| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៧. ទុតិយអញ្ញតរភិក្ខុសុត្តវណ្ណនា
7. Dutiyaaññatarabhikkhusuttavaṇṇanā
៧. រាគវិនយាទិបទេហិ និព្ពានំ វាបិ វុច្ចេយ្យ អរហត្តំ វាបិ។ យស្មា សោ ភិក្ខុ ឧភយត្ថបិ និវិដ្ឋពុទ្ធិ, តស្មា ភគវា តស្ស អជ្ឈាសយវសេន ‘‘និព្ពានធាតុយា ខោ ឯត’’ន្តិអាទិនា និព្ពានធាតុំ វិស្សជ្ជេត្វា បុន ‘‘អាសវានំ ខយោ តេន វុច្ចតី’’តិ អាហ។ យស្មា អរិយមគ្គោ រាគាទិកេ សមុច្ឆេទវសេន វិនេតិ, អាសវញ្ច សព្ពសោ ខេបេតិ, តេន ច វុត្តំ និព្ពានំ អរហត្តញ្ច, តស្មា តទុភយំ ‘‘រាគវិនយោតិអាទិ នាមមេវា’’តិ វុត្តំ។ អនុសន្ធិកុសលតាយ បុច្ឆន្តោ ឯតំ អវោចាតិ ឥមិនា ‘‘បុច្ឆានុសន្ធិ ឥធ លព្ភតី’’តិ ទីបិតំ, អជ្ឈាសយានុសន្ធិបិ ឯត្ថ លព្ភតេវាតិ ទដ្ឋព្ពំ។
7.Rāgavinayādipadehi nibbānaṃ vāpi vucceyya arahattaṃ vāpi. Yasmā so bhikkhu ubhayatthapi niviṭṭhabuddhi, tasmā bhagavā tassa ajjhāsayavasena ‘‘nibbānadhātuyā kho eta’’ntiādinā nibbānadhātuṃ vissajjetvā puna ‘‘āsavānaṃ khayo tena vuccatī’’ti āha. Yasmā ariyamaggo rāgādike samucchedavasena vineti, āsavañca sabbaso khepeti, tena ca vuttaṃ nibbānaṃ arahattañca, tasmā tadubhayaṃ ‘‘rāgavinayotiādi nāmamevā’’ti vuttaṃ. Anusandhikusalatāya pucchanto etaṃ avocāti iminā ‘‘pucchānusandhi idha labbhatī’’ti dīpitaṃ, ajjhāsayānusandhipi ettha labbhatevāti daṭṭhabbaṃ.
ទុតិយអញ្ញតរភិក្ខុសុត្តវណ្ណនា និដ្ឋិតា។
Dutiyaaññatarabhikkhusuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៧. ទុតិយអញ្ញតរភិក្ខុសុត្តំ • 7. Dutiyaaññatarabhikkhusuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៧. ទុតិយអញ្ញតរភិក្ខុសុត្តវណ្ណនា • 7. Dutiyaaññatarabhikkhusuttavaṇṇanā
