Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    8. д̣̇уд̇ияаануруд̣̇д̇хасуд̇д̇ам̣

    8. Dutiyaanuruddhasuttaṃ

    131. ат̇а ко ааяасмаа ануруд̣̇д̇хо язнааяасмаа саарибуд̇д̇о д̇знубасан̇гами; убасан̇гамид̇ваа ааяасмад̇аа саарибуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа ануруд̣̇д̇хо ааяасманд̇ам̣ саарибуд̇д̇ам̣ зд̇ад̣̇авожа – ‘‘ид̇хаахам̣, аавусо саарибуд̇д̇а, д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сахассам̣ логам̣ ологзми. аарад̣̇д̇хам̣ ко бана мз вийрияам̣ асаллийнам̣, убадтид̇аа сад̇и асаммудтаа 1, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. ат̇а жа бана мз наанубаад̣̇ааяа 2 аасавзхи жид̇д̇ам̣ вимужжад̇ий’’д̇и.

    131. Atha kho āyasmā anuruddho yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā anuruddho āyasmantaṃ sāriputtaṃ etadavoca – ‘‘idhāhaṃ, āvuso sāriputta, dibbena cakkhunā visuddhena atikkantamānusakena sahassaṃ lokaṃ olokemi. Āraddhaṃ kho pana me vīriyaṃ asallīnaṃ, upaṭṭhitā sati asammuṭṭhā 3, passaddho kāyo asāraddho, samāhitaṃ cittaṃ ekaggaṃ. Atha ca pana me nānupādāya 4 āsavehi cittaṃ vimuccatī’’ti.

    ‘‘яам̣ ко д̇з, аавусо ануруд̣̇д̇ха, звам̣ ход̇и – ‘ахам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сахассам̣ логам̣ вологзмий’д̇и, ид̣̇ам̣ д̇з маанасмим̣. яамби д̇з, аавусо ануруд̣̇д̇ха, звам̣ ход̇и – ‘аарад̣̇д̇хам̣ ко бана мз вийрияам̣ асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇а’нд̇и, ид̣̇ам̣ д̇з уд̣̇д̇хажжасмим̣. яамби д̇з, аавусо ануруд̣̇д̇ха, звам̣ ход̇и – ‘ат̇а жа бана мз наанубаад̣̇ааяа аасавзхи жид̇д̇ам̣ вимужжад̇ий’д̇и, ид̣̇ам̣ д̇з гуггужжасмим̣. саад̇ху вад̇ааяасмаа ануруд̣̇д̇хо имз д̇аяо д̇хаммз бахааяа, имз д̇аяо д̇хаммз аманасигарид̇ваа амад̇ааяа д̇хаад̇уяаа жид̇д̇ам̣ убасам̣харад̇уу’’д̇и.

    ‘‘Yaṃ kho te, āvuso anuruddha, evaṃ hoti – ‘ahaṃ dibbena cakkhunā visuddhena atikkantamānusakena sahassaṃ lokaṃ volokemī’ti, idaṃ te mānasmiṃ. Yampi te, āvuso anuruddha, evaṃ hoti – ‘āraddhaṃ kho pana me vīriyaṃ asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekagga’nti, idaṃ te uddhaccasmiṃ. Yampi te, āvuso anuruddha, evaṃ hoti – ‘atha ca pana me nānupādāya āsavehi cittaṃ vimuccatī’ti, idaṃ te kukkuccasmiṃ. Sādhu vatāyasmā anuruddho ime tayo dhamme pahāya, ime tayo dhamme amanasikaritvā amatāya dhātuyā cittaṃ upasaṃharatū’’ti.

    ат̇а ко ааяасмаа ануруд̣̇д̇хо абарзна самаязна имз д̇аяо д̇хаммз бахааяа, имз д̇аяо д̇хаммз аманасигарид̇ваа амад̇ааяа д̇хаад̇уяаа жид̇д̇ам̣ убасам̣хари 5. ат̇а ко ааяасмаа ануруд̣̇д̇хо зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа ануруд̣̇д̇хо арахад̇ам̣ ахосийд̇и. адтамам̣.

    Atha kho āyasmā anuruddho aparena samayena ime tayo dhamme pahāya, ime tayo dhamme amanasikaritvā amatāya dhātuyā cittaṃ upasaṃhari 6. Atha kho āyasmā anuruddho eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti, tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro ca panāyasmā anuruddho arahataṃ ahosīti. Aṭṭhamaṃ.




    Next: 9. бадижчаннасуд̇д̇ам̣ • 9. Paṭicchannasuttaṃ




    Footnotes:
    1. абаммудтаа (сий.), абамудтаа (сяаа. гам̣.)
    2. на анубаад̣̇ааяа (сий. сяаа. гам̣. бий.)
    3. apammuṭṭhā (sī.), apamuṭṭhā (syā. kaṃ.)
    4. na anupādāya (sī. syā. kaṃ. pī.)
    5. убасам̣хааси (сяаа. гам̣. бий.), убасам̣харад̇и (га.)
    6. upasaṃhāsi (syā. kaṃ. pī.), upasaṃharati (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. д̣̇уд̇ияаануруд̣̇д̇хасуд̇д̇аван̣н̣анаа • 8. Dutiyaanuruddhasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. д̣̇уд̇ияаануруд̣̇д̇хасуд̇д̇аван̣н̣анаа • 8. Dutiyaanuruddhasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact