| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. து³தியஅஞ்ஞதரபி⁴க்கு²ஸுத்தங்
7. Dutiyaaññatarabhikkhusuttaṃ
7. ஸாவத்தி²னிதா³னங். அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி…பே॰… ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச –
7. Sāvatthinidānaṃ. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca –
‘‘‘ராக³வினயோ தோ³ஸவினயோ மோஹவினயோ’தி, ப⁴ந்தே, வுச்சதி. கிஸ்ஸ நு கோ² ஏதங், ப⁴ந்தே, அதி⁴வசனங் – ‘ராக³வினயோ தோ³ஸவினயோ மோஹவினயோ’’’தி? ‘‘நிப்³பா³னதா⁴துயா கோ² ஏதங், பி⁴க்கு², அதி⁴வசனங் – ‘ராக³வினயோ தோ³ஸவினயோ மோஹவினயோ’தி. ஆஸவானங் க²யோ தேன வுச்சதீ’’தி.
‘‘‘Rāgavinayo dosavinayo mohavinayo’ti, bhante, vuccati. Kissa nu kho etaṃ, bhante, adhivacanaṃ – ‘rāgavinayo dosavinayo mohavinayo’’’ti? ‘‘Nibbānadhātuyā kho etaṃ, bhikkhu, adhivacanaṃ – ‘rāgavinayo dosavinayo mohavinayo’ti. Āsavānaṃ khayo tena vuccatī’’ti.
ஏவங் வுத்தே ஸோ பி⁴க்கு² ப⁴க³வந்தங் ஏதத³வோச – ‘‘‘அமதங், அமத’ந்தி, ப⁴ந்தே, வுச்சதி. கதமங் நு கோ², ப⁴ந்தே, அமதங், கதமோ அமதகா³மிமக்³கோ³’’தி? ‘‘யோ கோ², பி⁴க்கு², ராக³க்க²யோ தோ³ஸக்க²யோ மோஹக்க²யோ – இத³ங் வுச்சதி அமதங். அயமேவ அரியோ அட்ட²ங்கி³கோ மக்³கோ³ அமதகா³மிமக்³கோ³, ஸெய்யதி²த³ங் – ஸம்மாதி³ட்டி²…பே॰… ஸம்மாஸமாதீ⁴’’தி. ஸத்தமங்.
Evaṃ vutte so bhikkhu bhagavantaṃ etadavoca – ‘‘‘amataṃ, amata’nti, bhante, vuccati. Katamaṃ nu kho, bhante, amataṃ, katamo amatagāmimaggo’’ti? ‘‘Yo kho, bhikkhu, rāgakkhayo dosakkhayo mohakkhayo – idaṃ vuccati amataṃ. Ayameva ariyo aṭṭhaṅgiko maggo amatagāmimaggo, seyyathidaṃ – sammādiṭṭhi…pe… sammāsamādhī’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. து³தியஅஞ்ஞதரபி⁴க்கு²ஸுத்தவண்ணனா • 7. Dutiyaaññatarabhikkhusuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. து³தியஅஞ்ஞதரபி⁴க்கு²ஸுத்தவண்ணனா • 7. Dutiyaaññatarabhikkhusuttavaṇṇanā
