| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. দুতিযঅঞ্ঞতরভিক্খুসুত্তৰণ্ণনা
7. Dutiyaaññatarabhikkhusuttavaṇṇanā
৭. সত্তমে নিব্বানধাতুযা খো এতং ভিক্খু অধিৰচনন্তি অসঙ্খতায অমতায নিব্বানধাতুযা এতং অধিৰচনং। আসৰানং খযো তেন ৰুচ্চতীতি অপিচ তেন রাগাদিৰিনযেন আসৰানং খযোতিপি ৰুচ্চতি। আসৰক্খযো নাম অরহত্তং, অরহত্তস্সাপি এতং রাগৰিনযোতিআদি নামমেৰাতি দীপেতি। এতদৰোচাতি ‘‘সত্থারা নিব্বানধাতূতি ৰদন্তেন অমতং নিব্বানং কথিতং, মগ্গো পনস্স ন কথিতো। তং কথাপেস্সামী’’তি অনুসন্ধিকুসলতায পুচ্ছন্তো এতং অৰোচ।
7. Sattame nibbānadhātuyā kho etaṃ bhikkhu adhivacananti asaṅkhatāya amatāya nibbānadhātuyā etaṃ adhivacanaṃ. Āsavānaṃ khayo tena vuccatīti apica tena rāgādivinayena āsavānaṃ khayotipi vuccati. Āsavakkhayo nāma arahattaṃ, arahattassāpi etaṃ rāgavinayotiādi nāmamevāti dīpeti. Etadavocāti ‘‘satthārā nibbānadhātūti vadantena amataṃ nibbānaṃ kathitaṃ, maggo panassa na kathito. Taṃ kathāpessāmī’’ti anusandhikusalatāya pucchanto etaṃ avoca.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. দুতিযঅঞ্ঞতরভিক্খুসুত্তং • 7. Dutiyaaññatarabhikkhusuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. দুতিযঅঞ্ঞতরভিক্খুসুত্তৰণ্ণনা • 7. Dutiyaaññatarabhikkhusuttavaṇṇanā
