| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. д̣̇уд̇ияаабуд̇д̇агасуд̇д̇аван̣н̣анаа
10. Dutiyaaputtakasuttavaṇṇanā
131. д̣̇асамз бин̣д̣абаад̇зна бадибаад̣̇зсийд̇и бин̣д̣абаад̇зна сад̣̇д̇хим̣ сам̣яож̇зси, бин̣д̣абаад̇ам̣ ад̣̇аасийд̇и ад̇т̇о. баггаамийд̇и гзнажид̣̇зва рааж̇убадтаанаад̣̇инаа гижжзна г̇ад̇о. бажчаа виббадисаарий ахосийд̇и со гира ан̃н̃зсуби д̣̇ивасзсу д̇ам̣ бажжзгасамб̣уд̣̇д̇хам̣ бассад̇и, д̣̇аад̇ум̣ банасса жид̇д̇ам̣ на уббаж̇ж̇ад̇и. д̇асмим̣ бана д̣̇ивасз аяам̣ бад̣̇умавад̇ид̣̇звияаа д̇ад̇ияабуд̇д̇о д̇аг̇г̇арасикий бажжзгаб̣уд̣̇д̇хо г̇анд̇хамаад̣̇анабаб̣б̣ад̇з паласамаабад̇д̇исукзна вийд̇инаамзд̇ваа буб̣б̣ан̣хасамаяз вудтааяа анод̇ад̇д̇ад̣̇ахз мукам̣ д̇ховид̇ваа маносилаад̇алз ниваасзд̇ваа гааяаб̣анд̇ханам̣ б̣анд̇хид̇ваа бад̇д̇ажийварамаад̣̇ааяа абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа ид̣̇д̇хияаа взхаасам̣ аб̣бхуг̇г̇анд̇ваа наг̇арад̣̇ваарз оруяха жийварам̣ баарубид̇ваа бад̇д̇амаад̣̇ааяа наг̇араваасийнам̣ гхарад̣̇ваарзсу сахассабхан̣д̣игам̣ табзнд̇о вияа баасаад̣̇игзхи абхигганд̇аад̣̇ийхи анубуб̣б̣зна сздтино гхарад̣̇ваарам̣ самбад̇д̇о. д̇ам̣д̣̇ивасан̃жа сздти баад̇ова удтааяа бан̣ийд̇абхож̇анам̣ бхун̃ж̇ид̇ваа, гхарад̣̇ваарагодтагз аасанам̣ бан̃н̃аабзд̇ваа, д̣̇анд̇анд̇араани сод̇хзнд̇о нисинно ход̇и. со бажжзгаб̣уд̣̇д̇хам̣ д̣̇исваа, д̇ам̣д̣̇ивасам̣ баад̇о бхуд̇ваа нисиннад̇д̇аа д̣̇аанажид̇д̇ам̣ уббаад̣̇зд̇ваа, бхарияам̣ баггосаабзд̇ваа, ‘‘имасса саман̣асса бин̣д̣абаад̇ам̣ д̣̇зхий’’д̇и вад̇ваа баггаами.
131. Dasame piṇḍapātena paṭipādesīti piṇḍapātena saddhiṃ saṃyojesi, piṇḍapātaṃ adāsīti attho. Pakkāmīti kenacideva rājupaṭṭhānādinā kiccena gato. Pacchā vippaṭisārī ahosīti so kira aññesupi divasesu taṃ paccekasambuddhaṃ passati, dātuṃ panassa cittaṃ na uppajjati. Tasmiṃ pana divase ayaṃ padumavatideviyā tatiyaputto taggarasikhī paccekabuddho gandhamādanapabbate phalasamāpattisukhena vītināmetvā pubbaṇhasamaye vuṭṭhāya anotattadahe mukhaṃ dhovitvā manosilātale nivāsetvā kāyabandhanaṃ bandhitvā pattacīvaramādāya abhiññāpādakaṃ catutthajjhānaṃ samāpajjitvā iddhiyā vehāsaṃ abbhuggantvā nagaradvāre oruyha cīvaraṃ pārupitvā pattamādāya nagaravāsīnaṃ gharadvāresu sahassabhaṇḍikaṃ ṭhapento viya pāsādikehi abhikkantādīhi anupubbena seṭṭhino gharadvāraṃ sampatto. Taṃdivasañca seṭṭhi pātova uṭṭhāya paṇītabhojanaṃ bhuñjitvā, gharadvārakoṭṭhake āsanaṃ paññāpetvā, dantantarāni sodhento nisinno hoti. So paccekabuddhaṃ disvā, taṃdivasaṃ pāto bhutvā nisinnattā dānacittaṃ uppādetvā, bhariyaṃ pakkosāpetvā, ‘‘imassa samaṇassa piṇḍapātaṃ dehī’’ti vatvā pakkāmi.
