| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೫. ದುತಿಯಅಪರಿಜಾನನಸುತ್ತಂ
5. Dutiyaaparijānanasuttaṃ
೨೭. ‘‘ಸಬ್ಬಂ , ಭಿಕ್ಖವೇ, ಅನಭಿಜಾನಂ ಅಪರಿಜಾನಂ ಅವಿರಾಜಯಂ ಅಪ್ಪಜಹಂ ಅಭಬ್ಬೋ ದುಕ್ಖಕ್ಖಯಾಯ। ಕಿಞ್ಚ, ಭಿಕ್ಖವೇ, ಸಬ್ಬಂ ಅನಭಿಜಾನಂ ಅಪರಿಜಾನಂ ಅವಿರಾಜಯಂ ಅಪ್ಪಜಹಂ ಅಭಬ್ಬೋ ದುಕ್ಖಕ್ಖಯಾಯ? ಯಞ್ಚ, ಭಿಕ್ಖವೇ , ಚಕ್ಖು, ಯೇ ಚ ರೂಪಾ, ಯಞ್ಚ ಚಕ್ಖುವಿಞ್ಞಾಣಂ, ಯೇ ಚ ಚಕ್ಖುವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ…ಪೇ॰… ಯಾ ಚ ಜಿವ್ಹಾ, ಯೇ ಚ ರಸಾ, ಯಞ್ಚ ಜಿವ್ಹಾವಿಞ್ಞಾಣಂ, ಯೇ ಚ ಜಿವ್ಹಾವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ; ಯೋ ಚ ಕಾಯೋ, ಯೇ ಚ ಫೋಟ್ಠಬ್ಬಾ, ಯಞ್ಚ ಕಾಯವಿಞ್ಞಾಣಂ, ಯೇ ಚ ಕಾಯವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ; ಯೋ ಚ ಮನೋ, ಯೇ ಚ ಧಮ್ಮಾ, ಯಞ್ಚ ಮನೋವಿಞ್ಞಾಣಂ, ಯೇ ಚ ಮನೋವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ – ಇದಂ ಖೋ, ಭಿಕ್ಖವೇ, ಸಬ್ಬಂ ಅನಭಿಜಾನಂ ಅಪರಿಜಾನಂ ಅವಿರಾಜಯಂ ಅಪ್ಪಜಹಂ ಅಭಬ್ಬೋ ದುಕ್ಖಕ್ಖಯಾಯ।
27. ‘‘Sabbaṃ , bhikkhave, anabhijānaṃ aparijānaṃ avirājayaṃ appajahaṃ abhabbo dukkhakkhayāya. Kiñca, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya? Yañca, bhikkhave , cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya.
‘‘ಸಬ್ಬಂ, ಭಿಕ್ಖವೇ, ಅಭಿಜಾನಂ ಪರಿಜಾನಂ ವಿರಾಜಯಂ ಪಜಹಂ ಭಬ್ಬೋ ದುಕ್ಖಕ್ಖಯಾಯ। ಕಿಞ್ಚ, ಭಿಕ್ಖವೇ, ಸಬ್ಬಂ ಅಭಿಜಾನಂ ಪರಿಜಾನಂ ವಿರಾಜಯಂ ಪಜಹಂ ಭಬ್ಬೋ ದುಕ್ಖಕ್ಖಯಾಯ? ಯಞ್ಚ, ಭಿಕ್ಖವೇ, ಚಕ್ಖು, ಯೇ ಚ ರೂಪಾ, ಯಞ್ಚ ಚಕ್ಖುವಿಞ್ಞಾಣಂ, ಯೇ ಚ ಚಕ್ಖುವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ…ಪೇ॰… ಯಾ ಚ ಜಿವ್ಹಾ, ಯೇ ಚ ರಸಾ, ಯಞ್ಚ ಜಿವ್ಹಾವಿಞ್ಞಾಣಂ, ಯೇ ಚ ಜಿವ್ಹಾವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ; ಯೋ ಚ ಕಾಯೋ, ಯೇ ಚ ಫೋಟ್ಠಬ್ಬಾ, ಯಞ್ಚ ಕಾಯವಿಞ್ಞಾಣಂ, ಯೇ ಚ ಕಾಯವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ; ಯೋ ಚ ಮನೋ, ಯೇ ಚ ಧಮ್ಮಾ, ಯಞ್ಚ ಮನೋವಿಞ್ಞಾಣಂ, ಯೇ ಚ ಮನೋವಿಞ್ಞಾಣವಿಞ್ಞಾತಬ್ಬಾ ಧಮ್ಮಾ – ಇದಂ ಖೋ, ಭಿಕ್ಖವೇ, ಸಬ್ಬಂ ಅಭಿಜಾನಂ ಪರಿಜಾನಂ ವಿರಾಜಯಂ ಪಜಹಂ ಭಬ್ಬೋ ದುಕ್ಖಕ್ಖಯಾಯಾ’’ತಿ। ಪಞ್ಚಮಂ।
‘‘Sabbaṃ, bhikkhave, abhijānaṃ parijānaṃ virājayaṃ pajahaṃ bhabbo dukkhakkhayāya. Kiñca, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāya? Yañca, bhikkhave, cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāyā’’ti. Pañcamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೫. ದುತಿಯಅಪರಿಜಾನನಸುತ್ತವಣ್ಣನಾ • 5. Dutiyaaparijānanasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೫. ದುತಿಯಅಪರಿಜಾನನಸುತ್ತವಣ್ಣನಾ • 5. Dutiyaaparijānanasuttavaṇṇanā
