| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. දුතියඅපරිජානනසුත්‌තං
5. Dutiyaaparijānanasuttaṃ
27. ‘‘සබ්‌බං , භික්‌ඛවෙ, අනභිජානං අපරිජානං අවිරාජයං අප්‌පජහං අභබ්‌බො දුක්‌ඛක්‌ඛයාය. කිඤ්‌ච, භික්‌ඛවෙ, සබ්‌බං අනභිජානං අපරිජානං අවිරාජයං අප්‌පජහං අභබ්‌බො දුක්‌ඛක්‌ඛයාය? යඤ්‌ච, භික්‌ඛවෙ , චක්‌ඛු, යෙ ච රූපා, යඤ්‌ච චක්‌ඛුවිඤ්‌ඤාණං, යෙ ච චක්‌ඛුවිඤ්‌ඤාණවිඤ්‌ඤාතබ්‌බා ධම්‌මා…පෙ.… යා ච ජිව්‌හා, යෙ ච රසා, යඤ්‌ච ජිව්‌හාවිඤ්‌ඤාණං, යෙ ච ජිව්‌හාවිඤ්‌ඤාණවිඤ්‌ඤාතබ්‌බා ධම්‌මා; යො ච කායො, යෙ ච ඵොට්‌ඨබ්‌බා, යඤ්‌ච කායවිඤ්‌ඤාණං, යෙ ච කායවිඤ්‌ඤාණවිඤ්‌ඤාතබ්‌බා ධම්‌මා; යො ච මනො, යෙ ච ධම්‌මා, යඤ්‌ච මනොවිඤ්‌ඤාණං, යෙ ච මනොවිඤ්‌ඤාණවිඤ්‌ඤාතබ්‌බා ධම්‌මා – ඉදං ඛො, භික්‌ඛවෙ, සබ්‌බං අනභිජානං අපරිජානං අවිරාජයං අප්‌පජහං අභබ්‌බො දුක්‌ඛක්‌ඛයාය.
27. ‘‘Sabbaṃ , bhikkhave, anabhijānaṃ aparijānaṃ avirājayaṃ appajahaṃ abhabbo dukkhakkhayāya. Kiñca, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya? Yañca, bhikkhave , cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya.
‘‘සබ්‌බං, භික්‌ඛවෙ, අභිජානං පරිජානං විරාජයං පජහං භබ්‌බො දුක්‌ඛක්‌ඛයාය. කිඤ්‌ච, භික්‌ඛවෙ, සබ්‌බං අභිජානං පරිජානං විරාජයං පජහං භබ්‌බො දුක්‌ඛක්‌ඛයාය? යඤ්‌ච, භික්‌ඛවෙ, චක්‌ඛු, යෙ ච රූපා, යඤ්‌ච චක්‌ඛුවිඤ්‌ඤාණං, යෙ ච චක්‌ඛුවිඤ්‌ඤාණවිඤ්‌ඤාතබ්‌බා ධම්‌මා…පෙ.… යා ච ජිව්‌හා, යෙ ච රසා, යඤ්‌ච ජිව්‌හාවිඤ්‌ඤාණං, යෙ ච ජිව්‌හාවිඤ්‌ඤාණවිඤ්‌ඤාතබ්‌බා ධම්‌මා; යො ච කායො, යෙ ච ඵොට්‌ඨබ්‌බා, යඤ්‌ච කායවිඤ්‌ඤාණං, යෙ ච කායවිඤ්‌ඤාණවිඤ්‌ඤාතබ්‌බා ධම්‌මා; යො ච මනො, යෙ ච ධම්‌මා, යඤ්‌ච මනොවිඤ්‌ඤාණං, යෙ ච මනොවිඤ්‌ඤාණවිඤ්‌ඤාතබ්‌බා ධම්‌මා – ඉදං ඛො, භික්‌ඛවෙ, සබ්‌බං අභිජානං පරිජානං විරාජයං පජහං භබ්‌බො දුක්‌ඛක්‌ඛයායා’’ති. පඤ්‌චමං.
‘‘Sabbaṃ, bhikkhave, abhijānaṃ parijānaṃ virājayaṃ pajahaṃ bhabbo dukkhakkhayāya. Kiñca, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāya? Yañca, bhikkhave, cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāyā’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. දුතියඅපරිජානනසුත්‌තවණ්‌ණනා • 5. Dutiyaaparijānanasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5. දුතියඅපරිජානනසුත්‌තවණ්‌ණනා • 5. Dutiyaaparijānanasuttavaṇṇanā