сздтибхарияаа жинд̇зси – ‘‘маяаа зд̇д̇агзна гаалзна имасса ‘д̣̇зт̇аа’д̇и важанам̣ на суд̇абуб̣б̣ам̣, д̣̇аабзнд̇оби жа аж̇ж̇а на яасса ваа д̇асса ваа д̣̇аабзд̇и, вийд̇арааг̇ад̣̇осамохасса ванд̇агилзсасса охид̇абхаарасса бажжзгаб̣уд̣̇д̇хасса д̣̇аабзд̇и, яам̣ ваа д̇ам̣ ваа ад̣̇ад̇ваа бан̣ийд̇ам̣ бин̣д̣абаад̇ам̣ д̣̇ассаамий’’д̇и, гхараа нигкамма бажжзгаб̣уд̣̇д̇хам̣ бан̃жабад̇идтид̇зна ванд̣̇ид̇ваа бад̇д̇ам̣ аад̣̇ааяа анд̇онивзсанз бан̃н̃ад̇д̇аасанз нисийд̣̇аабзд̇ваа субарисуд̣̇д̇хзхи саалид̇ан̣д̣улзхи бхад̇д̇ам̣ самбаад̣̇зд̇ваа д̇ад̣̇ануруубам̣ каад̣̇анийяам̣ б̣яан̃ж̇анам̣ субзяяан̃жа саллагкзд̇ваа бад̇д̇ам̣ буурзд̇ваа б̣ахи г̇анд̇хзхи самалан̇гарид̇ваа бажжзгаб̣уд̣̇д̇хасса хад̇т̇зсу бад̇идтабзд̇ваа ванд̣̇и. бажжзгаб̣уд̣̇д̇хо – ‘‘ан̃н̃зсамби бажжзгаб̣уд̣̇д̇хаанам̣ сан̇г̇ахам̣ гариссаамий’’д̇и абарибхун̃ж̇ид̇ваава анумод̣̇анам̣ гад̇ваа баггаами. соби ко сздти б̣аахирад̇о ааг̇ажчанд̇о бажжзгаб̣уд̣̇д̇хам̣ д̣̇исваа маяам̣ ‘‘д̇умхаагам̣ бин̣д̣абаад̇ам̣ д̣̇зт̇аа’’д̇и вад̇ваа багганд̇аа, аби во лад̣̇д̇ход̇и? аама, сздти лад̣̇д̇ход̇и. ‘‘бассаамий’’д̇и г̇ийвам̣ угкибид̇ваа ологзси. ат̇асса бин̣д̣абаад̇аг̇анд̇хо удтахид̇ваа наасаабудам̣ бахари. со жид̇д̇ам̣ сам̣яамзд̇ум̣ асаггонд̇о бажчаа виббадисаарий аахосийд̇и.
