| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. ဒုတိယအပရိဇာနနသုတ္တဝဏ္ဏနာ
5. Dutiyaaparijānanasuttavaṇṇanā
၂၇. စက္ခုဝိညာဏဝိညာတဗ္ဗဓမ္မော နာမ ရူပာယတနမေဝာတိ အာဟ ‘‘ဟေဋ္ဌာ ဂဟိတရူပမေဝာ’’တိ။ ဣဓ အနာပာထဂတံ ‘‘စက္ခုဝိညာဏဝိညာတဗ္ဗာ ဓမ္မာ’’တိ ဝုတ္တတ္တာ။ ဟေဋ္ဌာ အာပာထဂတမ္ပိ အနာပာထဂတမ္ပိ ဂဟိတမေဝ ‘‘ယေ စ ရူပာ’’တိ အနဝသေသတော ဝုတ္တတ္တာ။ တေ ဟိ ဝေဒနာသညာသင္ခာရက္ခန္ဓာ သဟ စက္ခုဝိညာဏေန ဝိညာတဗ္ဗတ္တာ။ တထာ ဟိ စက္ခုဝိညာဏံ တေဟိ ဧကုပ္ပာဒံ ဧကဝတ္ထုကံ ဧကနိရောဓံ ဧကာရမ္မဏမေဝ။ သေသပဒေသူတိ သေသေသု ‘‘ယဉ္စ သောတံ ယေ စ သဒ္ဒာ’’တိအာဒိနာ အာဂတေသု ကဏ္ဟပက္ခေ ပဉ္စသု, သုက္ကပက္ခေ ဆသုပိ ပဒေသု။ ဧသေဝ နယောတိ ယ္ဝာယံ ‘‘ဟေဋ္ဌာ ဂဟိတရူပမေဝ ဂဏ္ဟိတ္ဝာ’’တိ အတ္ထော ဝုတ္တော။ ဧသော ဧဝ တတ္ထပိ အတ္ထဝဏ္ဏနာနယော။
27. Cakkhuviññāṇaviññātabbadhammo nāma rūpāyatanamevāti āha ‘‘heṭṭhā gahitarūpamevā’’ti. Idha anāpāthagataṃ ‘‘cakkhuviññāṇaviññātabbā dhammā’’ti vuttattā. Heṭṭhā āpāthagatampi anāpāthagatampi gahitameva ‘‘ye ca rūpā’’ti anavasesato vuttattā. Te hi vedanāsaññāsaṅkhārakkhandhā saha cakkhuviññāṇena viññātabbattā. Tathā hi cakkhuviññāṇaṃ tehi ekuppādaṃ ekavatthukaṃ ekanirodhaṃ ekārammaṇameva. Sesapadesūti sesesu ‘‘yañca sotaṃ ye ca saddā’’tiādinā āgatesu kaṇhapakkhe pañcasu, sukkapakkhe chasupi padesu. Eseva nayoti yvāyaṃ ‘‘heṭṭhā gahitarūpameva gaṇhitvā’’ti attho vutto. Eso eva tatthapi atthavaṇṇanānayo.
ဒုတိယအပရိဇာနနသုတ္တဝဏ္ဏနာ နိဋ္ဌိတာ။
Dutiyaaparijānanasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ဒုတိယအပရိဇာနနသုတ္တံ • 5. Dutiyaaparijānanasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဒုတိယအပရိဇာနနသုတ္တဝဏ္ဏနာ • 5. Dutiyaaparijānanasuttavaṇṇanā
