| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. д̣̇уд̇ияаанияад̇асигкаабад̣̇аван̣н̣анаа
2. Dutiyaaniyatasikkhāpadavaṇṇanā
453. д̣̇уд̇ияз гзсужи бод̇т̇агзсу ‘‘на хзва ко бана бадижчаннам̣ аасанам̣ ход̇и аасана’’нд̇и ликид̇ам̣. ‘‘аасананд̇и ад̇хигам̣, уд̣̇д̇харид̇аанурууба’’нд̇и ликид̇ам̣. д̣̇взби рахаа ид̇ха ад̇хиббзд̇аа гааяасам̣саг̇г̇ад̣̇удтуллаваажаарахонисаж̇ж̇аг̇г̇ахан̣ад̇о. яад̣̇и звам̣ ‘‘маад̇уг̇аамо наама вин̃н̃уу бадиб̣алаа’’д̇и гимад̇т̇ам̣ вуд̇д̇анд̇и? аяамзва хи маад̇уг̇аамо д̣̇виннамби гааяасам̣саг̇г̇ад̣̇удтуллаваажаанам̣ згад̇о вад̇т̇убхууд̇о, д̇асмаа вуд̇д̇ам̣. гааяасам̣саг̇г̇асса вад̇т̇убхууд̇о д̣̇ассид̇о, на ид̇арассаад̇и гад̇ваа д̣̇удтуллаваажамзва санд̇хааяа д̇ассаа вад̇т̇ум̣ д̣̇ассзнд̇о звамааха.
453. Dutiye kesuci potthakesu ‘‘na heva kho pana paṭicchannaṃ āsanaṃ hoti āsana’’nti likhitaṃ. ‘‘Āsananti adhikaṃ, uddharitānurūpa’’nti likhitaṃ. Dvepi rahā idha adhippetā kāyasaṃsaggaduṭṭhullavācārahonisajjaggahaṇato. Yadi evaṃ ‘‘mātugāmo nāma viññū paṭibalā’’ti kimatthaṃ vuttanti? Ayameva hi mātugāmo dvinnampi kāyasaṃsaggaduṭṭhullavācānaṃ ekato vatthubhūto, tasmā vuttaṃ. Kāyasaṃsaggassa vatthubhūto dassito, na itarassāti katvā duṭṭhullavācameva sandhāya tassā vatthuṃ dassento evamāha.
зд̇т̇ааха – яат̇аа батамз анад̇хиббзд̇ааби д̣̇удтуллаваажаа самбхавависзсад̣̇ассанад̇т̇ам̣ вуд̇д̇аа, ид̇хааби гааяасам̣саг̇г̇о, гасмаа на д̇асса васзна жагкусса рахо г̇ахзд̇аб̣б̣од̇и? аама на г̇ахзд̇аб̣б̣о, на жа г̇ахид̇о, г̇ахид̇о зва бана нисаж̇ж̇авасзна, на хи ан̇г̇асса нисаж̇ж̇аа висзсод̇и. аббадижчаннз сад̇и гат̇ам̣ жагкусса раход̇и жз? д̣̇уурад̇д̇аа. батамз гасмаа ид̇т̇исад̇амби анаабад̇д̇им̣ на гарод̇и, ид̇ха гасмаа згааби гарод̇ийд̇и жз? но вужжад̇и сид̣̇д̇хад̇д̇аа. сид̣̇д̇хам̣ ход̇и, яад̣̇ид̣̇ам̣ ан̃н̃ад̇аро бхигку взсаалияам̣ махааванз…бз… д̣̇ваарам̣ виварид̇ваа нибанно ход̇и…бз… самб̣ахулаа ид̇т̇ияо яаавад̣̇ад̇т̇ам̣ гад̇ваа баггамим̣сууд̇и (баараа. 77). д̇асмаа на мзт̇унасса маад̇уг̇аамо д̣̇уд̇ияо ход̇и. ид̇т̇ияо хи ан̃н̃аман̃н̃иссаа важ̇ж̇ам̣ бадижчаад̣̇знд̇и, д̇знзва бхигкунийнам̣ важ̇ж̇абадижчаад̣̇анз баарааж̇игам̣ бан̃н̃ад̇д̇ам̣. д̇ат̇аа ‘‘ааяасмаа уд̣̇ааяий д̇аа ид̇т̇ияо вихаарам̣ бзгкаабзд̇ваа д̇аасам̣ ид̇т̇ийнам̣ важжамаг̇г̇а’’нд̇и (баараа. 283) зд̇т̇а ‘‘яаа бана д̇аа ид̇т̇ияо хириманаа, д̇аа нигкамид̇ваа бхигкуу уж̇жхаабзнд̇ий’’д̇и (баараа. 