Seṭṭhibhariyā cintesi – ‘‘mayā ettakena kālena imassa ‘dethā’ti vacanaṃ na sutapubbaṃ, dāpentopi ca ajja na yassa vā tassa vā dāpeti, vītarāgadosamohassa vantakilesassa ohitabhārassa paccekabuddhassa dāpeti, yaṃ vā taṃ vā adatvā paṇītaṃ piṇḍapātaṃ dassāmī’’ti, gharā nikkhamma paccekabuddhaṃ pañcapatiṭṭhitena vanditvā pattaṃ ādāya antonivesane paññattāsane nisīdāpetvā suparisuddhehi sālitaṇḍulehi bhattaṃ sampādetvā tadanurūpaṃ khādanīyaṃ byañjanaṃ supeyyañca sallakkhetvā pattaṃ pūretvā bahi gandhehi samalaṅkaritvā paccekabuddhassa hatthesu patiṭṭhapetvā vandi. Paccekabuddho – ‘‘aññesampi paccekabuddhānaṃ saṅgahaṃ karissāmī’’ti aparibhuñjitvāva anumodanaṃ katvā pakkāmi. Sopi kho seṭṭhi bāhirato āgacchanto paccekabuddhaṃ disvā mayaṃ ‘‘tumhākaṃ piṇḍapātaṃ dethā’’ti vatvā pakkantā, api vo laddhoti? Āma, seṭṭhi laddhoti. ‘‘Passāmī’’ti gīvaṃ ukkhipitvā olokesi. Athassa piṇḍapātagandho uṭṭhahitvā nāsāpuṭaṃ pahari. So cittaṃ saṃyametuṃ asakkonto pacchā vippaṭisārī āhosīti.
варамзд̇анд̇иаад̣̇и виббадисаарасса уббаннаагаарад̣̇ассанам̣. бхаад̇у жа бана згабуд̇д̇агам̣ саабад̇зяяасса гааран̣аа ж̇ийвид̇аа воробзсийд̇и д̇ад̣̇аа гирасса авибхад̇д̇зязва гудумб̣з маад̇аабид̇аро жа ж̇здтабхаад̇аа жа гааламагам̣су. со бхаад̇уж̇ааяааяа сад̣̇д̇хим̣язва сам̣ваасам̣ габбзси. бхаад̇у банасса зго буд̇д̇о ход̇и, д̇ам̣ вийт̇ияаа гийл̣анд̇ам̣ мануссаа вад̣̇анд̇и – ‘‘аяам̣ д̣̇аасо аяам̣ д̣̇аасий ид̣̇ам̣ яаанам̣ ид̣̇ам̣ д̇ханам̣ д̇ава санд̇ага’’нд̇и. со д̇зсам̣ гат̇ам̣ г̇ахзд̇ваа – ‘‘аяам̣ д̣̇аасо маяхам̣ санд̇ага’’нд̇иаад̣̇ийни гат̇зд̇и.
Varametantiādi vippaṭisārassa uppannākāradassanaṃ. Bhātu ca pana ekaputtakaṃ sāpateyyassa kāraṇā jīvitā voropesīti tadā kirassa avibhatteyeva kuṭumbe mātāpitaro ca jeṭṭhabhātā ca kālamakaṃsu. So bhātujāyāya saddhiṃyeva saṃvāsaṃ kappesi. Bhātu panassa eko putto hoti, taṃ vīthiyā kīḷantaṃ manussā vadanti – ‘‘ayaṃ dāso ayaṃ dāsī idaṃ yānaṃ idaṃ dhanaṃ tava santaka’’nti. So tesaṃ kathaṃ gahetvā – ‘‘ayaṃ dāso mayhaṃ santaka’’ntiādīni katheti.
