| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. দুতিযঅপুত্তকসুত্তৰণ্ণনা
10. Dutiyaaputtakasuttavaṇṇanā
১৩১. পিণ্ডপাতেনাতি সহযোগে করণৰচনং। পটিপাদনং তেন সহ যোজনন্তি আহ ‘‘পিণ্ডপাতেন সদ্ধিং সংযোজেসি, পিণ্ডপাতং অদাসীতি অত্থো’’তি। ‘‘পণীতভোজনং ভুঞ্জিত্ৰা’’তি ৰুত্তং, পাল়িযং পন ‘‘কণাজকং ভুঞ্জতি বিলঙ্গদুতিয’’ন্তি। তং তং পৰত্তিতং যেভুয্যৰসেন ৰুত্তন্তি দট্ঠব্বং। ইদানি ‘‘ইমস্স সেট্ঠিস্স কস্সচি সমণস্স ৰা ব্রাহ্মণস্স ৰা দেথা’’তি ৰচনং ন সুতপুব্বং, যস্মা পচ্চেকবুদ্ধা নাম অত্তনো গুণানুভাৰেহি লোকে পাকটা সঞ্জাতা এৰ হোন্তি, তস্মা সেট্ঠিভরিযায ‘‘ন যস্স ৰা তস্স ৰা’’তিআদি চিন্তিতং। তথা হি তেসং দেন্তাপি সক্কচ্চং যেভুয্যেন পণীতমেৰ দেন্তি। নাসাপুটং পহরি অত্তনো আনুভাৰেন। সো লুদ্ধতায ‘‘বহু ৰত ধঞ্ঞং মমস্সা’’তি চিত্তং সংযমেতুং সন্ধারেতুং অসক্কোন্তো।
131.Piṇḍapātenāti sahayoge karaṇavacanaṃ. Paṭipādanaṃ tena saha yojananti āha ‘‘piṇḍapātena saddhiṃ saṃyojesi, piṇḍapātaṃ adāsīti attho’’ti. ‘‘Paṇītabhojanaṃ bhuñjitvā’’ti vuttaṃ, pāḷiyaṃ pana ‘‘kaṇājakaṃ bhuñjati bilaṅgadutiya’’nti. Taṃ taṃ pavattitaṃ yebhuyyavasena vuttanti daṭṭhabbaṃ. Idāni ‘‘imassa seṭṭhissa kassaci samaṇassa vā brāhmaṇassa vā dethā’’ti vacanaṃ na sutapubbaṃ, yasmā paccekabuddhā nāma attano guṇānubhāvehi loke pākaṭā sañjātā eva honti, tasmā seṭṭhibhariyāya ‘‘na yassa vā tassa vā’’tiādi cintitaṃ. Tathā hi tesaṃ dentāpi sakkaccaṃ yebhuyyena paṇītameva denti. Nāsāpuṭaṃ pahari attano ānubhāvena. So luddhatāya ‘‘bahu vata dhaññaṃ mamassā’’ti cittaṃ saṃyametuṃ sandhāretuṃ asakkonto.
ৰিপ্পটিসারুপ্পন্নাকারং দস্সেতুং ‘‘ৰরমেত’’ন্তিআদি ৰুত্তং। ‘‘ইমস্স সমণস্স পিণ্ডপাতং দেহী’’তি ৰদতো ন একায এৰ জৰনৰীথিযা ৰসেন অত্থসিদ্ধি। অথ খো তত্থ আদিতো পৰত্তজৰনৰারোপি অত্থি মজ্ঝে পৰত্তজৰনৰারোপি, তং সন্ধাযাহ ‘‘পুব্বপচ্ছিমচেতনাৰসেনা’’তি। একা চেতনা দ্ৰে পটিসন্ধিযো ন দেতীতি এত্থ সাকেতপঞ্হৰসেন নিচ্ছযো ৰেদিতব্বো। চুদ্দসন্নং চেতনানং পুব্বে পুরেতরং কতত্তা পুরাণং।
Vippaṭisāruppannākāraṃ dassetuṃ ‘‘varameta’’ntiādi vuttaṃ. ‘‘Imassa samaṇassa piṇḍapātaṃ dehī’’ti vadato na ekāya eva javanavīthiyā vasena atthasiddhi. Atha kho tattha ādito pavattajavanavāropi atthi majjhe pavattajavanavāropi, taṃ sandhāyāha ‘‘pubbapacchimacetanāvasenā’’ti. Ekā cetanā dve paṭisandhiyo na detīti ettha sāketapañhavasena nicchayo veditabbo. Cuddasannaṃ cetanānaṃ pubbe puretaraṃ katattā purāṇaṃ.
পরিগয্হতীতি পরিগ্গহোতি আহ ‘‘পরিগ্গহিতং ৰত্থু’’ন্তি। অন্ৰায উপনিস্সায জীৰন্তীতি অনুজীৰিনো। সব্বমেতন্তি ধনধঞ্ঞাদিসব্বং এতং যথাৰুত্তপরিগ্গহৰত্থুং। নিক্খিপ্পগামিনন্তি নিক্খিপিতব্বতাগামিনং। নিক্খিপিতব্বসভাৰং হোতীতি আহ ‘‘নিক্খিপ্পসভাৰ’’ন্তি। পহায গমনীযন্তি অযমেত্থ অত্থোতি আহ ‘‘পরিচ্চজিতব্বসভাৰমেৰা’’তি।
Parigayhatīti pariggahoti āha ‘‘pariggahitaṃ vatthu’’nti. Anvāya upanissāya jīvantīti anujīvino. Sabbametanti dhanadhaññādisabbaṃ etaṃ yathāvuttapariggahavatthuṃ. Nikkhippagāminanti nikkhipitabbatāgāminaṃ. Nikkhipitabbasabhāvaṃ hotīti āha ‘‘nikkhippasabhāva’’nti. Pahāya gamanīyanti ayamettha atthoti āha ‘‘pariccajitabbasabhāvamevā’’ti.
দুতিযঅপুত্তকসুত্তৰণ্ণনা নিট্ঠিতা।
Dutiyaaputtakasuttavaṇṇanā niṭṭhitā.
দুতিযৰগ্গৰণ্ণনা নিট্ঠিতা।
Dutiyavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. দুতিযঅপুত্তকসুত্তং • 10. Dutiyaaputtakasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. দুতিযঅপুত্তকসুত্তৰণ্ণনা • 10. Dutiyaaputtakasuttavaṇṇanā
