̇и, на гаарзд̇аб̣б̣од̇и.
Gamanaṃ na paṭijānāti nisajjaṃ paṭijānāti āpattiṃ paṭijānāti, āpattiyā kāretabbo. Gamanaṃ na paṭijānāti nisajjaṃ na paṭijānāti āpattiṃ paṭijānāti, āpattiyā kāretabbo. Gamanaṃ na paṭijānāti nisajjaṃ paṭijānāti āpattiṃ na paṭijānāti , nisajjāya kāretabbo. Gamanaṃ na paṭijānāti nisajjaṃ na paṭijānāti āpattiṃ na paṭijānāti, na kāretabboti.
д̣̇уд̇ияо анияад̇о нидтид̇о.
Dutiyo aniyato niṭṭhito.
458. уд̣̇д̣̇идтаа ко ааяасманд̇о д̣̇вз анияад̇аа д̇хаммаа. д̇ад̇т̇ааяасманд̇з бужчаами – ‘‘гажжид̇т̇а барисуд̣̇д̇хаа’’? д̣̇уд̇ияамби бужчаами – ‘‘гажжид̇т̇а барисуд̣̇д̇хаа’’? д̇ад̇ияамби бужчаами – ‘‘гажжид̇т̇а барисуд̣̇д̇хаа’’? барисуд̣̇д̇хзд̇т̇ааяасманд̇о; д̇асмаа д̇ун̣хий, звамзд̇ам̣ д̇хаараяаамийд̇и.
458. Uddiṭṭhā kho āyasmanto dve aniyatā dhammā. Tatthāyasmante pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyasmanto; tasmā tuṇhī, evametaṃ dhārayāmīti.
д̇ассуд̣̇д̣̇аанам̣ –
Tassuddānaṃ –
алам̣ гамманияан̃жзва, д̇ат̇зва жа нахзва ко;
Alaṃ kammaniyañceva, tatheva ca naheva kho;
анияад̇аа субан̃н̃ад̇д̇аа, б̣уд̣̇д̇хасздтзна д̇аад̣̇инаад̇и.
Aniyatā supaññattā, buddhaseṭṭhena tādināti.
анияад̇аган̣д̣ам̣ нидтид̇ам̣.
Aniyatakaṇḍaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