ат̇асса жуул̣абид̇аа жинд̇зси – ‘‘аяам̣ д̣̇аараго ид̣̇аанзва звам̣ гат̇зси, махаллагагаалз гудумб̣ам̣ маж̇жхз бхинд̣̇аабзяяа, ид̣̇аанзвасса гад̇д̇аб̣б̣ам̣ гариссаамий’’д̇и згад̣̇ивасам̣ ваасим̣ аад̣̇ааяа – ‘‘зхи буд̇д̇а, аран̃н̃ам̣ г̇ажчаамаа’’д̇и д̇ам̣ аран̃н̃ам̣ нзд̇ваа вираванд̇ам̣ вираванд̇ам̣ маарзд̇ваа ааваадз багкибид̇ваа бам̣сунаа бадижчаад̣̇зси. ид̣̇ам̣ санд̇хааязд̇ам̣ вуд̇д̇ам̣. сад̇д̇агкад̇д̇унд̇и сад̇д̇аваарз. буб̣б̣абажчимажзд̇анаавасзна жзд̇т̇а ад̇т̇о взд̣̇ид̇аб̣б̣о. згабин̣д̣абаад̇ад̣̇аанасмин̃хи згаава жзд̇анаа д̣̇вз бадисанд̇хияо на д̣̇зд̇и, буб̣б̣абажчимажзд̇анаахи банзса сад̇д̇агкад̇д̇ум̣ саг̇г̇з, сад̇д̇агкад̇д̇ум̣ сздтигулз ниб̣б̣ад̇д̇о. бураан̣анд̇и бажжзгасамб̣уд̣̇д̇хасса д̣̇иннабин̣д̣абаад̇ажзд̇анаагаммам̣.
Athassa cūḷapitā cintesi – ‘‘ayaṃ dārako idāneva evaṃ kathesi, mahallakakāle kuṭumbaṃ majjhe bhindāpeyya, idānevassa kattabbaṃ karissāmī’’ti ekadivasaṃ vāsiṃ ādāya – ‘‘ehi putta, araññaṃ gacchāmā’’ti taṃ araññaṃ netvā viravantaṃ viravantaṃ māretvā āvāṭe pakkhipitvā paṃsunā paṭicchādesi. Idaṃ sandhāyetaṃ vuttaṃ. Sattakkhattunti sattavāre. Pubbapacchimacetanāvasena cettha attho veditabbo. Ekapiṇḍapātadānasmiñhi ekāva cetanā dve paṭisandhiyo na deti, pubbapacchimacetanāhi panesa sattakkhattuṃ sagge, sattakkhattuṃ seṭṭhikule nibbatto. Purāṇanti paccekasambuddhassa dinnapiṇḍapātacetanākammaṃ.
бариг̇г̇аханд̇и бариг̇г̇ахид̇авад̇т̇у. ануж̇ийвинод̇и згам̣ махаагулам̣ ниссааяа бан̣н̣аасамби садтиби гулаани ж̇ийванд̇и, д̇з мануссз санд̇хааязд̇ам̣ вуд̇д̇ам̣. саб̣б̣ам̣ наад̣̇ааяа г̇анд̇аб̣б̣анд̇и саб̣б̣амзд̇ам̣ на аад̣̇ияид̇ваа г̇анд̇аб̣б̣ам̣. саб̣б̣ам̣ нигкиббаг̇ааминанд̇и саб̣б̣амзд̇ам̣ нигкиббасабхаавам̣, барижжаж̇ид̇аб̣б̣асабхаавамзваад̇и ад̇т̇о. д̣̇асамам̣.
Pariggahanti pariggahitavatthu. Anujīvinoti ekaṃ mahākulaṃ nissāya paṇṇāsampi saṭṭhipi kulāni jīvanti, te manusse sandhāyetaṃ vuttaṃ. Sabbaṃ nādāya gantabbanti sabbametaṃ na ādiyitvā gantabbaṃ. Sabbaṃ nikkhippagāminanti sabbametaṃ nikkhippasabhāvaṃ, pariccajitabbasabhāvamevāti attho. Dasamaṃ.
д̣̇уд̇ияо ваг̇г̇о.
Dutiyo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. д̣̇уд̇ияаабуд̇д̇агасуд̇д̇ам̣ • 10. Dutiyaaputtakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. д̣̇уд̇ияаабуд̇д̇агасуд̇д̇аван̣н̣анаа • 10. Dutiyaaputtakasuttavaṇṇanā
