| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
8. දුතියඅපාසාදිකසුත්‌තං
8. Dutiyaapāsādikasuttaṃ
218. ‘‘පඤ්‌චිමෙ, භික්‌ඛවෙ, ආදීනවා අපාසාදිකෙ. කතමෙ පඤ්‌ච? අප්‌පසන්‌නා නප්‌පසීදන්‌ති, පසන්‌නානඤ්‌ච එකච්‌චානං අඤ්‌ඤථත්‌තං හොති, සත්‌ථුසාසනං අකතං 1 හොති, පච්‌ඡිමා ජනතා දිට්‌ඨානුගතිං ආපජ්‌ජති, චිත්‌තමස්‌ස නප්‌පසීදති. ඉමෙ ඛො, භික්‌ඛවෙ, පඤ්‌ච ආදීනවා අපාසාදිකෙ.
218. ‘‘Pañcime, bhikkhave, ādīnavā apāsādike. Katame pañca? Appasannā nappasīdanti, pasannānañca ekaccānaṃ aññathattaṃ hoti, satthusāsanaṃ akataṃ 2 hoti, pacchimā janatā diṭṭhānugatiṃ āpajjati, cittamassa nappasīdati. Ime kho, bhikkhave, pañca ādīnavā apāsādike.
‘‘පඤ්‌චිමෙ, භික්‌ඛවෙ, ආනිසංසා පාසාදිකෙ. කතමෙ පඤ්‌ච? අප්‌පසන්‌නා පසීදන්‌ති, පසන්‌නානඤ්‌ච භිය්‍යොභාවො හොති, සත්‌ථුසාසනං කතං හොති, පච්‌ඡිමා ජනතා දිට්‌ඨානුගතිං ආපජ්‌ජති, චිත්‌තමස්‌ස පසීදති. ඉමෙ ඛො, භික්‌ඛවෙ, පඤ්‌ච ආනිසංසා පාසාදිකෙ’’ති. අට්‌ඨමං.
‘‘Pañcime, bhikkhave, ānisaṃsā pāsādike. Katame pañca? Appasannā pasīdanti, pasannānañca bhiyyobhāvo hoti, satthusāsanaṃ kataṃ hoti, pacchimā janatā diṭṭhānugatiṃ āpajjati, cittamassa pasīdati. Ime kho, bhikkhave, pañca ānisaṃsā pāsādike’’ti. Aṭṭhamaṃ.
Footnotes:
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 3-10. සීලසුත්‌තාදිවණ්‌ණනා • 3-10. Sīlasuttādivaṇṇanā
