| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
2. д̣̇уд̇ияаанияад̇асигкаабад̣̇аван̣н̣анаа
2. Dutiyaaniyatasikkhāpadavaṇṇanā
452. д̇зна самаязна б̣уд̣̇д̇хо бхаг̇аваад̇и д̣̇уд̇ияаанияад̇асигкаабад̣̇ам̣. д̇ад̇т̇а бхаг̇авад̇аа бадигкид̇д̇анд̇иаад̣̇имхи ‘‘яам̣ зго згааяа рахо бадижчаннз аасанз алам̣гамманияз нисаж̇ж̇ам̣ габбзяяа, д̇ам̣ нисаж̇ж̇ам̣ габбзд̇ум̣ бадигкид̇д̇а’’нд̇и звам̣ самб̣анд̇хо взд̣̇ид̇аб̣б̣о. ид̇арат̇аа хи ‘‘згасса згааяаа’’д̇и вад̇д̇аб̣б̣ам̣ сияаа, гасмаа? ‘‘бадигкид̇д̇а’’нд̇и вуд̇д̇ад̇д̇аа. саамиад̇т̇з ваа зд̇ам̣ бажжад̇д̇аважанам̣ взд̣̇ид̇аб̣б̣ам̣.
452.Tena samayena buddho bhagavāti dutiyaaniyatasikkhāpadaṃ. Tattha bhagavatā paṭikkhittantiādimhi ‘‘yaṃ eko ekāya raho paṭicchanne āsane alaṃkammaniye nisajjaṃ kappeyya, taṃ nisajjaṃ kappetuṃ paṭikkhitta’’nti evaṃ sambandho veditabbo. Itarathā hi ‘‘ekassa ekāyā’’ti vattabbaṃ siyā, kasmā? ‘‘Paṭikkhitta’’nti vuttattā. Sāmiatthe vā etaṃ paccattavacanaṃ veditabbaṃ.
453. на хзва ко бана бадижчаннанд̇и зд̇т̇а бана яамби б̣ахи баригкид̇д̇ам̣ анд̇о вивадам̣ баривзн̣ан̇г̇ан̣аад̣̇и, д̇амби анд̇ог̇ад̇ханд̇и взд̣̇ид̇аб̣б̣ам̣. зваруубан̃хи таанам̣ аббадижчаннзязва г̇ахид̇анд̇и махаабажжарияам̣ вуд̇д̇ам̣. сзсам̣ батамасигкаабад̣̇анаязнзва взд̣̇ид̇аб̣б̣ам̣. гзвалан̃хи ид̇ха ид̇т̇ийби бурисоби яо гожи вин̃н̃уу ананд̇хо аб̣ад̇хиро анд̇од̣̇ваад̣̇асахад̇т̇з огаасз тид̇о ваа нисинно ваа вигкид̇д̇оби нид̣̇д̣̇ааяанд̇оби анаабад̇д̇им̣ гарод̇и. б̣ад̇хиро бана жагкумааби анд̇хо ваа аб̣ад̇хироби на гарод̇и. баарааж̇игаабад̇д̇ин̃жа барихаабзд̇ваа д̣̇удтуллаваажаабад̇д̇и вуд̇д̇аад̇и аяам̣ висзсо. сзсам̣ буримасад̣̇исамзва. убхаяад̇т̇ааби уммад̇д̇агааад̣̇игаммигаанам̣ анаабад̇д̇и.
453.Na heva kho pana paṭicchannanti ettha pana yampi bahi parikkhittaṃ anto vivaṭaṃ pariveṇaṅgaṇādi, tampi antogadhanti veditabbaṃ. Evarūpañhi ṭhānaṃ appaṭicchanneyeva gahitanti mahāpaccariyaṃ vuttaṃ. Sesaṃ paṭhamasikkhāpadanayeneva veditabbaṃ. Kevalañhi idha itthīpi purisopi yo koci viññū anandho abadhiro antodvādasahatthe okāse ṭhito vā nisinno vā vikkhittopi niddāyantopi anāpattiṃ karoti. Badhiro pana cakkhumāpi andho vā abadhiropi na karoti. Pārājikāpattiñca parihāpetvā duṭṭhullavācāpatti vuttāti ayaṃ viseso. Sesaṃ purimasadisameva. Ubhayatthāpi ummattakaādikammikānaṃ anāpatti.
самудтаанаад̣̇ийсу ид̣̇ам̣сигкаабад̣̇ам̣ д̇исамудтаанам̣ – гааяажид̇д̇ад̇о, ваажаажид̇д̇ад̇о, гааяаваажаажид̇д̇ад̇о жа самудтаад̇и. гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, сукамаж̇жхад̇д̇авзд̣̇анаахи д̣̇вивзд̣̇анам̣. сзсам̣ уд̇д̇аанад̇т̇амзваад̇и.
Samuṭṭhānādīsu idaṃsikkhāpadaṃ tisamuṭṭhānaṃ – kāyacittato, vācācittato, kāyavācācittato ca samuṭṭhāti. Kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, sukhamajjhattavedanāhi dvivedanaṃ. Sesaṃ uttānatthamevāti.
д̣̇уд̇ияаанияад̇асигкаабад̣̇аван̣н̣анаа нидтид̇аа.
Dutiyaaniyatasikkhāpadavaṇṇanā niṭṭhitā.
саманд̇абаасаад̣̇игааяа винаяасам̣ван̣н̣анааяа
Samantapāsādikāya vinayasaṃvaṇṇanāya
анияад̇аван̣н̣анаа нидтид̇аа.
Aniyatavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияаанияад̇асигкаабад̣̇ам̣ • 2. Dutiyaaniyatasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
