| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੨. ਦੁਤਿਯਅਨਿਯਤਸਿਕ੍ਖਾਪਦવਣ੍ਣਨਾ
2. Dutiyaaniyatasikkhāpadavaṇṇanā
੪੫੨. ਤੇਨ ਸਮਯੇਨ ਬੁਦ੍ਧੋ ਭਗવਾਤਿ ਦੁਤਿਯਅਨਿਯਤਸਿਕ੍ਖਾਪਦਂ। ਤਤ੍ਥ ਭਗવਤਾ ਪਟਿਕ੍ਖਿਤ੍ਤਨ੍ਤਿਆਦਿਮ੍ਹਿ ‘‘ਯਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਯ੍ਯ, ਤਂ ਨਿਸਜ੍ਜਂ ਕਪ੍ਪੇਤੁਂ ਪਟਿਕ੍ਖਿਤ੍ਤ’’ਨ੍ਤਿ ਏવਂ ਸਮ੍ਬਨ੍ਧੋ વੇਦਿਤਬ੍ਬੋ। ਇਤਰਥਾ ਹਿ ‘‘ਏਕਸ੍ਸ ਏਕਾਯਾ’’ਤਿ વਤ੍ਤਬ੍ਬਂ ਸਿਯਾ, ਕਸ੍ਮਾ? ‘‘ਪਟਿਕ੍ਖਿਤ੍ਤ’’ਨ੍ਤਿ વੁਤ੍ਤਤ੍ਤਾ। ਸਾਮਿਅਤ੍ਥੇ વਾ ਏਤਂ ਪਚ੍ਚਤ੍ਤવਚਨਂ વੇਦਿਤਬ੍ਬਂ।
452.Tena samayena buddho bhagavāti dutiyaaniyatasikkhāpadaṃ. Tattha bhagavatā paṭikkhittantiādimhi ‘‘yaṃ eko ekāya raho paṭicchanne āsane alaṃkammaniye nisajjaṃ kappeyya, taṃ nisajjaṃ kappetuṃ paṭikkhitta’’nti evaṃ sambandho veditabbo. Itarathā hi ‘‘ekassa ekāyā’’ti vattabbaṃ siyā, kasmā? ‘‘Paṭikkhitta’’nti vuttattā. Sāmiatthe vā etaṃ paccattavacanaṃ veditabbaṃ.
੪੫੩. ਨ ਹੇવ ਖੋ ਪਨ ਪਟਿਚ੍ਛਨ੍ਨਨ੍ਤਿ ਏਤ੍ਥ ਪਨ ਯਮ੍ਪਿ ਬਹਿ ਪਰਿਕ੍ਖਿਤ੍ਤਂ ਅਨ੍ਤੋ વਿવਟਂ ਪਰਿવੇਣਙ੍ਗਣਾਦਿ, ਤਮ੍ਪਿ ਅਨ੍ਤੋਗਧਨ੍ਤਿ વੇਦਿਤਬ੍ਬਂ। ਏવਰੂਪਞ੍ਹਿ ਠਾਨਂ ਅਪ੍ਪਟਿਚ੍ਛਨ੍ਨੇਯੇવ ਗਹਿਤਨ੍ਤਿ ਮਹਾਪਚ੍ਚਰਿਯਂ વੁਤ੍ਤਂ। ਸੇਸਂ ਪਠਮਸਿਕ੍ਖਾਪਦਨਯੇਨੇવ વੇਦਿਤਬ੍ਬਂ। ਕੇવਲਞ੍ਹਿ ਇਧ ਇਤ੍ਥੀਪਿ ਪੁਰਿਸੋਪਿ ਯੋ ਕੋਚਿ વਿਞ੍ਞੂ ਅਨਨ੍ਧੋ ਅਬਧਿਰੋ ਅਨ੍ਤੋਦ੍વਾਦਸਹਤ੍ਥੇ ਓਕਾਸੇ ਠਿਤੋ વਾ ਨਿਸਿਨ੍ਨੋ વਾ વਿਕ੍ਖਿਤ੍ਤੋਪਿ ਨਿਦ੍ਦਾਯਨ੍ਤੋਪਿ ਅਨਾਪਤ੍ਤਿਂ ਕਰੋਤਿ। ਬਧਿਰੋ ਪਨ ਚਕ੍ਖੁਮਾਪਿ ਅਨ੍ਧੋ વਾ ਅਬਧਿਰੋਪਿ ਨ ਕਰੋਤਿ। ਪਾਰਾਜਿਕਾਪਤ੍ਤਿਞ੍ਚ ਪਰਿਹਾਪੇਤ੍વਾ ਦੁਟ੍ਠੁਲ੍ਲવਾਚਾਪਤ੍ਤਿ વੁਤ੍ਤਾਤਿ ਅਯਂ વਿਸੇਸੋ। ਸੇਸਂ ਪੁਰਿਮਸਦਿਸਮੇવ। ਉਭਯਤ੍ਥਾਪਿ ਉਮ੍ਮਤ੍ਤਕਆਦਿਕਮ੍ਮਿਕਾਨਂ ਅਨਾਪਤ੍ਤਿ।
