| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. д̣̇уд̇ияаанияад̇асигкаабад̣̇аван̣н̣анаа
2. Dutiyaaniyatasikkhāpadavaṇṇanā
нахзва ко бана бадижчаннанд̇и зд̇т̇а бана яамби б̣ахи баригкид̇д̇ам̣ анд̇о вивадам̣ баривзн̣ан̇г̇ан̣аад̣̇и, д̇амби анд̇ог̇ад̇ханд̇и взд̣̇ид̇аб̣б̣ам̣. ‘‘зваруубан̃хи таанам̣ аббадижчаннзязва г̇ахид̇а’’нд̇и махаабажжарияам̣ (баараа. адта. 2.453) вуд̇д̇ам̣. сан̇гхаад̣̇исзсзна ваад̇и гааяасам̣саг̇г̇ад̣̇удтуллобхаасанасан̇каад̇зна сан̇гхаад̣̇исзсзна ваа. д̇знзва хи бад̣̇абхааж̇анз ‘‘саа жз звам̣ вад̣̇зяяа ‘аяяо, маяаа д̣̇идто нисинно маад̇уг̇аамзна сад̣̇д̇хим̣ гааяасам̣саг̇г̇ам̣ самаабаж̇ж̇анд̇о’’’д̇иаад̣̇и (баараа. 455) вуд̇д̇ам̣. ид̣̇ам̣ сигкаабад̣̇ам̣ д̣̇удтуллаваажаавасзна ааг̇ад̇ам̣. д̣̇удтуллаваажан̃жа суд̇ваа д̇ам̣ маад̇уг̇аамоби на бадижчаад̣̇зд̇и. д̇ат̇аа хи д̣̇удтуллаваажаасигкаабад̣̇з (баараа. 283 аад̣̇аяо) яаа бана д̇аа ид̇т̇ияо хириманаа, д̇аа нигкамид̇ваа бхигкуу уж̇жхаабзсум̣, д̇асмаа ид̇ха ид̇т̇ийби анаабад̇д̇им̣ гарод̇ийд̇и ааха ‘‘ид̇т̇ийбий’’д̇и. ат̇а ваа ид̇ха аббадижчаннад̇д̇аа ид̇т̇ийби анаабад̇д̇им̣ гарод̇и, батамз бана бадижчаннад̇д̇аа ид̇т̇исад̇амби анаабад̇д̇им̣ на гарод̇ийд̇и звамзд̇т̇а ад̇т̇о д̣̇адтаб̣б̣о. ананд̇хо аб̣ад̇хирод̇и зд̇т̇а гааяасам̣саг̇г̇авасзна ананд̇хо вуд̇д̇о, д̣̇удтуллаваажаавасзна аб̣ад̇хиро.
Naheva kho pana paṭicchannanti ettha pana yampi bahi parikkhittaṃ anto vivaṭaṃ pariveṇaṅgaṇādi, tampi antogadhanti veditabbaṃ. ‘‘Evarūpañhi ṭhānaṃ appaṭicchanneyeva gahita’’nti mahāpaccariyaṃ (pārā. aṭṭha. 2.453) vuttaṃ. Saṅghādisesena vāti kāyasaṃsaggaduṭṭhullobhāsanasaṅkhātena saṅghādisesena vā. Teneva hi padabhājane ‘‘sā ce evaṃ vadeyya ‘ayyo, mayā diṭṭho nisinno mātugāmena saddhiṃ kāyasaṃsaggaṃ samāpajjanto’’’tiādi (pārā. 455) vuttaṃ. Idaṃ sikkhāpadaṃ duṭṭhullavācāvasena āgataṃ. Duṭṭhullavācañca sutvā taṃ mātugāmopi na paṭicchādeti. Tathā hi duṭṭhullavācāsikkhāpade (pārā. 283 ādayo) yā pana tā itthiyo hirimanā, tā nikkhamitvā bhikkhū ujjhāpesuṃ, tasmā idha itthīpi anāpattiṃ karotīti āha ‘‘itthīpī’’ti. Atha vā idha appaṭicchannattā itthīpi anāpattiṃ karoti, paṭhame pana paṭicchannattā itthisatampi anāpattiṃ na karotīti evamettha attho daṭṭhabbo. Anandho abadhiroti ettha kāyasaṃsaggavasena anandho vutto, duṭṭhullavācāvasena abadhiro.
самудтаанаад̣̇ийсу ид̣̇ам̣ сигкаабад̣̇ам̣ д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, сукамаж̇жхад̇д̇авзд̣̇анаахи д̣̇вивзд̣̇анам̣. д̇знааха ‘‘самудтаанаад̣̇ийни банзд̇т̇а ад̣̇иннаад̣̇аанасад̣̇исаанзваа’’д̇и. зд̇т̇а жа гааяасам̣саг̇г̇ам̣ самаабаж̇ж̇анд̇о д̣̇удтулламби бхан̣ад̇и, д̣̇удтуллам̣ бхан̣анд̇о нисийд̣̇ад̇и жаад̇и ‘‘гааяаваажаажид̇д̇ад̇о жа самудтаад̇ий’’д̇и вуд̇д̇ам̣, д̣̇удтулламзва ваа санд̇хааяа вуд̇д̇анд̇и г̇ахзд̇аб̣б̣ам̣.
Samuṭṭhānādīsu idaṃ sikkhāpadaṃ tisamuṭṭhānaṃ – kāyacittato vācācittato kāyavācācittato samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, sukhamajjhattavedanāhi dvivedanaṃ. Tenāha ‘‘samuṭṭhānādīni panettha adinnādānasadisānevā’’ti. Ettha ca kāyasaṃsaggaṃ samāpajjanto duṭṭhullampi bhaṇati, duṭṭhullaṃ bhaṇanto nisīdati cāti ‘‘kāyavācācittato ca samuṭṭhātī’’ti vuttaṃ, duṭṭhullameva vā sandhāya vuttanti gahetabbaṃ.
д̣̇уд̇ияаанияад̇асигкаабад̣̇аван̣н̣анаа нидтид̇аа.
Dutiyaaniyatasikkhāpadavaṇṇanā niṭṭhitā.
‘‘анияад̇уд̣̇д̣̇зсо жааяам̣ д̣̇идтаад̣̇исамуулагажод̣̇анааяа вад̇т̇ум̣ бадиж̇аанамаанова аабад̇д̇ияаа гаарзд̇аб̣б̣о, на ид̇арод̇и аабад̇д̇иробанааробаналагкан̣ад̣̇ассанад̇т̇ам̣ вуд̇д̇о’’д̇и вад̣̇анд̇и.
‘‘Aniyatuddeso cāyaṃ diṭṭhādisamūlakacodanāya vatthuṃ paṭijānamānova āpattiyā kāretabbo, na itaroti āpattiropanāropanalakkhaṇadassanatthaṃ vutto’’ti vadanti.
ид̇и ган̇каавид̇аран̣ияаа баад̇имогкаван̣н̣анааяа
Iti kaṅkhāvitaraṇiyā pātimokkhavaṇṇanāya
винаяад̇т̇аман̃ж̇уусааяам̣ лийнад̇т̇аббагаасанияам̣
Vinayatthamañjūsāyaṃ līnatthappakāsaniyaṃ
анияад̇аван̣н̣анаа нидтид̇аа.
Aniyatavaṇṇanā niṭṭhitā.
