| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៥. ទុតិយអបរិជាននសុត្តវណ្ណនា
5. Dutiyaaparijānanasuttavaṇṇanā
២៧. បញ្ចមេ ចក្ខុវិញ្ញាណវិញ្ញាតព្ពា ធម្មាតិ ហេដ្ឋា គហិតរូបមេវ គហេត្វា ទស្សេតិ។ ហេដ្ឋា វា អាបាថគតំ គហិតំ, ឥធ អនាបាថគតំ។ ឥទំ បនេត្ថ សន្និដ្ឋានំ – ហេដ្ឋា អាបាថគតម្បិ អនាបាថគតម្បិ គហិតមេវ, ឥធ បន ចក្ខុវិញ្ញាណសម្បយុត្តា តយោ ខន្ធា។ តេ ហិ ចក្ខុវិញ្ញាណេន សហ វិញ្ញាតព្ពត្តា ‘‘ចក្ខុវិញ្ញាណវិញ្ញាតព្ពា’’តិ វុត្តា។ សេសបទេសុបិ ឯសេវ នយោ។
27. Pañcame cakkhuviññāṇaviññātabbā dhammāti heṭṭhā gahitarūpameva gahetvā dasseti. Heṭṭhā vā āpāthagataṃ gahitaṃ, idha anāpāthagataṃ. Idaṃ panettha sanniṭṭhānaṃ – heṭṭhā āpāthagatampi anāpāthagatampi gahitameva, idha pana cakkhuviññāṇasampayuttā tayo khandhā. Te hi cakkhuviññāṇena saha viññātabbattā ‘‘cakkhuviññāṇaviññātabbā’’ti vuttā. Sesapadesupi eseva nayo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៥. ទុតិយអបរិជាននសុត្តំ • 5. Dutiyaaparijānanasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៥. ទុតិយអបរិជាននសុត្តវណ្ណនា • 5. Dutiyaaparijānanasuttavaṇṇanā
