| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. д̣̇уд̇ияаан̃н̃ад̇арабхигкусуд̇д̇ам̣
4. Dutiyaaññatarabhikkhusuttaṃ
36. саавад̇т̇инид̣̇аанам̣ . ат̇а ко ан̃н̃ад̇аро бхигку язна бхаг̇аваа…бз… згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з , бхаг̇аваа сам̣кид̇д̇зна д̇хаммам̣ д̣̇зсзд̇у яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и. ‘‘яам̣ ко, бхигку, анусзд̇и д̇ам̣ анумийяад̇и; яам̣ анумийяад̇и д̇зна сан̇кам̣ г̇ажчад̇и. яам̣ наанусзд̇и на д̇ам̣ анумийяад̇и; яам̣ наанумийяад̇и на д̇зна сан̇кам̣ г̇ажчад̇ий’’д̇и. ‘‘ан̃н̃аад̇ам̣, бхаг̇аваа; ан̃н̃аад̇ам̣, суг̇ад̇аа’’д̇и.
36. Sāvatthinidānaṃ . Atha kho aññataro bhikkhu yena bhagavā…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante , bhagavā saṃkhittena dhammaṃ desetu yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti. ‘‘Yaṃ kho, bhikkhu, anuseti taṃ anumīyati; yaṃ anumīyati tena saṅkhaṃ gacchati. Yaṃ nānuseti na taṃ anumīyati; yaṃ nānumīyati na tena saṅkhaṃ gacchatī’’ti. ‘‘Aññātaṃ, bhagavā; aññātaṃ, sugatā’’ti.
‘‘яат̇аа гат̇ам̣ бана д̇вам̣, бхигку, маяаа сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇аанаасий’’д̇и? ‘‘руубам̣ жз, бханд̇з, анусзд̇и д̇ам̣ анумийяад̇и; яам̣ анумийяад̇и д̇зна сан̇кам̣ г̇ажчад̇и. взд̣̇анам̣ жз анусзд̇и… сан̃н̃ам̣ жз анусзд̇и… сан̇каарз жз анусзд̇и… вин̃н̃аан̣ам̣ жз анусзд̇и д̇ам̣ анумийяад̇и; яам̣ анумийяад̇и д̇зна сан̇кам̣ г̇ажчад̇и. руубам̣ жз, бханд̇з, наанусзд̇и на д̇ам̣ анумийяад̇и; яам̣ наанумийяад̇и на д̇зна сан̇кам̣ г̇ажчад̇и. взд̣̇анам̣ жз наанусзд̇и… сан̃н̃ам̣ жз наанусзд̇и… сан̇каарз жз наанусзд̇и… вин̃н̃аан̣ам̣ жз наанусзд̇и на д̇ам̣ анумийяад̇и; яам̣ наанумийяад̇и на д̇зна сан̇кам̣ г̇ажчад̇и. имасса кваахам̣, бханд̇з, бхаг̇авад̇аа сам̣кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанаамий’’д̇и.
‘‘Yathā kathaṃ pana tvaṃ, bhikkhu, mayā saṃkhittena bhāsitassa vitthārena atthaṃ ājānāsī’’ti? ‘‘Rūpaṃ ce, bhante, anuseti taṃ anumīyati; yaṃ anumīyati tena saṅkhaṃ gacchati. Vedanaṃ ce anuseti… saññaṃ ce anuseti… saṅkhāre ce anuseti… viññāṇaṃ ce anuseti taṃ anumīyati; yaṃ anumīyati tena saṅkhaṃ gacchati. Rūpaṃ ce, bhante, nānuseti na taṃ anumīyati; yaṃ nānumīyati na tena saṅkhaṃ gacchati. Vedanaṃ ce nānuseti… saññaṃ ce nānuseti… saṅkhāre ce nānuseti… viññāṇaṃ ce nānuseti na taṃ anumīyati; yaṃ nānumīyati na tena saṅkhaṃ gacchati. Imassa khvāhaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘саад̇ху саад̇ху, бхигку! саад̇ху ко д̇вам̣, бхигку, маяаа сам̣кид̇д̇зна бхаасид̇асса вид̇т̇аарзна ад̇т̇ам̣ ааж̇аанааси. руубам̣ жз, бхигку, анусзд̇и д̇ам̣ анумийяад̇и; яам̣ анумийяад̇и д̇зна сан̇кам̣ г̇ажчад̇и. взд̣̇анам̣ жз, бхигку… сан̃н̃ам̣ жз, бхигку… сан̇каарз жз, бхигку… вин̃н̃аан̣ам̣ жз, бхигку, анусзд̇и д̇ам̣ анумийяад̇и; яам̣ анумийяад̇и д̇зна сан̇кам̣ г̇ажчад̇и. руубам̣ жз, бхигку, наанусзд̇и на д̇ам̣ анумийяад̇и; яам̣ наанумийяад̇и на д̇зна сан̇кам̣ г̇ажчад̇и. взд̣̇анам̣ жз наанусзд̇и… сан̃н̃ам̣ жз наанусзд̇и… сан̇каарз жз наанусзд̇и… вин̃н̃аан̣ам̣ жз наанусзд̇и на д̇ам̣ анумийяад̇и; яам̣ наанумийяад̇и на д̇зна сан̇кам̣ г̇ажчад̇и. имасса ко, бхигку, маяаа сам̣кид̇д̇зна бхаасид̇асса звам̣ вид̇т̇аарзна ад̇т̇о д̣̇адтаб̣б̣о’’д̇и…бз… ан̃н̃ад̇аро жа бана со бхигку арахад̇ам̣ ахосийд̇и. жад̇уд̇т̇ам̣.
‘‘Sādhu sādhu, bhikkhu! Sādhu kho tvaṃ, bhikkhu, mayā saṃkhittena bhāsitassa vitthārena atthaṃ ājānāsi. Rūpaṃ ce, bhikkhu, anuseti taṃ anumīyati; yaṃ anumīyati tena saṅkhaṃ gacchati. Vedanaṃ ce, bhikkhu… saññaṃ ce, bhikkhu… saṅkhāre ce, bhikkhu… viññāṇaṃ ce, bhikkhu, anuseti taṃ anumīyati; yaṃ anumīyati tena saṅkhaṃ gacchati. Rūpaṃ ce, bhikkhu, nānuseti na taṃ anumīyati; yaṃ nānumīyati na tena saṅkhaṃ gacchati. Vedanaṃ ce nānuseti… saññaṃ ce nānuseti… saṅkhāre ce nānuseti… viññāṇaṃ ce nānuseti na taṃ anumīyati; yaṃ nānumīyati na tena saṅkhaṃ gacchati. Imassa kho, bhikkhu, mayā saṃkhittena bhāsitassa evaṃ vitthārena attho daṭṭhabbo’’ti…pe… aññataro ca pana so bhikkhu arahataṃ ahosīti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. д̣̇уд̇ияаан̃н̃ад̇арабхигкусуд̇д̇аван̣н̣анаа • 4. Dutiyaaññatarabhikkhusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. д̣̇уд̇ияаан̃н̃ад̇арабхигкусуд̇д̇аван̣н̣анаа • 4. Dutiyaaññatarabhikkhusuttavaṇṇanā
