| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൭. ദുതിയഅഞ്ഞതരഭിക്ഖുസുത്തവണ്ണനാ
7. Dutiyaaññatarabhikkhusuttavaṇṇanā
൭. രാഗവിനയാദിപദേഹി നിബ്ബാനം വാപി വുച്ചേയ്യ അരഹത്തം വാപി. യസ്മാ സോ ഭിക്ഖു ഉഭയത്ഥപി നിവിട്ഠബുദ്ധി, തസ്മാ ഭഗവാ തസ്സ അജ്ഝാസയവസേന ‘‘നിബ്ബാനധാതുയാ ഖോ ഏത’’ന്തിആദിനാ നിബ്ബാനധാതും വിസ്സജ്ജേത്വാ പുന ‘‘ആസവാനം ഖയോ തേന വുച്ചതീ’’തി ആഹ. യസ്മാ അരിയമഗ്ഗോ രാഗാദികേ സമുച്ഛേദവസേന വിനേതി, ആസവഞ്ച സബ്ബസോ ഖേപേതി, തേന ച വുത്തം നിബ്ബാനം അരഹത്തഞ്ച, തസ്മാ തദുഭയം ‘‘രാഗവിനയോതിആദി നാമമേവാ’’തി വുത്തം. അനുസന്ധികുസലതായ പുച്ഛന്തോ ഏതം അവോചാതി ഇമിനാ ‘‘പുച്ഛാനുസന്ധി ഇധ ലബ്ഭതീ’’തി ദീപിതം, അജ്ഝാസയാനുസന്ധിപി ഏത്ഥ ലബ്ഭതേവാതി ദട്ഠബ്ബം.
7.Rāgavinayādipadehi nibbānaṃ vāpi vucceyya arahattaṃ vāpi. Yasmā so bhikkhu ubhayatthapi niviṭṭhabuddhi, tasmā bhagavā tassa ajjhāsayavasena ‘‘nibbānadhātuyā kho eta’’ntiādinā nibbānadhātuṃ vissajjetvā puna ‘‘āsavānaṃ khayo tena vuccatī’’ti āha. Yasmā ariyamaggo rāgādike samucchedavasena vineti, āsavañca sabbaso khepeti, tena ca vuttaṃ nibbānaṃ arahattañca, tasmā tadubhayaṃ ‘‘rāgavinayotiādi nāmamevā’’ti vuttaṃ. Anusandhikusalatāya pucchanto etaṃ avocāti iminā ‘‘pucchānusandhi idha labbhatī’’ti dīpitaṃ, ajjhāsayānusandhipi ettha labbhatevāti daṭṭhabbaṃ.
ദുതിയഅഞ്ഞതരഭിക്ഖുസുത്തവണ്ണനാ നിട്ഠിതാ.
Dutiyaaññatarabhikkhusuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. ദുതിയഅഞ്ഞതരഭിക്ഖുസുത്തം • 7. Dutiyaaññatarabhikkhusuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൭. ദുതിയഅഞ്ഞതരഭിക്ഖുസുത്തവണ്ണനാ • 7. Dutiyaaññatarabhikkhusuttavaṇṇanā
