| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༥. དུཏིཡཨཔརིཛཱནནསུཏྟཝཎྞནཱ
5. Dutiyaaparijānanasuttavaṇṇanā
༢༧. ཙཀྑུཝིཉྙཱཎཝིཉྙཱཏབྦདྷམྨོ ནཱམ རཱུཔཱཡཏནམེཝཱཏི ཨཱཧ ‘‘ཧེཊྛཱ གཧིཏརཱུཔམེཝཱ’’ཏི། ཨིདྷ ཨནཱཔཱཐགཏཾ ‘‘ཙཀྑུཝིཉྙཱཎཝིཉྙཱཏབྦཱ དྷམྨཱ’’ཏི ཝུཏྟཏྟཱ། ཧེཊྛཱ ཨཱཔཱཐགཏམྤི ཨནཱཔཱཐགཏམྤི གཧིཏམེཝ ‘‘ཡེ ཙ རཱུཔཱ’’ཏི ཨནཝསེསཏོ ཝུཏྟཏྟཱ། ཏེ ཧི ཝེདནཱསཉྙཱསངྑཱརཀྑནྡྷཱ སཧ ཙཀྑུཝིཉྙཱཎེན ཝིཉྙཱཏབྦཏྟཱ། ཏཐཱ ཧི ཙཀྑུཝིཉྙཱཎཾ ཏེཧི ཨེཀུཔྤཱདཾ ཨེཀཝཏྠུཀཾ ཨེཀནིརོདྷཾ ཨེཀཱརམྨཎམེཝ། སེསཔདེསཱུཏི སེསེསུ ‘‘ཡཉྩ སོཏཾ ཡེ ཙ སདྡཱ’’ཏིཨཱདིནཱ ཨཱགཏེསུ ཀཎྷཔཀྑེ པཉྩསུ, སུཀྐཔཀྑེ ཚསུཔི པདེསུ། ཨེསེཝ ནཡོཏི ཡྭཱཡཾ ‘‘ཧེཊྛཱ གཧིཏརཱུཔམེཝ གཎྷིཏྭཱ’’ཏི ཨཏྠོ ཝུཏྟོ། ཨེསོ ཨེཝ ཏཏྠཔི ཨཏྠཝཎྞནཱནཡོ།
27. Cakkhuviññāṇaviññātabbadhammo nāma rūpāyatanamevāti āha ‘‘heṭṭhā gahitarūpamevā’’ti. Idha anāpāthagataṃ ‘‘cakkhuviññāṇaviññātabbā dhammā’’ti vuttattā. Heṭṭhā āpāthagatampi anāpāthagatampi gahitameva ‘‘ye ca rūpā’’ti anavasesato vuttattā. Te hi vedanāsaññāsaṅkhārakkhandhā saha cakkhuviññāṇena viññātabbattā. Tathā hi cakkhuviññāṇaṃ tehi ekuppādaṃ ekavatthukaṃ ekanirodhaṃ ekārammaṇameva. Sesapadesūti sesesu ‘‘yañca sotaṃ ye ca saddā’’tiādinā āgatesu kaṇhapakkhe pañcasu, sukkapakkhe chasupi padesu. Eseva nayoti yvāyaṃ ‘‘heṭṭhā gahitarūpameva gaṇhitvā’’ti attho vutto. Eso eva tatthapi atthavaṇṇanānayo.
དུཏིཡཨཔརིཛཱནནསུཏྟཝཎྞནཱ ནིཊྛིཏཱ།
Dutiyaaparijānanasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༥. དུཏིཡཨཔརིཛཱནནསུཏྟཾ • 5. Dutiyaaparijānanasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. དུཏིཡཨཔརིཛཱནནསུཏྟཝཎྞནཱ • 5. Dutiyaaparijānanasuttavaṇṇanā