453.Na heva kho pana paṭicchannanti ettha pana yampi bahi parikkhittaṃ anto vivaṭaṃ pariveṇaṅgaṇādi, tampi antogadhanti veditabbaṃ. Evarūpañhi ṭhānaṃ appaṭicchanneyeva gahitanti mahāpaccariyaṃ vuttaṃ. Sesaṃ paṭhamasikkhāpadanayeneva veditabbaṃ. Kevalañhi idha itthīpi purisopi yo koci viññū anandho abadhiro antodvādasahatthe okāse ṭhito vā nisinno vā vikkhittopi niddāyantopi anāpattiṃ karoti. Badhiro pana cakkhumāpi andho vā abadhiropi na karoti. Pārājikāpattiñca parihāpetvā duṭṭhullavācāpatti vuttāti ayaṃ viseso. Sesaṃ purimasadisameva. Ubhayatthāpi ummattakaādikammikānaṃ anāpatti.
ਸਮੁਟ੍ਠਾਨਾਦੀਸੁ ਇਦਂਸਿਕ੍ਖਾਪਦਂ ਤਿਸਮੁਟ੍ਠਾਨਂ – ਕਾਯਚਿਤ੍ਤਤੋ, વਾਚਾਚਿਤ੍ਤਤੋ, ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ। ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਸੁਖਮਜ੍ਝਤ੍ਤવੇਦਨਾਹਿ ਦ੍વਿવੇਦਨਂ। ਸੇਸਂ ਉਤ੍ਤਾਨਤ੍ਥਮੇવਾਤਿ।
Samuṭṭhānādīsu idaṃsikkhāpadaṃ tisamuṭṭhānaṃ – kāyacittato, vācācittato, kāyavācācittato ca samuṭṭhāti. Kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, sukhamajjhattavedanāhi dvivedanaṃ. Sesaṃ uttānatthamevāti.
ਦੁਤਿਯਅਨਿਯਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyaaniyatasikkhāpadavaṇṇanā niṭṭhitā.
ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Samantapāsādikāya vinayasaṃvaṇṇanāya
ਅਨਿਯਤવਣ੍ਣਨਾ ਨਿਟ੍ਠਿਤਾ।
Aniyatavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਅਨਿਯਤਸਿਕ੍ਖਾਪਦਂ • 2. Dutiyaaniyatasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਦੁਤਿਯਅਨਿਯਤਸਿਕ੍ਖਾਪਦવਣ੍ਣਨਾ • 2. Dutiyaaniyatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਦੁਤਿਯਅਨਿਯਤਸਿਕ੍ਖਾਪਦવਣ੍ਣਨਾ • 2. Dutiyaaniyatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਦੁਤਿਯਅਨਿਯਤਸਿਕ੍ਖਾਪਦવਣ੍ਣਨਾ • 2. Dutiyaaniyatasikkhāpadavaṇṇanā