283) важанад̇о д̣̇удтулласса маад̇уг̇аамо д̣̇уд̇ияо ход̇ийд̇и сид̣̇д̇ханд̇и ад̇хиббааяо. убхаяад̇т̇ааби уммад̇д̇агаад̣̇игаммигаанам̣ анаабад̇д̇ийд̇и д̇зсам̣ баадзггам̣ нид̣̇аанз ааг̇ад̇ам̣, аад̣̇игаммигаанам̣ анаабад̇д̇ийд̇и ад̇т̇о. ануг̇ан̣тибад̣̇з бана ‘‘ажзлагаваг̇г̇з рахобадижчаннаасанасигкаабад̣̇з ‘вин̃н̃уу бурисо д̣̇уд̇ияо ход̇ий’д̇и (баажи. 288) имасса ануруубад̇о ‘ид̇т̇ийнам̣ сад̇амби анаабад̇д̇им̣ на гарод̇ий’д̇и вуд̇д̇а’’нд̇и жа, ‘‘д̣̇уд̇ияаанияад̇з ‘ид̇т̇ийби бурисобий’д̇и ид̣̇ам̣ бхигкунийваг̇г̇з осаанасигкаабад̣̇асса, ажзлагаваг̇г̇з аббадижчаннаасанасигкаабад̣̇асса жа анаабад̇д̇иваарз ‘яо гожи вин̃н̃уу бурисо д̣̇уд̇ияо’д̇и вуд̇д̇ам̣. имзсам̣ ануруубад̇о вуд̇д̇анд̇и взд̣̇ид̇аб̣б̣а’’нд̇и жа вуд̇д̇ам̣.
Etthāha – yathā paṭhame anadhippetāpi duṭṭhullavācā sambhavavisesadassanatthaṃ vuttā, idhāpi kāyasaṃsaggo, kasmā na tassa vasena cakkhussa raho gahetabboti? Āma na gahetabbo, na ca gahito, gahito eva pana nisajjavasena, na hi aṅgassa nisajjā visesoti. Appaṭicchanne sati kathaṃ cakkhussa rahoti ce? Dūrattā. Paṭhame kasmā itthisatampi anāpattiṃ na karoti, idha kasmā ekāpi karotīti ce? No vuccati siddhattā. Siddhaṃ hoti, yadidaṃ aññataro bhikkhu vesāliyaṃ mahāvane…pe… dvāraṃ vivaritvā nipanno hoti…pe… sambahulā itthiyo yāvadatthaṃ katvā pakkamiṃsūti (pārā. 77). Tasmā na methunassa mātugāmo dutiyo hoti. Itthiyo hi aññamaññissā vajjaṃ paṭicchādenti, teneva bhikkhunīnaṃ vajjapaṭicchādane pārājikaṃ paññattaṃ. Tathā ‘‘āyasmā udāyī tā itthiyo vihāraṃ pekkhāpetvā tāsaṃ itthīnaṃ vaccamagga’’nti (pārā. 283) ettha ‘‘yā pana tā itthiyo hirimanā, tā nikkhamitvā bhikkhū ujjhāpentī’’ti (pārā. 283) vacanato duṭṭhullassa mātugāmo dutiyo hotīti siddhanti adhippāyo. Ubhayatthāpi ummattakādikammikānaṃ anāpattīti tesaṃ pāṭekkaṃ nidāne āgataṃ, ādikammikānaṃ anāpattīti attho. Anugaṇṭhipade pana ‘‘acelakavagge rahopaṭicchannāsanasikkhāpade ‘viññū puriso dutiyo hotī’ti (pāci. 288) imassa anurūpato ‘itthīnaṃ satampi anāpattiṃ na karotī’ti vutta’’nti ca, ‘‘dutiyāniyate ‘itthīpi purisopī’ti idaṃ bhikkhunīvagge osānasikkhāpadassa, acelakavagge appaṭicchannāsanasikkhāpadassa ca anāpattivāre ‘yo koci viññū puriso dutiyo’ti vuttaṃ. Imesaṃ anurūpato vuttanti veditabba’’nti ca vuttaṃ.
д̣̇уд̇ияаанияад̇асигкаабад̣̇аван̣н̣анаа нидтид̇аа.
Dutiyaaniyatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияаанияад̇асигкаабад̣̇ам̣ • 2. Dutiyaaniyatasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаанияад̇асигкаабад̣̇аван̣н̣анаа • 2. Dutiyaaniyatasikkhāpadavaṇṇanā
